Agam 43 Uttarjjhayanam Chauttham Mulsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 73

सम्मत्तचरित्ताई, जुगवं पुव्वं व सम्मत्तं ।। [११०५] नादंसणिस्स नाणं, नाणेण विणा न हं ति चरणगुणा |
अगुणिस्स नत्थि मोक्खो , नत्थि अमोक्खस्स निव्वाणं ।। [११०६] निस्संकिय-निक्कंखिय-निव्वितिगिच्छा अमूढदि ट्ठी य ।
उववूह थिरीकरणे, वच्छल्ल पभावणे अ दु ।। [११०७] सामाइयऽत्थ पढमं , छेदोवद्वावणं भवे बीयं ।
परिहारविसुद्धीयं, सुहुमं तह संपरायं च ।। [११०८] अकसायं अ हक्खायं, छउमत्थस्स जि नस्स वा ।
एयं चयरित्तकरं , चारित्तं होइ आहियं ।। [११०९] तवो य दुविहो वुत्तो , बाहिरंऽब्भतरो तहा ।
बाहिरो छव्विहो वुत्तो , एवमभितरो तवो ।। [१११०] नाणेण जाणई भावे , दंसणेण य सद्दहे ।
चरित्तेण निगिण्हाइ , तवेण परिसुज्झई ।। [११११] खवेत्ता पुव्वकम्माइं , संजमेण तवेण य ।
अज्झयणं-२८
सव्वदुक्खपहीणट्ठा, पक्कमति महेसिणो || त्तिबेमि
० अट्ठावीसइमं अज्झयणं सम्मत्तं . ० एगणतीसइमं अज्झयणं - सम्मत्तपरक्कमे ०
[१११२] सुयं मे आउसं ! तेण भगवया एवमक्खायं । इह खलु सम्मत्तपरक्कमे नाम अज्झयणे समणेणं भगवया महावीरेणं कासवेणं पवेइए , जं सम्मं सद्दह इत्ता पत्ति याइत्ता रोयइत्ता फासित्ता पालइत्ता तीरिता कित्तइत्ता सोहइत्ता आराहित्ता आणाए अ नुपालइत्ता बहवे जीवा सिझंति बुज्झंति मुच्चंति परिनिव्वायंति सव्वदुक्खाणमंतं करेंति ।
[१११३] तस्स णं अयमढे एवम्माहिज्जइ , तं जहाः- संवेगे, निव्वेए , धम्मसद्धा , गुरुसाहम्मियसुस्सूसणया, आलोयणया , निं दणया, गरिहणया , सामाइए , चउव्वीसत्थ ए, वं दणए, पडिक्कमणे, काउस्सग्गे , पच्चक्खाणे , थयथुईमंगले , कालपडिलेहणया , पायच्छित्तकरणे , खमावयणया , सज्झाए, वायणया , पडिपुच्छणया , परियट्टणया , अणुप्पेहा , धम्मकहा , सुयस्स आराहणया एगग्गमनसंनिवेसणया, संजमे , तवे , वोदाणे , सुहसाए , अप्पडिबद्धया , विवित्तसयणासणसेवणया , विणियट्टणया, संभोगपच्चक्खाणे, उवहिपच्चक्खाणे, आहारपच्चक्खाणे,....
कसायपच्चक्खाणे, जोगपच्चक्खाणे, सरीरपच्चक्खाणे, सहायपच्चक्खाणे, भत्तपच्चक्खाणे, सब्भावपच्चक्खाणे, पडिरूवणया, वेयावच्चे, सव्वगुणसंपन्नया, वीयरागया, खंती, मुत्ती, मद्दवे, अज्जवे, भावसच्चे, करणसच्चे , जोगसच्चे , म नगुत्तया, वयगुत्तया , कायगुत्तया , म नसमाधारणया, वयसमाधारणया, कायसमाधारणया , नाणसंपन्नया , दंसणसंपन्नया , चरित्तसंपन्नया , सोइं दियनिग्गहे, चक्खिंदियनिग्गहे, घाणिं दियनिग्गहे, जि भिदियनिग्गहे, फासिं दियनिग्गहे, कोहविजए , मा नविजए, मायाविजए, लोहविजए, पेज्जदोसमिच्छादसणविजए, सेलेसी, अकम्मया ।।
[दीपरत्नसागर संशोधितः]
[72]
[४३-उत्तरज्झयण]