Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 213

महानिसीह-सुय-खंध :
एक्कं निदं सोऊणं पडिबुद्धे इरियं पडिक्कमेत्ताणं पडिक्कमण-कालं जाव सज्झायं न करेज्जा, दुवालसं। पसुत्ते दुसुमिणं वा कुसुमिणं वा ओगाहेज्जा', सणं उसासेणं काउस्सग्गं। रयणीए छीएज्ज, वा खासेज्ज, वा फलहग-पीढग-दंडगेण वा खडक्कगं पउरिया, खमणं। दीया, वा राओ, वा हास-खेड्ड-कंदप्प-णाहवायं करेज्जा, उवट्ठावणं।
एवं जे णं भिक्खू सुत्ताइक्कमेणं कालाइक्कमेणं आवासगं कुव्वीया, तस्स णं कारणिगस्स मिच्छुक्कडं गोयमा! पायच्छित्तं उवइसेज्जा । जे य णं अकारणिगे, तेसिं तु णं जहा-जोगं चउत्थाइए उवएसे य । जे णं भिक्खू सद्दे करेजा, सद्दे उवइसेज्जा, सद्दे गाढागाढ-सद्दे य, सव्वत्थ पइ-पयं पत्तेयं सव्व-पएसुं संबज्झावेयव्वे।
[३४] एवं जे णं भिक्खू आउ-कायं, वा तेउ कायं, वा इत्थी-सरीरावयवं, वा संघट्टेज्जा नो णं परिभुजेज्जा, से णं तस्स पणुवीसं आयंबिलाणि उवइसेज्जा । जे उ ण परिभुजेज्जा, से णं दुरंत-पंत-लक्खणे अदट्ठव्वे महा-पाव-कम्मे पारंचिए।
[३५] अहा णं महा-तवस्सी हवेज्जा, तओ सरि' मासखवणाणं सरि अद्ध-मास-खवणाणं सरि दुवालासाणं सरि दसमाणं सयर अट्ठमाणं सयरि छट्ठाणं सयरि चउत्थाणं सयरि आयंबिलाणं सयरि एगट्ठाणाणं सयरि सुद्धायामेगासणाणं सरि निव्विगइयाणं जाव णं अणुलोम-पडिलोमेणं णिद्दिसेज्जा।
एयं च पच्छित्तं जे णं भिक्खू अविसंते समणुढेज्जा, से णं आसण्ण-पुरेक्खडे नेए ।
‘से भयवं! इणमो सयर सयर अणुलोम-पडिलोमेणं केवतिय-कालं जाव समणुट्ठिहिई' ? गोयमा! जाव णं आयारमंगं वाएज्जा। _ 'भयवं ! उद्धं पुच्छा, गोयमा ! उद्धं केई समणुढेज्जा केइ णो समणुढेज्जा । जे णं समणुढेज्जा, से णं वंदे, से णं पुज्जे, से णं दट्ठव्वे, से णं सुपसत्थ, सुमंगले सुगहियनामधेज्जे तिण्हं पि लोगाणं वंदणिज्जे त्ति। जे णं तु णो समणुढे, से णं पावे, से णं महापावे, से णं महापाव-पावे, से णं दुरंत-पंत-लक्खणे जाव णं अदट्ठव्वे ति।
[३६] जया णं गोयमा ! इणमो पच्छित्तसुत्तं वोच्छिज्जिहिइ, तया णं चंदाइच्चा गहा-रिक्खा-तारगाणं सत्त-अहोरत्ते तेयं णो विप्फुरेज्जा । इमस्स णं वोच्छेदे गोयमा ! कसिणस्स संजमस्स अभावो, जओ णं सव्व-पाव-निट्ठवगे चेव पच्छित्ते सव्वस्स णं तवसंजमाणुट्ठाणस्स पहाणमंगे परम-विसोही-पए पवयणस्सावि णं नवणीय-सारभूए पण्णते।
[३७] इणमो सव्वमवि पायच्छित्ते गोयमा ! जावइयं एगत्थ संपिंडियं हवेज्जा तावइयं चेव एगस्स णं गच्छाहिवइणो मयहर-पवत्तिणीए य चउगुणं उवइसेज्जा। ___जओ णं सव्वमवि एएसिं पयंसियं हवेज्जा, अहाणमिमे चेव पमायवसं गच्छेज्जा, तओ अण्णेसिं संते धी-बल-वीरिए सुटुतरागमच्चुज्जम हवेज्जा । अहा णं किं चि सुमहंतमवि तवाणुट्ठाणमभुज्जमेज्जा, ता णं ण तारिसाए धम्म-सद्धाए, किं तु मंदुच्छाहे समणुढेज्जा । भग्गपरिणामस्स य निरत्थगमेव काय-केसे । जम्हा एयं, तम्हा उ अच्चिंताणंत-निरणुबंधि-पुण्ण-पब्भारेणं संजुज्जमाणे वि साहुणो न संजुज्जंति । एवं च सव्वमवि गच्छाहिवइयादीणं दोसेणेव पवत्तेज्जा । एएणं अटेणं एवं पवुच्चइ गोयमा! जहाणं गच्छाहिवइयाईणं इणमो सव्वमवि पायच्छित्तं जावइयं एगत्थ संपिंडियं हेवज्जा तावइयं चेव चउगुणं उवइसेज्जा ।
१ उग्गाहे. खं. । २ सत्तरि जे. । ३ गमभुज्जम सं. । ४ संभुज्ज ला. खं.। Jain Education International