Agam 43 Uttarjjhayanam Chauttham Mulsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 90

[१३६५] मोहणिज्जंपि दुविहं , दंसणे चरणे तहा ।
दंसणे तिविहं वुत्तं , चरणे दुविहं भवे ।। [१३६६] सम्मत्तं चेव मिच्छत्तं , सम्मामिच्छत्तमेव य ।
एयाओ तिन्नि पयडीओ , मोहणिज्जस्स दंसणे ।। [१३६७] चरित्तमोहणं कम्मं , दुविहं तं वियाहियं ।
कसायमोहणिज्जं तु , नोकसायं तहेव य ।। [१३६८] सोलसविहभेएणं, कम्मं तु कसायजं ।
सत्तविहं नवविहं वा , कम्मं च नोकसायजं ।। [१३६९] नेरइयतिरिक्खाऊ, मणुस्साउं तहेव य ।
देवाउयं चउत्थं तु , आउकम्मं चउव्विहं ।। [१३७०] नामकम्मं तु दुविहं , सुहमसुहं च आहियं ।
सुहस्स उ बहू भेया , एमेव असुहस्स वि ।। [१३७१] गोयं कम्मं दुविहं , उच्चं नियं च आहियं ।
उच्च अ द्वविहं होइ , एवं नीयं पि आहियं ।। [१३७२] दाने लाभे य भोगे य , उवभोगे वीरिए तहा । पंचविहमंतरायं,
समासेण वियाहियं ||
अज्झयणं-३३
[१३७३] एयाओ मूलपयडीओ , उत्तराओ य आहिया ।
पएसग्गं खेत्तकाले य , भावं च उत्तरं सुण ।। [१३७४] सव्वेसिं चेव कम्माणं , पएसग्गमनंतगं ।
गंठियसत्ताईयं, अंतो सिद्धाण आहियं ।। [१३७५] सव्वजीवाण कम्मं तु , संगहे छद्दिसागयं ।
सव्वेसु वि पएसेसु , सव्वं सव्वेण बद्धगं ।। [१३७६] उदहीसरिसनामाण, तीसई कोडिकोडीओ ।
उक्कोसिया ठिई होइ , अंतोमुहत्तं जहन्निया ।। [१३७७] आवरणिज्जाण दुण्हंपि , वेयणिज्जे तहेव य ।
अंतराए य कम्मं मि, ठिई एसा वियाहिया ।। [१३७८] उदहीसरिसनामाणं, सत्तरं कोडिकोडीओ |
मोहणिज्जस्स उक्कोसा , अंतोमहत्तं जहन्निया ।। [१३७९] तेत्तीस सागरोवमा , उक्कोसेण वियाहिया ।
ठिइ उ आउकम्मस्स , अंतोमुत्तं जहन्निया ।। [१३८०] उदहीसरिसनामाण, वीसई कोडिकोडीओ ।
नामगोत्ताणं उक्कोसा , अंतो मुहत्तं जहन्निया ।। [१३८१] सिद्धाणऽनंतभागो य , अनुभागा हवं ति उ ।
सव्वेसु वि पएसग्गं , सव्वजीवेसु इच्छियं ।।
दीपरत्नसागर संशोधितः]
[89]
[४३-उत्तरज्झयणं]