Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 230

महानिसीह-सुय-खंधं
१४९
केइ विग्घे हवेज्जा ताणमम्हे वि सुदिट्ठपच्चए संतेउर-पुरस्सरे तुज्झाणत्तीए अत्तहियं समणुचिट्ठामो । तओ णं गोयमा ! भणियं तेण कुमारेणं-जहा णं 'एयं एयं अमुगं सद्दकरणं तस्स चक्खुकुसीलाहमस्स णं दुरंतपंतलक्खण-अदठ्ठव्व-दुज्जाय-जम्मस्स त्ति । ता गोयमा ! जाव णं चेव इयं समुल्लवे से णं कुमारवरे ताव णं अणोहिय-पवित्तिएण एव समुद्भुसियं तक्खणा परचक्केणं तं रायहाणी समुद्धाइए णं सण्णद्ध-बढुद्धए -
य-करवाल-कुंत-विप्फुरंत-चक्काइ-पहरणाडोववग्गपाणी हण, हण, हण, राव-भीसणा बहु-समर-संघट्टा दिण्ण-पिट्ठी जीयंतकरे, अउल-बल-परक्कमे णं महाबले पर-बले जोहे। एयावसरम्मि उ कुमारस्स चलणेस निवडिऊणं दिट्ठ-पच्चए मरण-भयाउलत्ताए अगणियकुलक्कमपुरिसयारं विप्पणासे दिसिमेक्कमासाइत्ताणंस-परिकरे पणढे से णं णरवरिदे। ___ एत्तरम्मि चिंतियं गोयमा ! तेणं कुमारेणं जहा णं' न मेरिसं कुलक्कमेऽम्हाणं जं पट्टि दाविज्जइ, णो णं तु पहरियव्वं मए कस्सावि णं अहिंसा-लक्खण-धम्मं वियाणमाणेणं कय-पाणाइवाय-पच्चक्खाणेणं च, ता किं करेमि णं ? सागारे भत्त-पाणाईणं पच्चक्खाणे अहवाणं करेमि जओ दिटेणं ताव मए दिट्ठी-मेत्त कुसीलस्स नामग्गहणेणावि एमहंते संविहाणगे, ता संपयं कुसीलस्सावि णं एत्थं परिक्खं करेमि' त्ति । चिंतिऊणं भणिउमाढत्ते णं गोयमा ! से कुमारे 'जहा णं 'जइ अहयं वायामेत्तेणावि कुसीलो ता णं मा नीहरेज्जाह । अक्खय-तणुं खेमेणं एयाए-रायहाणीए । अहा णं मणो-वइ-कायतिएणं सव्वपयारेहि णं सील-कलिओ, ता मा वहेज्जा ममोवरि इमे सुनिसिए दारुणे जीयंतकरे पहरणे निहए। ‘णमो णमो अरहताणं'
[२३] ति भणिऊण जाव णं पवर-तोरण दुवारेणं चल-चवल-गई जाउमारद्धो। जाव णं परिक्कमे थेवं भूमिभागं ताव णं हेल्लावियं कप्पडिग-वेसेणं गच्छइ एस नरवइ त्ति काऊणं सरहसं हण हण' मर मर त्ति भणमाणुक्खित्तकरवालादि-पहरणेहिं पवरबल-जोहेहिं । जाव णं समुद्धाइए अच्चंत-भीसणे जीयंतकरे परबल-जोहे। ताव णं अविसण्ण-अणुयुयार-भीय-अतत्थ अदीणमाणसेणं गोयमा ! भणियं कुमारेणं जहा णं 'भो भो दुद्दपुरिसा! ममोवरि चेह एरिसेणं घोर-तामस-भावेणं अन्निए असई पि सुहज्झवसाय-संचिय-पुण्ण-पन्भारे एस अहं से तुम्ह पडिसत्तू अमुगो णरवती । मा पुणोवि भणेज्जासु जहा णं णिलुक्को अम्हाणं भएणं, 'ता पहरेज्जासु जइ अत्थि वीरियं' ति । जावेत्तियं भणे ताव णं तक्खणं चेव थंभिए ते सव्वे गोयमा ! पर-बल-जोहे सीलाहिट्ठियत्ताए तियसाणं पि अलंघणिज्जाए तस्स भारतीए जाए य निब्बल-देहे। तओ य णं धस त्ति मुच्छिऊणं निच्चेटे निवडिए धरणिवढे से कुमारे।
एयावसरम्मि उ गोयमा ! तेणं नरिंदाहमेणं गूढहियय-मायाविणा वुत्ते धीरे सव्वत्थावी समत्थे सव्वलोय समंत-धीरे भीरू वियक्खणे मुक्खे सूरे कायरे चउरे चाणक्के बहुपवंचभरिए संधि-विग्गहिए निउत्ते छइल्ले पुरिसे जहा णं 'भो भो तुरियं रायहाणीए वज्जिंद-नील-ससि-सूरकंतादीए पवर-मणि-रयण-रासीए हेमज्जुणतवणीय-जंबूनय-सुवण्ण-भारलक्खाणं, किं बहुणा ? विसुद्धबहुजच्च-मोत्तिय-विद्दुमखारि-लक्ख-पडिपुण्णस्स णं कोसस्स चाउरंगस्स बलस्स। विसेसओणं तस्स सुगहिय नाम-गहणस्स पुरिस-सीहस्स सीलसुद्धस्स कुमारवरस्से ति पउत्तिं आणेह जेणाहं निव्वुओ भवेज्जा । ताहे नरवइणो पणामं काऊणं गोयमा ! गए ते निउत्तपुरिसे जाव णं तुरियं चल-चवल-जइण-कम-पवण-वेगेहिं णं आरुहिऊणं जच्च-तुरंगमेहिं निउंज-गिरिकंदरुद्देसपइरिक्काओ खणेण पत्ते रायहाणिं, दिट्ठो य तेहिं वामदाहिणभुया-पल्लवेहिं वयणं सिरोरुहे विलुपमाणो कुमारो, तस्सय पुरओ सुवन्नाभरण-णेवच्छा दस-दिसासु उज्जोयमाणी जय जय सद्दमंगल-मुहला रयहरण-वावडोभयकर
१ अणोहि पवित्ति रव. । २ सण्ण बद्धेवुद्धए रव. । ३ सरहसं हण हण मर ला. । ४ वीरे खं. ।