________________
પબાસણેય સાફ થાય. પ્રભુના અંગે વાપરવાના છે ત્યાં સુધી પાટપોથા તરીકે તે ન જ વાપરી શકાય. વિચારો ! માસિક કે વાર્ષિક મોટા ખરચા કુટુંબની પાછળ ઉપાડે, તુચ્છ વિલાસીની પાછળ પૈસાનું પાણી કરે, તેને જિનભક્તિની પાછળ માસિક કે વાર્ષિક ખર્ચ કેટલો? કુટુંબની પાછળ કરાતા ખર્ચની અપેક્ષાએ કેટલામા ભાગે ? સંસારને ગમે તેટલો ખુશ કરવામાં આવશે છતાં અંતે તો તે રૌરવ દુઃખના ભયંકર ચાબકા જ મારવાનો છે, એ બરાબર યાદ રહે.
પ્રભુજીનું પવિત્ર અંગ પવિત્ર વસ્ત્રથી લુછયા બાદ ઉત્તમ ચંદન વિગેરે સુગંધીદાર દ્રવ્યોથી ઇન્દ્ર પ્રભુજીના અંગનું પૂજન કરે છે. ઉપરાંત છંટકાવ કરે છે. વિલેપન કરવા માટેના દ્રવ્યો, જેવાં કે મઘમઘતું કેસર, બરાસ, કસ્તુરી, અત્તર વિગેરે, એ સુંદર, કિંમતી અને સુગંધથી મઘમઘતા જોઇએ. ફીકા અને હલકા દ્રવ્યોથી પ્રભુનું બહુમાન તથા યોગ્ય ભક્તિ થઇ શકતી નથી. ઘેર આવેલા જમાઇરાજના સન્માન અને સત્કાર મામુલી દ્રવ્યોથી કરાતા નથી, પણ મૂલ્યવાન ચીજોથી કરાય છે. ત્યારે શું જમાઇરાજ જેવાની અપેક્ષાએ પણ શ્રી જિનરાજની કિંમત કાંઈ નહિ ? સમજવું જોઇએ કે પ્રભુનું મૂલ્યાંકન કરી શકાય એમ નથી. કેવળજ્ઞાની મહર્ષિ પણ અરિહંત પ્રભુના ગુણ અને મહત્વને પૂરા વર્ણવી શકે નહિ !
કેશરના ચાંલ્લા પણ પહેલાં બરાસનું વિલેપન કરી તે બરાસ ઉપર કરવા જોઇએ. એકલા ગરમ કેસરને લીધે જતે દિવસે પ્રતિમાજી ઉપર ડાઘો પડી જાય છે. તેથી ચાંલ્લા વ્યવસ્થિત, ગોળમટોળ, નાજુક અને દેખાવડા કરવા જોઇએ, આપણા કપાળમાં કરેલ તિલક જ્યારે માપસર અને રમણીય હોય, તો પરમાત્માના અંગે કરેલા તિલક વાંકાચુંકા, માપ વિનાના, ગમે
ત્યાં અને રેલા ઉતરે તેવા કેમ ચાલે ? કેટલાક ભક્તજનો પ્રતિમાજી ઉપર કેસરના રેલા ઉતારતા હોય અને સાથે તિલક કરવાની ભક્તિ ચાલુ રાખતા હોય છે. આ તેમની કેટલી વિવેકભરી ભક્તિ કહેવાય ? કેસરના તિલક કરતાં પ્રતિમાજીના અન્ય અંગે ટપકાં ન પડે તે બદલ પૂરી કાળજી શ્રદ્ધાળુ ઉપાસકે ખાસ રાખવી જોઇએ.
5
કફ ફ
મ ૪૭ -
૨ -
ટ
