Book Title: Agam 39 Chhed 06 Mahanishith Sutra
Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad
View full book text
________________
१२८
महानिसीह-सुय-खंधं
...
जइ णं णाभिग्गहिओ सोलस-दोस-विरहियं पी स-सावज्जं भासेज्जा, उवट्ठावणं । बहु भासे, उवट्ठावणं । पडिणियं भासे, उवट्ठाणं। कसाएहिं जिज्जे', अवंदे। कसाएहिं समुइण्णेहिं भुंजे रयणिं वा परिवसेज्जा, मासं जाव मुणव्वए अवंदे य उवट्ठाणं च । परस्स वा कस्सइ कसाए समुइरेज्जा दर-कसायस्स वा कसाय-वुद्धिं करेज्जा, मम्मं वा किंचि बोलेज्जा, एतेसुं गच्छ-बज्झो। फरुसं भासे, दुवालसं। कक्कसं भासे, दुवालसं। खर-फरुस-कक्कस-निगुरमणिटुं भासे, उवट्ठावणं । दुब्बोलं देइ, खमणं। कलिं' किलिकिंचं कलह झं झं, डमरं वा करेज्जा, गच्छ-बज्झो।
मगार-जगारं वा बोल्ले खमणं, बीय-वाराए अवंदे। वहंतो संघ-बज्झो, हणंतो संघ-बज्झो, एवं खणंतो भंजतो ल्हसंतो लूडंतो जालेंतो जालावेंतो पयंतो पयावेतो, एतेसुं सव्वेसुं पत्तेगं संघ-बज्झो।
[२२] गुरुं पडिसूरेज्जा अन्नं वा मयहराइयं कहिं चि हीलेज्जा, गच्छायारं, वा संघायारं, वा वंदण-पडिक्कमणमाइ मंडली-धम्मं, वा अइक्कमेज्जा, अविहीए पव्वावेज, वा उवट्ठावेज्ज, व अओग्गस्स, वा सुत्तं वा अत्थं वा उभयं, वा परवेज्जा, अविहिए सारेज्ज, वा वारेज्ज, वा चोएज्ज, वा विहीए वा सारण-वारण चोयणं ण करेज्जा, उम्मग्ग-पट्ठियस्स, वा जहा विहीए जाव णं सयल-जण-सण्णिझं परिवाडिए ण भासेज्जा हियं भासं स-पक्ख-गुणावहं, एतेसुं सव्वेसुं पत्तेगं कुल-गण-संघ-बज्झो।
कुल-गण-संघ-बज्झीकयस्स णं अच्चंत-घोर-वीर-तवाणुट्ठानाभिरयस्सा वि णं गोयमा ! अप्पेही, तम्हा कुल-गण-संघ-बज्झीकयस्स णं खण-खण-द्धघडिग-घडिगद्धं वा ण चिट्ठयव्वं ति ।
[२३] अप्पुच्चुप्पेहिए थंडिल्ले उच्चारं, वा पासवणं, वा खेल्लं वा सिंघाणं, वा जल्लं, वा परिट्ठवेज्जा, निसीयंतो संडासगे ण पमज्जेज्जा, निव्विगइयायंबिलं अहक्कमेणं । भंड-मत्तोवगरण-जायं जं किंचि दंडगाई ठवते इ वा निक्खिवंते, इ वा साहरते, इ वा पडिसाहरते, इ वा गिण्हते, इ वा पडिगिण्हते, इ वा अविहीए ठवेज्ज, वा निक्खिवेज्ज वा साहरेज्ज वा पडिसाहरेज्ज वा गिण्हेज्ज, वा पडिगिण्हेज्ज, वा एतेसुं असंसत्त-खेत्ते पत्तेगं चउरो आयंबिले, संसत्तखेत्ते, उवट्ठाणं।।
दंडगं, वा रयहरणं, वा पाय-पुच्छणं, वा अंतरकप्पगं, वा चोल-पट्टगं, वा वासाकप्पं, वा जाव णं मुहणंतगं, वा अण्णयरं, किं चि संजमोवगरण-जायं अप्पडिलेहियं, वा दुप्पडिलेहियं, वा ऊणाइरित्तं गणणाए पमाणेणं वा परिभुंजे, खवणं। सव्वत्थ । अविहीए नियंसणुत्तरीयं रयहरणं दंडगं वा परिभुजे, चउत्थं । सहसा रयहरणं खवे निक्खिवइ, उवट्ठावणं । अंगं वा उवंगं वा संबाहावेज्जा, खवणं । रयहरण-सुसंघट्टे, चउत्थं। पमत्तस्स सहसा मुहणंतगाइ किं चि संजमोवगरणं विप्पणस्से, तत्थ णं जाव खमणोठ्ठावणं
१ सिजिजे ला./ सिजिज्झे सं. । २ किलि खं. । ३ तोलडिंतो खं. । ४ खंधे जे.।
Jain Education International
For Private & Personal Use Only
www.jainelibrary.org
