Book Title: Agam 39 Chhed 06 Mahanishith Sutra
Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad
View full book text
________________
महानिसीह-सुय-खंधं ॐ
(१) तत्थ कुसीले ताव समासओ दुविहे णेए-परंपर-कुसीले' य अपरंपर-कुसीले य (२) तत्थ णं जे ते परंपर-कुसीले, ते वि उ दुविहे जेए-सत्त-ट्ठ-गुरु-परंपर-कुसीले एग-दु-ति-गुरु-परंपर-कुसीले य । (३) जे वि य ते अपरंपर-कुसीले, ते वि उ दुविहे जेए-आगमओ, णो आगमओ य । (४) तत्थ-आगमओ गुरु-परंपरएणं आवलियाए ण केई कुसीले आसी उ, ते चेव कुसीले भवंति । (५) नो आगमओ अणेग विहा, तं १ जहा-नाण-कुसीले २ दंसण-कुसीले ३ चारित्त-कुसीले ४ तव -कुसीले ५ वीरिय-कुसीले ६ (६) तत्थ णं जे से नाण-कुसीले से णं तिविहे नेए १ पसत्थापसत्थ-नाण-कुसीले, २ अपसत्थनाण-कुसीले, ३ सुपसत्थनाण-कुसीले । (७) तत्थ जे से पसत्थापसत्थ-णाण-कुसीले से दुविहे नेए-आगमओ नोआगमओ य। (८) तत्थ आगमओ-विहंगनाणी पन्नविय-पसत्थाऽपसत्थपयत्थ-जाल-अज्झयणऽज्झावण-कुसीले। (९) नो आगमओ अणेगहा-पसत्थापसत्थ-पर-पासंड-सत्य-जालाहिज्जण-अज्झावण -वायणाऽणुपेहण-कुसीले। (१०) तत्थ जे ते अपसत्थ-नाण-कुसीले ते एगूणतीसइविहे दट्टव्वे, तं जहा-सावज्ज-वाय-विज्जा-मंत-तंतपउंजण-कुसीले १, विज्जा-मंत-तंताहिज्जण-कुसीले २, वत्थु-विज्जा पउंजणाहिज्जण-कुसीले ३-४, गहरिक्ख-चार-जोइस-सत्थ-पउंजणाहिज्जण-कुसीले ५-६, निमित्त-लक्खण-पउंजणाहिज्जण कुसीले ७-८, सउण-लक्खण-पउंजणाहिज्जण-कुसीले ९-१०, हत्थि-सिक्खा-पउंजणाहिज्जण-कुसीले ११-१२, धणुव्वेयपउंजणाहिज्जण-कुसीले १३-१४, गंधव्ववेय-पउंजणाहिज्जण-कुसीले १५-१६, पुरिस-इत्थी-लक्खणपउंजणज्झावण-कुसीले १७-१८, काम-सत्थ-पउंजणाहिज्जण-कुसीले १९-२०, कुहुगिंद जाल- सत्थपउंजणाहिज्जण-कुसीले २१-२२, आलेक्ख-विज्जाहिज्जण-कुसीले २३, लेप्प-कम्म-विज्जा-हिज्जणकसीले २४. वमण-विरेयण-बहवेलि' जाल-समद्धरण-कढण-काढण-वणस्सइ-वल्लि २-मोडण-तच्छणाइबहु-दोस-विज्जग-सत्थ- पउंजणाहिज्जणज्झावण-कुसीले २५, २६, २७, एवं जाण (वंजण)-जोग-पडिजोगचुण्ण-वण्ण-धाउव्वाय-राय-दंडणीई-सत्थ-असणिपव्व-अग्घकंड-रयणपरीक्खा-रसवेह-सत्थ अमच्च-सिक्खा गूढ-मंत-तंत-काल-देस-संधि-विग्गहोवएस-सत्थ-सम्म-जाण-ववहार-निरूवणऽत्थ-सत्थ-पउंजणाहिज्जणअपसत्थ-णाण-कुसीले २८-२९, (११) एवमेएसिं चेव पाव-सुयाणं वायणा पेहणा परावत्तणा अणुसंधणा'३ सवणाऽयण्णण-अपसत्थ-नाण-कुसीले (१२) तत्थ जे य ते सुपसत्थ-नाण-कुसीले ते वि य दुविहेणेए-आगमतो नोआगमओ य (१३) तत्थ य आगमओ-सुपसत्थं पंच-प्पयारंणाणं असायंते सुपसत्थ-णाण-धरे इ वा आसायंते सुपसत्थ-णाण-कुसीले (१४) नो आगमओ य सुपसत्थ-नाण-कुसीले अट्ठहा जेए, तं जहा-अकालेणं सुपसत्थ-णाणाहिज्जणऽज्झावण-कुसीले १, अविणएणं सुपसत्थणाणाहिज्जण ज्झावण, कुसीले २, अबहुमाणेणं सुपसत्थणाणाहिजणकुसीले अणोवहाणेणं सुपसत्थ-णाणाहिज्जणऽज्झावण६-कुसीले ४, जस्स य सयासे सुपसत्थ-सुत्तत्थोभयमहीयं तं णिण्हवण-सुपसत्थ-णाण-कुसीले ५, सर-वंजण- हीणक्खरिय- ऽच्चक्खरिया हीयऽज्झावण-सुपसत्थ-णाण-कुसीले ६, विवरीय-सुत्तत्थोभयाहीयज्झावण-सुपसत्थ-णाण- कुसीले ७, संदिद्ध-सुत्तत्थोभयाहीय ज्झावण- सुपसत्थणाण-कुसीले ८, तत्थ एएसिं अट्ठण्हं पि पयाणं गोयमा ! जे केइ अणोवहाणेणं सुपसत्थं णाण-महीयंति अज्झावयंति वा अहीयते इ वा" अज्झावयंते इ वा, समणुजाणंति वा, ते णं महा-पावकम्मे महती सुपसत्थ-णाणस्सासायणं पकुव्वंति ।
१ पारं वं. । २ ते दुवं । ३ग बि. ति सं। ४ परंपरिए सं विना । ५ तव-सील वीरि सु। ६ वीरट्ठ कु स. ला. । ७ 'डस्सत्थ जा. सं, "ड सत्थत्थ जा आ सु. । ८ °ण वायणा पेहणकु वं; ण चोयणाअणुपेहणा कु ला. । ९ °णा-ऽज्झावणं वं. । १० हु वल्लि जा सं., हु वल्लिंदजा आ. सु. । ११ कहण-काहण ला. सु. । १२ °इ वल्लिमों आ. सु. इ बलिमों शु. । १३ °णा-वसणा-ऽऽय सु. ला./ णा सवसायन्न आ । १४ णा-उज्झा ख. । १५ वणा कु आ. सु. । १६ याहिजणऽज्झा आ. सु. । १७ याहिज्जण-ऽजण-उज्झा.
१८ अहीयंतं वा अज्झावयंतं वा आ. सु. । १९ महती आ. सु.। Jain Education International For Private & Personal Use Only
www.jainelibrary.org
