________________
અંગ તો નિર્મળ અને પવિત્ર છે છતાં નિર્મળ પાણીથી સ્નાન કેમ કરવાનું? ઉત્તર-આપણો આત્મા મલીન અને અપવિત્ર છે પ્રભુ પવિત્ર અને ઉજ્જવળ છે. પવિત્ર અંગને ધારણ કરનારા પ્રભુ પર જળનો અભિષેક કરીને મલીન એવા આપણા આત્માને નિર્મલ બનાવી શકીએ.),
અભિષેક કરતી વખતે યોગ્યભાવ અને દ્રશ્ય -
જિનેશ્વર ભગવંતનો જ્યારે જન્મ થાય છે, ત્યારે ઇદ્રોનાં સિંહાસનો કંપે છે. એ ત્યાં અવધિજ્ઞાનના ઉપયોગ પરમાત્માના જન્મને જાણી શકે છે. જન્મને જાણતાં પારાવાર આનંદ અનુભવે છે. જન્મકલ્યાણકના શાશ્વતિક આચારનું પાલન કરવા અતિ ઉત્સાહપૂર્વક તૈયાર થઇ જાય છે અને દેવોના પરિવાર સાથે આવી પ્રભુજીને મેરુ પર્વત પર લઇ જાય છે. ઇંદ્રોને સેવામાં અનેક દેવતાઓ મળ્યા છે છતાં કોઇ દેવતાને આ કાર્યમાં નહિ ભળાવતાં પોતાની જાતે જન્મકલ્યાણકની ઉજવણી કરવા માટે દોડધામ કરે છે અને એમાં પોતાના આત્માને મહાન પુણ્યશાળી માને છે.
“જિણજન્મસમયે મેરૂસિહરે રણકણાયકલસેહિ દેવા સુરહિ હવિલે તે ધન્ના જેહિં દિહોસિ.” .૩/૪
મેરૂ પર્વત પર સુગંધીદાર ઔષધિના મિશ્ર પાણીથી ભરેલા રત્નના, સુવર્ણના, રૂપાના વિગેરે આઠ પ્રકારના કળશોથી દેવો તથા દાનવો પ્રભુજીને જન્મ સમયે નવરાવે છે. ધન્ય છે તેઓને કે જેઓ વડે દેવો તથા દાનવોથી આ રીતે અભિષેક કરાતા એવા આપ, હે પ્રભુજોવાયા છો. ધન્યવાદ એટલાજ માટે કે એ ઉત્સવથી સન્માન કરાતા એવા પ્રભુના દર્શન કરવા માત્રથી જન્મ કૃતાર્થ થાય છે, અને આત્મા બોધિબીજને પણ પામી જાય છે. પ્રભુનું દર્શન આત્મદર્શનની જ્યોતિને ઝડપથી પ્રગટાવનારું છે, પણ એ ક્યારે બને ? જીવનમાં દર્શન કરવાની અદભૂત કળા શીખી લેવાય ત્યારે. પરમાત્માના અભિષેક વખતે મેરુપર્વત પર દેવો અને દેવેન્દ્રો જન્માભિષેક ઉજવી રહ્યા છે એવો ચિતાર આંખ સામે ખડો કરવાનો, અને તે સમયે પ્રભુનાં દર્શન કરનાર
