Agam 43 Uttarjjhayanam Chauttham Mulsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 88

[१३३३] मनस्स भावं गहणं वयंति , तं रागहेउं तुं मणुन्नमाहु ।
तं दोसहेउं अमणुन्नमाह , समो य जो तेसु स वीयरागो ।। [१३३४] भावस्स म नं गहणं वयंति , मनस्स भावं गहणं वयंति ।
रागस्स हेउं समणुन्नमाह , दोसस्स हेउं अमणुन्नमाह् ।। [१३३५] भावेसु जो गिद्धिमुवेइ तिव्वं , अकालियं पावइ से वि नासं |
रागाउरे कामगुणेसु गिद्धे , करेणुमग्गावहिए गजे वा ।। [१३३६] जे यावि दोसं समुवेइ तिव्वं , तंसि क्खणे से उ उवेइ दुक्खं |
दुदंतदोसेण सएण जंतू , न किंचि भावं अवरज्झई से ।। [१३३७] एगतरत्ते रुइरंसि भावे , अतालिसे से कुणई पओसं |
दुक्खस्स संपीलमुवेइ बाले , न लिप्पई तेण म् नी विरागो ।। [१३३८] भावानुगासानुगए य जीवे , चराचरे हिंसइड नेगरुवे ।
चित्तेहि ते परितावेइ बाले , पीलेइ अत्त द्वगुरु किलि द्वे ।। [१३३९] भावानुवाएण परिग्गहेण , उप्पायणे रक्खणसन्निओगे |
वए विओगे य कहं सुहं से , संभोगकाले य अतित्तिलाभे ।।
[१३४०] भावे अतित्ते य परिग्गहं मि, सत्तोवसत्तो न उवेइ तुहि । अज्झयणं-३२
अतुढिदोसेण दुही परस्स , लोभाविले आययई अदत्तं ।। [१३४१] तण्हाभिभूयस्स अदत्तहारिणो , भावे अतित्तस्स परिग्गहे य |
मायामसं व पुढइ लोभदोसा, तत्थावि दुक्खा न विमुच्चई से ।। [१३४२] मोसस्स पच्छा य पुरत्थओ य , पओगकाले य दुही दुरंते ।
एवं अदत्ताणि समाययं तो, भावे अतित्तो दुहिओ अ निस्सो || [१३४३] भावानुरत्तस्स नरस्स एवं , कुत्तो सुहं होज्ज कयाइ किंचि |
तत्थोवभोगे वि किलेसदुक्खं , निव्वत्तई जस्स कएण दुक्खं ।। [१३४४] एमेव भावं मि गओ पओसं , उवेइ दुक्खोहपरंपराओ |
पदुद्दचित्तो य चिणाइ कम्मं , जं से पुणो होइ दुहं विवागे ।। [१३४५] भावे विरत्तो म नुओ विसोगो , एएण दुक्खोहपरंपरेण ।
न लिप्पई भवमज्झे वि संतो , जलेण वा पोक्खरिणीपिलासं ।। [१३४६] एविंदियत्था य म नस्स अत्था, दुक्खस्स हे मनुयस्स रागिणो ।
ते चेव थोवं पि कयाइ दुक्खं न वीयरागस्स करें ति किंचि ।। [१३४७] न कामभोगा समयं उवें ति, न यावि भोगा विगई उवें ति |
जे तप्पओसी य परिग्गही य , सो तेस् मोहा विगइं उवेइ ।। [१३४८] कोहं च मा नं च तहेव मायं , लोहं दुगुच्छं अरइं रइं च |
हासं भयं सोगपमित्थिवेयं , नपुंसवेयं विविहे य भावे ।। [१३४९] आवज्जई एवम नेगरुवे, एवंविहे कामगुणेसु सत्तो ।
अन्ने य एयप्पभवे विसेसे , कारुण्णदीणे हिरिमे वइस्से ।।
[दीपरत्नसागर संशोधितः]
[87]
[४३-उत्तरज्झयणं]