Book Title: Agam 43 Uttarjjhayanam Chauttham Mulsuttam Mulam PDF File
Author(s): Dipratnasagar, Deepratnasagar
Publisher: Deepratnasagar

View full book text
Previous | Next

Page 53
________________ अह बालए तहिं जाए , समुद्दपालि त्ति नामए ।। [७७७] खेमेण आगए चं पं, सावए वाणिए घरं । संवड्ढई धरे तस्स , दारए से सुहोइए || [७७८] बावत्तरी कलाओ य , सिक्खई नीइकोविए । जोव्वणेण य संपन्ने सुरुवे पियदंसणे || [७७९] तस्स रूववइं भज्जं , पिया आणेइ रूविणिं । पासाए कीलए रम्मे , देवो दोगुं दओ जहा ।। [७८०] अह अन्नया कयाई , पासायालोयणे ठि ओ | वज्झ मं डणसोभागं, वज्झं पासइ वज्झगं ।। [७८१] तं पासिऊण संविग्गो , समद्दपालो इणमब्बवी । अहोऽसुभाण कम्माणं , निज्जाणं पावगं इमं ।। [७८२] संबुद्धो सो तहिं भगवं , परमसंवेगमागओ । आपुच्छऽम्मापियरो, पव्वए अ नगारियं ।। अज्झयणं-२१ [७८३] जहित्तु सग्गं थ महाकिलेसं, महंतमोहं कसिणं भया णगं । परियायधम्म चऽभिरोयएज्जा, वयाणि सीलाणि परीसहे य ।। [७८४] अहिंस सच्चं च अतेणगं च , तत्तो य बं भं अपरिग्गहं च । पडिवज्जिया पंच महव्वयाणि, चरिज्ज धम्म जि नदेसियं विदू ।। [७८५] सव्वेहिं भूएहिं दया नुकंपी, खंतिक्खमे संजयबं भयारी | सावज्जजोगं परिवज्जयं तो, चरिज्ज भिक्खू सुसमाहिइंदिए ।। कालेण कालं विहरेज्ज रहे , बलाबलं जाणिय अप्पणो य । सीहो व सद्देण न सं तसेज्जा वयजोग सुच्चा न असं भमाहु ।। [७८७] उवेहमाणो उ परिव्वएज्जा , पियमप्पियं सव्व तितिक्खएज्जा | न सव्व सव्वत्थऽभिरोयएज्जा , न यावि पूयं गरहं च संजए || [७८८] अनेगच्छंदामिह मा नवेहिं, जे भावओ से पगरेइ भिक्खू । भयभेरवा तत्थ उइंति भीमा, दिव्वा मणुस्सा अदुवा तिरिच्छा ।। [७८९] परीसहा दुव्विसहा अ नेगे, सीयंति जत्था बहुकायरा नरा | से तत्थ पत्ते न वहिज्ज भिक्खु , संगामसीसे इव नागराया ।। [७९०] सीओसिणा दंसमसा य फासा , आयंका विविहा फुसं ति देहं । अकुक्कुओ तत्थऽहियासएज्जा , रयाइ खेवेज्ज पुराक डाइं ।। [७९१] पहाय रागं च तहेव दोसं , मोहं च भिक्ख सययं वियक्खणो । मेरु व्व वाएण व अकं पमाणो, परीसहे आयगुत्ते सहेज्जा ।। [७९२] अणुन्नए नावणए महेसी , न यावि पूयं गरहं च संजए | से उज्जुभावं पडिवज्ज संजए , निव्वाणमग्गं विरए उवेइ ।। [७९३] अरइरइसहे पहीणसंथवे , विरए आयहिए पहाणवे । दीपरत्नसागर संशोधितः] [52] [४३-उत्तरज्झयण]


Page Navigation
1 ... 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112