________________
|| શ્રી પરમાત્મને નમઃ | | શ્રી શંખેશ્વર પાર્શ્વનાથાય નમઃ |
શ્રી વિજય પ્રેમસૂરીશ્વર ભાનુવિજયેભ્યઃ નમ:
જિનભક્તિસરિતા યાને વીરવિજયજીકૃત સ્નાત્રપૂજાનો
ભાવાનુવાદ (યોજક મુનિ મહારાજ શ્રી પદ્યવિજયજી)
ભીષણ સંસારમાં પરમ આલંબન સંસારરૂપી ભીષણ અટવીમાં જીવો બિચારા ક્રૂરકર્મસત્તાના દુર્ઘર્ષશાસનને આધીન બની અતિશય દયામય અને દુઃખદ પરિસ્થિતિને અનુભવી રહ્યા છે. અનંત ભવભ્રમણના ફેરા ફરવા છતાં આ રાંક જીવની મુસાફરીનો અંત આવ્યો નથી. એમાંય ચોરાસી લાખ યોનીમાં અનંતીવાર ભમી ભમીને આત્માએ કલેશ, કર્દશના અને કંગાલીયત સિવાય બીજું શું અનુભવ્યું છે? નરકની રોરવ પીડા અને પરમાધામીનો પ્રબળ ત્રાસ અનંતીવાર સહન કર્યો. સંસારના પક્ષપાતથી આત્મા લેશ માત્ર સુખી થયો નથી, પરંતુ ડગલે અને પગલે દુઃખ, દુર્બાન અને અસમાધિના પુનઃપુનઃ ઝંઝાવાતનો ભોગ બની રહેલ છે. એવા વિકરાળ સંસારમાં અજબ ગજબના ઉંડા આશ્વાસન, સુંદર સમાધિ, સદગતિ અને પરિણામે મોક્ષના અક્ષયસુખ આપનાર પરમ આલંબન તરીકે શ્રી જિનપ્રતિમા અને શ્રી જિનાગમ છે એમશ્રી અંતરાય કર્મનિવારણ પૂજામાં આ સ્નાત્રના બનાવનાર પં. શ્રી વીરવિજયજીએ “વિષમકાળ જિનબિંબ જિનાગમ ભવિયણકુંઆધારા” એ પદોથી જણાવેલ છે.
પરમાત્માનો ઉપકાર - કર્મ સત્તાના ચાલ્યા આવતા અનાદિના શાસનને જડમૂળથી ઉખેડી નાખવામાં અને પરમપદને મેળવવામાં પરમાત્માની ભક્તિ એ અતિ આવશ્યક
