Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 232

महानिसीह-सुय-खंध
१५१
त्ति' भाणिऊणं विमुंचमाणे सुरभिकुसुम-बुट्टि भत्ति-भरणिब्भरे विरइय-कर-कमलंजलीउ त्ति निवडिए ससुरासुरे देव-संघे गोयमा ! कुमारस्स णं चलणारविंदे पणच्चियाओ य देव-सुंदरीओ पुणो पुणोऽभिसंथुणिय णमंसिय चिरं पज्जुवासिऊणं स-ट्ठाणेसु गए देवनिवहे।
[२७] ‘से भयवं ! कहं पुण एरिसे सुलभबोही जाए महायसे सुगहिय-णामधेज्जे से णं कुमारं महरिसी ? गोयमा! ते णं समणभावट्ठिएणं अण्ण-जम्मम्मि वाया दंडे पउत्ते अहेसि, तन्निमित्तेणं जावज्जीवं मूणव्वए गुरूवएसे णं संधारिए अण्णं च तिण्णि महापाव-ट्ठाणे संजयाणं तं जहा-आऊ-तेऊ-मेहुणे । एते य सव्वोवाएहिं परिवज्जए ते णं तु एरिसे सुलभबोही जाए।
[२८] अहण्णयाणं गोयमा! बहु-सीसगण-परियरिए सेणं कुमारमहरिसी पत्थिए सम्मेयसेलसिहरे देहच्चाय निमित्तेणं, कालक्कमेणं तीए चेव वत्तणीए जत्थ णं से राय-कुल-बालियानरिदे चक्खु-कुसीले । जाणावियं च रायउले, आगओ य वंदणवत्तियाए सो इत्थी-नरिंदो उज्जाणवरम्मि। कुमार-महरिसिणो पणामपुव्वं च उवविठ्ठो स पुरस्सरो' जहोइए भूमिभागे, मुणिणा वि पबंधेणं कया देसणा । तं च सोऊण धम्म-कहावसाणे उवट्ठिओ स परिवग्गो णीसंगत्ताए, पव्वइओ गोयमा ! सो इत्थीणरिदो । एवं च अच्चंत-घोर-वीरुग्ग-कट्ठ दुक्कर-तव-संजमाणुट्ठाणकिरियाभिरयाणं सव्वेसि पि अपडिकम्म-सरीराणं अप्पडिबद्धविहारत्ताए अच्वंतणिप्पिहाणं संसारिएसुं चक्कहर-सुरिंदाइ-इड्डि'-समुदय-सरीर-सोक्खेसुंगोयमा ! वच्चइ कोई कालो। जाव णं पत्ते सम्मेय-सेल-सिहरब्भासं । तओ भणिया गोयमा ! तेण महरिसिणा रायकुल-बालियाणरिदसमणी-जहा णं 'दुक्कर-कारिगे ! सिग्घं अणुद्दय-माणसा सव्व-भाव-भावंतरेहि णं सुविसुद्धं पयच्छाहि णं णीसल्लमालोयणं । आढवेयव्वा य संपयं सव्वेहिं अम्हेहिं देहच्चाय-करणेक-बद्ध-लक्खेहिं, णीसल्लालोइय-निंदिय-गरहिय-जहत्त-सुद्धासयजहोवइट्ठ-कय-पच्छित्तुद्धिय-सल्लेहिं च णं कुसलदिट्ठा संलेहण' त्ति।
[२९] । तओ णं जहुत्तविहीए सव्वमालोइयं तीए रायकुल-बालिया नरिंदसमणीए। जाव णं संभारिया तेणं महामुणिणा जहा णं 'जं अहं तया रायत्थाणं उवविट्ठाए तए गारत्थ-भावम्मि सरागाहिलासाए संविक्खिओ अहेसि । तं आलोएह दुक्कर-कारिए, जेणं तुम्हं सव्वुत्तमविसोही हवई' । तओ णं तीए मणसा परितप्पिऊणं अइचवलासयनियडी-निकेय-पावित्थीसभावत्ताए माणं चक्खुकुसील त्ति अमुगस्स धूया समणीणमंतो परिवसमाणी भण्णिहामि' त्ति चिंतिऊणं गोयमा ! भणियं तीए अभागधिज्जाए जहा णं 'भगवं ! ण मे तुम एरिसेणं अटेणं सरागाए दिट्ठीए निज्झाइओ । जओ णं अहयं ते अहिलसेज्जा, किंतु जारिसेणं तुब्भे सव्वुत्तम-रूवतारुण्ण-जोव्वण-लावण्ण-कंति-सोहग्ग-कला-कलाव-विण्णाण-णाणाइसयाइ-गुणोह-विच्छ- ड्ड-मंडिए होत्था विसएसुं निरहिलासे सुथिरे । ता किमेयं तह त्ति किं वा णो णं तह त्ति त्ति, तुझं पमाण-परितोलणत्थं सरागाहिलासं चक्टुं पउत्ता, णो णं चाभिलासिउ कामाए । अहवा इणमेत्थ चेवालोइयं भवउ, किमित्थ दोस' ति । मज्झमवि गुणावहयं भवेज्जा। किं तित्थं गंतूण माया-कवडेणं सुवण्णसयं केइ पयच्छे ? ।
ताहे य अच्चंत-गरुय-संवेगमावण्णेणं धी द्धी द्धी संसार-चलित्थी-सभावस्स णं ति चिंतिऊणं भणियं मुणिवरेणं जहा णं 'धि द्धि द्धिरत्थु पावित्थी-चलस्स भावस्स । जेणं तु पेच्छ पेच्छ एद्दहमेत्ताणुकालसमएणं केरिसा नियडी पउत्त त्ति ? अहो खलित्थीणं चल-चवल-चडुल-चंचलासंठि पगट्ठमाणसाण खणमेगमवि दुज्जम्म-जायाणं, अहो सयलाकज्ज-भंडे हलियाणं, अहो सयलायस-अकित्ती-वुद्धिकारणं, अहो
१स परिकरो खं. । २ इन्भ खं. । ३ अणुद्धय सं. । ४ विदिट्ठ सं. 1 ५ लसिट्टि एगट्ठमाणसाण सं. सं. । Jain Education International