Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 234

महानिसीह-सुय-खंधं
१५३
गोउलं । अण्णं च- जइ तुमं मज्झं विणीया हवेज्जा, ता अहयं तुझं जहिच्छाए ते कालियं बहु-गुल-घएणं अणुदियहं पायसं पयच्छिहामि । ___ जाव णं एवं भणिया ताव णं गया सा सुज्जसिरि तीए मयहरीए सद्धिं ति । तेहिं पि परलोगाणुट्ठाणेक्क सुहज्झवसायाखित्तमाणसेहिं न संभरिया ता गोविंद-माहणाईहिं । एवं तु जहा भणियं मयहरीए तहा चेव तस्स घय-गुल-पायसं पयच्छे।
[३४-३५] अहण्णया कालक्कमेणं गोयमा ! वोच्छिण्णे णं दुवालस-संवच्छरिए महारोरवे दारुणे दुब्भिक्खे जाए णं रिद्धिस्थिमिय-समिद्धे सव्वे वि जणवए। __ अहण्णया पणुवीसं अणग्घेयाणं पवर-ससि-सूरकंताईणं मणि-रयणाणं घेत्तूण सदेस-गमणनिमित्तेणं दीहद्धाण-परिखिन्न-अंगयट्ठी-पह-पडिवण्णेणं तत्थेव गोउले, भवियव्वयानियोगेणं आगए अणुच्चरीय-नामधेज्जे पावमती सुज्जसिवे। दिवा य तेणं सा कण्णगा। जावणंपरितुलिय-सलय-तिहुयण-णर-णारी- रूव-कंति-लावण्णा तं सुज्जसिरि पासिय चवलत्ताए इंदियाणं, रम्मयाए किंपागफलोवमाणं, अणंत-दुक्ख-दायगाणं विसयाणं, विणिज्जियासेसतिहुयणस्स णं गोयर-गएणं मयर-केउणो भणियाणं गोयमा ! सा सुज्जसिरी ते णं महापावकम्मेणं सुज्जसिवेणं जहा णं 'हे कण्णगे ! जइ णं इमे तुज्झ संतिए जणणी-जणगे समणुमण्णंति । ता णं तु अहयं ते परिणेमि । अण्णं च करेमि सव्वं पि ते बंधुवग्गमदरिदं' ति । तुज्झमवि घडावेमि पलसयमणूणगं सुवण्णस्स। ता गच्छ, अइरेणेव साहेसु माया-पित्तागं । तओ य गोयमा ! जाव णं पहठ्ठ-तुट्ठा सा सुज्जसिरी तीए मयहरीए एयं वइयरं पकहेइ ताव णं तक्खणमागंतूण भणिओ सो मयहरीए-जहा-भो भो पयंसेहि णं जं ते मज्झ धूयाए सुवण्ण-पलसए सुंकिए । ताहे गोयमा ! पयंसिए तेण पवरमणी । तओ भणियं मयहरीए जहा-तं सुवण्णसयं दाएहि किमेएहिं डिंभ-रमणगेहिं पंचिट्टगेहिं ? ताहे भणियं सुज्जसिवेणं जहा णं-एहि वच्चामो णगरं दंसेमि णं अहं तुज्झमिमाणं पंचिट्ठगाणं माहप्पं । ___ तओ पभाए गंतूण नगरं पयंसियं ससि-सूर-कंत-पवर-मणि-जुवलगं तेणं णरवइणो। नरवइणा वि सद्दाविऊणं भणिए पारिक्खी जहा-इमाणं परममणीणं करेह मुल्लं । तोल्लंतेहिं तु ण सक्किरं तेसिं मुल्लं काऊणं । ताहे भणियं नरवइणा जहा णं 'भो भो माणिक्कखंडिया ! णत्थि केइ एत्थ जेणं एएसिं मुल्लं करेज्जा, तो गिण्हसुणं दसकोडिओ दविणजायरस । सुज्जसिवेणं भणियं- जं महाराओ पसायं करेति । णवरं इणमो आसण्ण-पव्वयसण्णिहिए अम्हाणं गोउले । तत्थ एणं च जोयणं जाव गोणीणं गोयर-भूमी, तं अकरभरं विमुंचसुत्ति । तओ नरवइणा भणियं 'जहा एवं भवउ' त्ति।
एवं च गोयमा ! सव्वं अदरिद्दमकरभरे गोउले काऊणं तेणं अणुच्चरिय-नामधिज्जेण परिणीया सा निययधूया सुज्जसिरि-सुज्जसिवेणं।
जाया परोप्परं तेसिं पीई । जाव णं नेहाणुराग-रंजिय-माणसे गति कालं किंचि। ताव णं दट्टण गिहागए साहूणो पडिनियत्ते हा-हा-कंदं करेमाणी पुट्ठा सुज्जसिवेणं सुज्जसिरी जहा-‘पिए ! एयं अदिट्ठपुव्वं भिक्खायर-जुयलयं दट्टणं किमेयावत्थं गयासि' ? । तओ तीए भणियं ‘णणु मज्झं सामिणी एएसिं महया भक्खन्न-पाणेणं पत्त-भरणं किरियं । तओ पहठ्ठ-तुट्ठ-माणसा उत्तमंगेणं चलणग्गे पणमयंती ता मए अज्ज एएसिं परिदसणेणं सा संभारिय' त्ति । ताहे पुणो वि पुट्ठा सा पावा तेणं । जहा णं 'पिए ! का उ तुझं सामिणी अहेसि ? तओ गोयमा! णं दढं ऊसुरुसुंभंतीए समण्णुगग्घरविसंठुल्लंसुगगिराए साहियं सव्वं पि निययवुत्तत्तं तस्सेति । ताहे विण्णायं तेण महापावकम्मेणं जहा णं 'निच्छयं एसा सा ममंगया मज्जसिरी। ण अण्णाप दिलाए एरिसा रूव-कंती-दित्ती-लावण्ण-सोहाग-समदयसिरी भवेज ति। चिंतिऊण