Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 229

१४८
महानिसीह-सुय-खंधं
सिरी-संपओववेए भाविय-जीवाइ-पयत्थे एगे कुमारवरे । मुणियं च तेण गोयमा ! कुमारेणं जहा णं-हा हा ममं पेच्छिय-गया एसा वराई, घोरंधयारमणंत-दुक्ख-दायगं पायालं, ता अहण्णो हं जस्सणं एरिसे पोग्गल-समुदाए तण राग-जंते. किंमए जीविएण? दे सिग्धं करेमि अहं इमस्स गं पावसरीरस्स संथारं, अब्भटेमि णं सदक्कर पच्छित्तं, जाव णं काऊण सयल-संग-परिच्चायं समणुढेमि णं सयलपावनिद्दलणे अणगार-धम्मे, सिढिली करेमि णं अणेग-भवंतर-विइण्णे सुदुविमोक्खे, पाव-बंधण-संघाए, धि द्धी द्धी अव्ववत्थियस्स णं जीवलोगस्स, जस्स णं एरिसे अणप्पवसे इंदिय-गामे । अहो अदिट्ठपरलोग-पच्चवाययालोगस्स, अहो एक्कजम्माभिणिविट्ठचित्तया, अहो अविण्णाय कज्जाकज्जया, अहो निम्मेरया, अहो निरप्परिहासया, अहो परिचत्तलज्जया हा हा हा न जुत्तमम्हाणं खणमवि विलंबिउं एत्थं एरिसे सुदिन्निवाराऽसज्ज-पावगमे देसे । हा हा हा धट्ठारिए अहण्णे णं कम्मट्टरासी जं सुईरियं एईए रायकुल-बालियाए इमेणं कुट्ठ-पाव-सरीर-रूव-परिदसणेणं णयणेसुं रागाहिलासे । परिचेच्चाणं इमे विसए तओ गेण्हामि पवज्ज' ति चिंतिऊणं भणियं गोयमा ! तेणं कुमारवरेणं, जहा णं खंतमरिसियं णीसल्लं तिविहं तिविहेणं तिगरण-सुद्धीए सव्वस्स अत्थाण-मंडव-राय-कुल-पुर-जणस्से' ति भणिऊणं विणिग्गओ रायउलाओ पत्तो य निययावासं । तत्थ णं गहियं पच्छयणं दो खंडीकाऊणं च सियं फेणावलीतरंगमउयं सुकुमालवत्थं परिहिएणं अद्धफलगे गहिएणं दाहिणहत्थेणं सुयण-जण-हियए इव सरलवेत्तलय-खंडे । तओ काऊणं तिहुयणेक्कगुरूणं अरहंताणं भगवंताणं जगप्पवराणं धम्मं तित्थंकराणं जहुत्तविहिणाभिसंथवणं भाववंदणं, सेणं चलचवलगई पत्ते णं गोयमा! दूरं देसंतरं से कुमारे, जाव णं हिरण्णुक्करूडी नाम रायहाणी।
[२१] तीए रायहाणीए धम्मायरियाणं गुणविसिट्ठाणं पउत्तिं अण्णेसमाणे चिंतिउं पयत्ते से कुमारे, जहा णं जाव णं ण केइ गुणविसिटे धम्मायरिए मए समुवलद्धे ता विहई चेव महिं वि चिट्ठियव्वं, ता गयाणि कइवयाणि दियहाणि, भयामि णं एस बह-देस-विक्खाय-कित्ती-नरवरिदे । एवं च मंतिऊण जाव णं दिट्ठो राया। कयं च कायव्वं सम्माणियाओ य नरणाहेणं । पडिच्छिया सेवा।
लद्धावसरेणं पट्टो सो कमारो गोयमा! तेणं नरवडणा जहा णं 'भो भो महासत्ता! कस्स नामालंकिए एस तुझं हत्थम्मि विरायए मुद्दारयणे! को वा ते सेविओ एवइयं कालं ? के वा अवमाणे पकए तुह सामिणि? 'त्ति । कुमारेणं भणियं जहा णं 'जस्स णामालंकिएणं इमे मुद्दारयणे से णं मए सेविए एवइयं कालं, जे णं मे सेविए एवइयं कालं तस्स नामालंकिएणं इमे मुद्दारयणे। तओ नरवइणा भणियं-जहा णं किं तस्स सद्दकरणं ? ति' । कुमारेण भणियं नाहमजिमिएणं तस्स चक्खुकुसीलाहम्मस्स णं सद्दकरणं समुच्चारेमि । तओ रण्णा भणियं जहा णं- 'भो भो महासत्त ! केरिसो उण सो चक्खु-कुसीलो? भण्णे ! किं वा णं अजिमिएहिं तस्स सद्दकरणं णो समुच्चारियए ? कुमारेण भणियं 'जहा णं चक्खुकुसीलो तिसट्ठिए ठाणंतरेहिंतो जइ कहाइ इह तं दिट्ठ-पच्चयं होही, तो पुण वीसत्थो साहीहामि । जं पुण तस्स अजिमिएहिं सद्द-करणं एतेणं ण समुच्चारीए जहा णं जइ कहाइ अजिमिएहिं चेव तस्स चक्खुकुसीलाहमस्स नामग्गहणं कीरए, ता णं नत्थि तम्मि दियहे संपत्ति पाण-भोयणस्स' त्ति । ताहे गोयमा ! परमविम्हिइएणं रण्णा कोउहल्लेण लहुं हक्काराविया रसवई, उवविठ्ठो य भोयणमंडवे राया सह कुमारेणं असेस-परियणेणं च आणावियं अट्ठारस-खंड-खज्जय वियप्पं नानाविहं आहारं, एयावसरम्मि भणियं णरवइणा जहा णं 'भो भो महासत्त ! भणसु णीसंको तुमं संपयं तस्स णं चक्खुकुसीलस्स णं सद्दकरणं । कुमारेण भणियं जहा णं 'नरनाह ! भणिहामि णं भुत्तुत्तरकालेणं । नरवइणा भणियं-जहा णं
[२२] 'भो महासत्त ! दाहिण-कर-धरिएणं कवलेणं संपयं चेव भणसु, जेणं खु जइ एयाए कोडीए संठियाणं'
१ जमुइरियं खं., जं सुइय ला. । २ संठिया ला. । Jain Education International