________________
એ કેવીક વૃદ્ધિ !! ત્યાગ પણ કેવો બલવાન કે ઇન્દ્રયોના વિષય તરફ કોઇ આકર્ષણ નહિ, કોઇ વિકાર પણ નહિ ! તેથી ભોગની કલ્પના કે વિચાર પણ નહિ. નિર્વિકાર વીતરાગ પ્રાયઃ અવસ્થા, ત્યાગનો મહાન ગુણાકાર, અનુત્તર દેવના ભવ પછી ચરમ ભવ અને મોક્ષમાં તો સુસંસ્કારની પરાકાષ્ઠા, સર્વત્યાગ અને ગુરુ પ્રભુની આત્મજ્યોતિમાં સ્વાત્મજ્યોતિની મિલાવટ ! આ બધું શું ? ગોપાલના ભવમાં કરેલું ગુરુનું બહુમાન અને ત્યાગના સુસંસ્કારોની અનન્તરભવોમાં ગુણિત વૃદ્ધિ !
પ્રભુભક્તિથી કુસંસ્કારનો નાશ કેવી રીતે થાય ?
પ્રભુભક્તિ એ એક એવો અદભુત અવસર છે કે જેનાથી રાક્ષસી કુસંસ્કા૨નો નાશ અને દિવ્ય સુસંસ્કારનું પોષણ થાય છે તેના કારણ તરીકે ૧) પરમાત્માનું સ્વરૂપ જ એટલું બધું ઉચ્ચત્તમ, શુદ્ધ અને અનંત જ્યોતિમય છે. તથા ૨) જિન ભક્તિની પદ્ધતિ એવી લોકોત્તર છે, કે તેની પ્રત્યે ભક્ત હૃદય ખૂબજ આકર્ષાઇ ભવ્ય ભાવોલ્લાસમાં ચઢે છે સાથે તે કોમળ બનીને, પરમાત્માએ પોતાના જીવનમાં સ્વયં આચરેલા અને બીજાને ઉપદેશેલા ધર્મમાં મન લગાડે છે અને શ્રદ્ધાળુ બની પોતે ધર્મનો સાધક બને છે. એ વાત સ્વાભાવિક છે કે શરીર તથા મન એવું બનવાથી રંગરાગ અને ભોગવિલાસમાંથી મન ઉઠી જાય અને શરીર પણ અળગું રહ્યા કરે છે.
પ્રભુ ભક્તિનું દ્રષ્ટાન્તઃ
પ્રભુ ભક્તિની ધુનમાં રાવણ જેવો સમ્રાટ રાજા પણ અષ્ટાપદ પર્વત ૫૨ પ્રભુની આગળ વીણા વગાડતા વગાડતા તાર તૂટી જવાથી તત્કાળ પોતાની જાંઘ ચીરીને સ્નાયુતંતુ બહાર કાઢી વીણામાં જોડી દેવા માટે ઉત્સાહિત થયો ! પુણીયો શ્રાવક અને તેની પત્ની ધંધો-આવક ઓછી હોવાથી એકાંતરે ઉપવાસ કરતા હતા, પણ દરરોજ સાધર્મિકભક્તિ અને પુષ્પોના ઢગલાથી પ્રભુભક્તિ કરવામાં ચૂકતા ન હતા ! કુમારપાળ રાજા અઢાર દેશની મહાઉપાધિની વચમાં રોજ ત્રિકાલપૂજા કરતાં હતા અને તેમાં ય મધ્યાહનકાળની અષ્ટ J**********(VIII ⠀⠀⠀⠀⠀⠀⠀⠀⠀❀
