________________
કાંકરા સમાન હોવાથી તેની આવશ્યકતા નથી. જે કુળમાં તે જન્મ લે છે, તે કુળ ઉત્તમ, ખાનદાન અને સમૃદ્ધિવંત હોય છે. દરિદ્ર કે નીચ કુળોમાં પ્રભુ જન્મને ધારણ કરતા જ નથી, તેથી કુળને પણ તેવી વૃષ્ટિઓની જરૂર રહેતી નથી તો પછી ઇન્દ્ર તે વૃષ્ટિઓ શા માટે કરાવે છે?
ઉ. પ્રભુને અથવા પ્રભુના માતપિતાને કે કુળને તેની જરૂર છે માટે વૃષ્ટિ કરાવે છે એમ નહિ, પણ પરમાત્મા તરફની પોતાની ભક્તિ તથા બહુમાન દર્શાવવા અને પ્રભુનો મહિમા પૃથ્વીપટ ઉપર પ્રસરાવવા પોતાનો શાશ્વત આચારપાળે છે. સાચા સ્વામી એવા ઉદાર હોય છે કે જે સેવકની સેવા શુશ્રષાને ચિત્તમાં ચાહનારા નથી હોતા, અને સ્વામિત્વના અહંભાવથી રહિત હોય છે. સેવાના પ્રસંગે સેવા ન કરનાર જીવો પ્રત્યે પણ વાત્સલ્ય અને કરુણાભાવ દર્શાવનારા હોય છે, ત્યારે સેવક પણ કેવા હોય છે, કહો, જે સદા સેવા કરવાના વ્યસની અને સેવા કરવા માટે સતત જાગ્રત હોય છે, તેમજ સેવાના પ્રસંગને ઉમળકાથી ઝડપી લેનારા, સેવ્ય પ્રત્યે બહુમાન અને વિનય મર્યાદાનું પાલન કરનારા અને સેવાવિહુણા દિવસને વાંઝીયો માનનારા અને તેથી બેચેની અનુભવનારા હોય છે. પછી ઇન્દ્ર આભિયોગિક દેવતાઓ પાસે એક મોટી ઉદ્ઘોષણા કરાવે છે કે “જે મનથી પણ પ્રભુ કે પ્રભુની માતાનું અશુભ ચિંતવશે તેનું માથું ફોડી નાખવામાં આવશે.” હવે ઇન્દ્ર ત્યાંથી જવા પૂર્વે ભગવાનના અંગુઠામાં અમૃતનો સંચાર કરી જવાની તૈયારી કરે છે. બાલ્યવયમાં પ્રભુ માતાને ધાવતા નથી. ભૂખ લાગે ત્યારે અંગુઠો મુખમાં નાખે અને અમૃતપાનથી તૃપ્ત થાય છે.
ઇન્દ્ર સપરિવારનું નંદીશ્વરદ્વીપગમન,
ઉત્સવ અને દેવલોકગમનઃપ્રભુનો જન્મોત્સવ ઉજવ્યા બાદ અને પ્રભુને સુખપૂર્વક મુક્યા પછી ઇન્દ્ર વિગેરે બધા દેવો નંદીશ્વરદ્વીપમાં ઓચ્છવ કરવા માટે જાય છે, કેમ વારૂ ? જગદ્ગુરુ જિનેન્દ્રના જન્માભિષેકથી આત્મામાં થયેલો અનેરો આનંદ જાણે હજુ અધુરો લાગે છે, તેથી તેને પૂર્ણ કરવા નંદીશ્વરદ્વીપે જાય છે. ત્યાં
