Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 214

महानिसीह-सुय-खंधं
१३३
[३८]] से भयवं ! जे णं गणी अप्पमादी भवित्ताणं सुयाणुसारेणं जहुत्त-विहाणेहिं चेव सययं अहन्निसं गच्छं न सारवेज्जा, तस्स किं पच्छित्तमुवइसेज्जा ? 'गोयमा ! अप्पउत्ती पारंचियं उवइसेज्जा।
[३९] ‘से भयवं ! जस्स उ ण गणिणो सव्व पमायालंबणविप्पमुक्कस्सावि णं सुयाणुसारेणं जहुत्तविहाणेहिं चेव सययं अहण्णिसं गच्छं सारवेमाणस्सेव केइ तहाविहे दुट्ठसीले ण सम्मग्गं समायरेज्जा, ! तस्स वी उ किं पच्छित्तमुवइसेज्जा, ‘गोयमा ! उवइसेज्जा। ‘से भयवं! के णं अटेणं' ? 'गोयमा ! जओ णं तेणं अपरिक्खियगुणदोसे निक्खमाविए हवेज्जा, एएणं । से भयवं ! किं तं पायच्छित्तमुवइसेज्जा ? 'गोयमा ! जे णं एवं गुणकलिए गणी, से णं जया एवंविहे पावसीले गच्छे तिविहं तिविहेणं वोसिरेत्ताणमाय-हियं ण समणुढेज्जा, तया णं संघ बज्झे-उवइसेज्जा।
‘से भयवं ! जया णं गणिणा गच्छे तिविहेण वोसिरिए हवेज्जा, तया णं ते गच्छे आदरेज्जा, ? गोयमा! जइ संविगे भवित्ताणं जहुत्तं पच्छित्तमणुचरित्ताणं अण्णस्स गच्छाहिवइणो उवसंपज्जित्ताणं सम्मग्गमणुसरेज्जा, तओ णं आयरेज्जा । अहा णं सच्छंदत्ताए तहेव चिट्टे, न उ णं चउब्विहस्सा वि समण-संघस्स बझं, तं गच्छं नो आयरेज्जा।
[४०]
‘से भयवं! जया णं सीसे जहुत्त-संजम-किरियाए पवद्वृति तहाविहे य केई कुगुरू तेसिं दिक्खं परूवेज्जा, तया णं सीसा किं समणुढेज्जा ? 'गोयमा ! घोर-वीर-तव-संजमे ! ‘से भयवं! कहं ? 'गोयमा ! अण्ण गच्छे पविसित्ताणं । ‘से भयवं ! जया णं तस्स संतिएणं सिरिगारेणं विम्हिए' समाणे अण्ण-गच्छेसुं पवेसमेव ण' लभेज्जा, तया णं किं कुग्विज्जा' ? 'गोयमा ! सव्व-पयारेहि णं तं तस्स संतियं सिरियारं फुसावेज्जा। 'से भयवं ! केणं पयारेणं तं तस्स संतियं सिरियारं सव्व-पयारेहि णं फुसियं हवेज्जा ? 'गोयमा ! अक्खरेसुं 'से भयवं ! किं णामे ते अक्खरे ? 'गोयमा जहा णं 'अप्पडिग्गाही कालकालंतरेसुं पि अहं इमस्स सीसाणं वा सीसिणीगाणं वा ।' 'से भयवं ! जया णं एवंविहे अक्खरे ण प्पयादी, गोयमा ! जया णं एवंविहे अक्खरे ण प्पयादी तयाणं आसण्ण-पावयणीणं पकहित्ताणं चउत्थादीहिं समक्कमित्ताणं अक्खरे दावेज्जा।
‘से भयवं ! जया णं एएणं पयारेणं से णं कुगुरु अक्खरे ण पदेज्जा, तया णं किं कुज्जा ? 'गोयमा! जया णं एएणं पयारेणं से णं कुगुरू अक्खरे ण पदेज्जा', तया णं संघ-बज्झे उवइसेज्जा । ‘से भयवं ! केणं अटेणं एवं वुच्चइ ? 'गोयमा ! सुदुप्पयहें इणमो महा-मोह-पासे गेह-पासे, तमेव विप्पहित्ताणं अणेग सारीरग-मणो-समुत्थ-चउ-गइ-संसार-दुक्ख-भय-भीए कह-कहादी-मोह-मिच्छत्तादीणं खओवसमेणं सम्मग्गं समोवलभित्ताणं निम्विन्न-काम-भोगे निरणुबंधे पुण्णमहिज्जेतं च तव-संजमाणुट्ठाणेणं तस्सेव तव-संजम किरियाए जाव णं गुरू सयमेव विग्धं पयरे अहा णं परेहिं कारवे कीरमाणे, वा समणुवेक्खे सपनेण, वा परपक्खेण, वा ताव णं तस्स महाणुभागस्स साहुणो संतियं विज्जमाणमवि धम्म-वीरियं पणस्से।
[४२] जाव णं धम्म-वीरियं पणस्से ताव णं जे पुण्ण-भागे आसण्ण-पुरक्खडे चेव सो पणस्से जइ णं णो समण लिंगं विप्पजहे । ताहे जे एवं गुणोववेए से णं तं गच्छमुज्झिय अण्ण गच्छं समुप्पयाइ । तत्थवि जाव णं संपवेसं ण लभे, ताव णं कयाइ उ ण अविहीए पाणे पयहेज्जा, कयाइ उ ण मिच्छत्तभावं गच्छिय पर-पासंडं
१ अलिहिए खं. २ । २ ण चिण्हिए प्र./सु. । ३ कुव्वीया सं. । ४ सीसरणी खं. सं. ला. । ५ जहा खं. । ६ पयच्छे खं. पइच्छा ला.
खं. ७ सुदृपयट्टे ला. । ८ प्पजहित्ता. खं.। ९ से पवरे सा.।