Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 223

महानिसीह - सुय खंधं अ.
ण समणुजाणेज्जा जाव णं नारभेज्जा ण समारभेज्जा जावज्जीवाए ति । से णं जयणाए भत्ते, से णं जयणाए धुवे, सेणं जयणाए दक्खे, से णं जयणाए-वियाणे, त्ति ।
गोयमा ! सुसढस्स उ ण महती संकहा परम विम्हय - जणणी य ॥ छ ॥ चूलिया पढमा एगंत निज्जरा | छा
१४२
सुसढअणगारकहा—
[१]
'से भयवं ! केणं अट्ठेणं एवं वुच्चइ ? ते णं काले णं ते णं समएणं सुसढणामधेज्जे अणगारे हभूयवं । तेणं च एगेगस्स णं पक्खस्संतो पभूय-ट्ठाणिओ आलोयणाओ विदिन्नाओ सुमहंताइं च । अच्चंत - घोर - सुदुक्कराई पायच्छित्ताइं समणुचिन्नाइं । तहा वि तेणं विरएणं' विसोहिपयं न समुवलद्धं' ति एतेणं अट्ठेणं एवं वुच्चइ ।
[२]
‘से भयवं ! केरिसा उ णं तस्स सुसढस्स वत्तव्वया ? ' गोयमा ! अत्थि इहं चेव भारहेवासे, अवंती नाम जणवओ | तत्थ य संबुक्के नामं खेडगे । तम्मि' य जम्मदरिद्दे निम्मेरे निक्किवे किविणे निरणुकंपे अइकूरे ' निक्कलुणे णित्तिंसे रोद्दे चंडरोद्दे पयंड - दंडे पावे अभिग्गहिय-मिच्छादिट्ठी अणुच्चरिय - नामधेज्जे सुज्जसिवे नाम धिज्जाई अर्हसि । तस्स य धूया सुज्जसिरी । सा य अपरितुलियसयल - तिहुयण - नर-नारिगणा लावण्ण-कंतिदित्ति-रूव-सोहग्गाइसएणं अणोवमा अत्तगा, तीए अन्नभवंतरम्मि इणमो हियएण दुच्विंतियं अहेसि जहा 'सोहणं हवेज्जा जइ णं इमस्स बालगस्स माया वावज्जे, तओ मज्झ असवक्कं भवे । एसो य बालगो दुज्जीविओ भवइ | ताहे मज्झ सुयस्स य रायलच्छी परिणमेज्ज' त्ति, तक्कम्म- दोसेणं तु जायमेत्ताए चेव पंचत्तमुवगया जणणी ।
[३]
ओ गोयमा ! ते णं सुज्झसिवेणं महया किलेसेणं छंदमाराहमाणेणं बहूणं अहिणव-पसूय - जुवतीणं घराघर थन्नं पाऊणं जीवाविया सा बालिया । अहन्नया जाव णं बाल - भावमुत्तिन्ना सा सुज्जसिरी ताव णं आगयं अमाया-पुत्तं महारोरवं दुवालस-संवच्छरियं दुभिक्खं ति, जाव णं फेट्टाफेट्टीए जाउमारद्धे सयले वि णं जणसमूहे ।
अण्णा बहु-दिवस- खुहत्तेणं विसायमुवगएणं तेण चिंतियं जहा - 'किमेयं वावाइऊणं समुद्दिसामि किं वा णं इमीए पोग्गलं विक्कणिऊणं चेव अन्नं किंचिवि वणिमग्गाओ पडिगाहित्ताणं पाण-वित्तिं करेमि ? णो णं अन्ने केइ जीव-संधारणोवाए संपयं मे हवेज्ज त्ति, अहवा हद्धी हा हा न जुत्तमिणं ति, किंतु जीवमाणिं चेव विक्किणामि त्ति, चिंतिऊणं विक्किया सुज्जसिरी महा - रिद्धी- जुयस्स चोद्दस - विज्जा- ट्ठाण - पारगयस्स णं माहण-गोविंदस्स गेहे। तओ बहु-जणेहिं धि-द्धी सद्दोवहओ तं देसं परिचिच्चाणं गओ अन्न-देसंतरं सुज्जसिवो, तत्थाविणं पयट्टो सो गोयमा ! इत्थेव विष्णाणे । जाव णं अन्नेसिं कण्णगाओ अवहरित्ताणं अवहरित्ताणं अन्नत्थ विक्कणिऊणं चामेलियं सुज्जसिवेण बहुं दविण जायं ।
[४]
यावसम्म उ समइक्कंते साइरेगे अट्ठ-संवच्छरे दुब्भिक्खस्स जाव णं वियलियमसेसविहवं तस्सावि णं गोविंद माहणस्स । तं च वियाणिऊणं विसायमुवगएणं चिंतियं गोयमा ! ते णं गोविंद माहणेणं जहा णं 'होही संघारकालं मज्झ कुटुंबस्स, नाहं विसीयमाणे बंधवे खणद्धमवि दट्ठूणं सक्कुणोमि । ता किं कायव्वं संपयमम्हेहिं ? ति, चिंतियमाणस्सेव आगया गोउलाहिवइणो भज्जा खइयग - विक्किणत्थं तस्स गेहे । जाव णं गोविंदस्स भजाए तंडुल- मल्लगेणं पडिगाहियाओ चउरो घण- विगइ - मीस - खइयगं - गोलियाओ, तं च पडिगाहियमेत्तमेव
१ वरएण खं. वराएण सु. तवरएण शु. । २ तस्स य खं । ३ अइक्खरे खं. ।
For Private
Personal Use Only