Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 147

महानिसीह-सुय-खंधं अ.१
जे केइ उभय-कण्णेसुं निबंधिऊण महाघुत्तम-जच्च-रयणत्थी' सागरमणुपविसेज्जा । से णं जलहत्थिमहिस-गोहिग-मयर-महामच्छ-तंतु-सुंसुमार-पभितीहिं दुट्ठ- वतेहिं अभेसिए' चेव सव्वं पि सागर-जलं आहिंडिऊण जहिच्छाए जच्च-रयण-संगहं करिय अहय-सरीरे आगच्छे, ताणं च अंतरंडगोलियाणं संबंधेण ते वराए गोयमा ! अणोवमं सुघोरं दारुणं दुक्खं पुव्वज्जिय रोद्द-कम्म-वसगा अणुभवंति।
से भयवं ! केणं अटेणं ? 'गोयमा ! तेसिं जीवमाणाणं कोस-मज्झे ताओ गोलियाओ गहे जे जया उण ते घिप्पंति, तया बहुविहाहिं णियंतणाहिं महया साहसेणं सण्णद्ध-बद्ध-करवाल-कुंत-चक्काइ-पहरणाडोवेहिं बहु-सूर-धीर-पुरिसेहिं बुद्धीपुव्वगेणं सजीविय-डोलाए घेप्पंति । तेसिं च घेप्पमाणाणं जाइं सारीर-माणसाइं दुक्खाइं भवंति, ताइं सव्वेसुं नारय-दुक्खेसुं जइ परं उवमेज्जा।
(११) से भयवं ! को उण ताओ अंतरंड-गोलियाओ गेण्हेज्जा ? गोयमा ! तत्थेव लवण-समुद्दे अत्थि रयण-दीवं नाम अंतर-दीवं । तस्सेव पडिसंताव-दायगाओ थलाओ एगतीसाए जोयण-सएहिं । तं निवासिणो मणुया भवंति।
'भयवं ! कयरेणं पओगेणं' ? खेत्त-सभाव-सिद्ध-पुव्वपुरिस-सिद्धेणं च विहाणेणं ? 'सेभयवं! कयरे उण से पुव्व-पुरिस-सिद्धे विही तेसिं' ? ति गोयमा! तहियं रयण-दीवे अस्थिवीसं-एगूण-वीसं अट्ठारस-दसट्ठ-सत्त-धणू-पमाणाई घरट्टसंठाणाई वर-वइर-सिला-संपुडाई, ताई च विघाडेऊणं ते रयणदीवनिवासिणो मणुया पुव्व-सिद्ध-खेत्त-सहाव-सिद्धेणं चेव जोगेणं पभूय-मच्छिया-महूए अभंतरओ अच्वंतलेवाडाइं काऊणं तओ तेसिं पक्क-मंस-खंडाणि बहूणि जच्च-महु-मज्ज-भंडगाणि पक्खिवंति । तओ एयाई करिय सुरुंद-दीह-महद्दुम-कठेहिं आरंभित्ताणं सुसाउ-पोराण-मज्ज-मच्छिगा महूओ य पडिपुण्णे बहूए लाउगे गहाय पडिसंतावदायग-थलमागच्छंति । जाव णं तत्थागए समाणे ते गुहावासिणो मणुया पेच्छंति, ताव णं तेसिं रयणदीवग-णिवासिमणुयाणं वहाय पडिधावंति । तओ ते तेसिं य महुपडिपुन्नं लाउगं पयच्छिऊणं अब्भत्थ पओगेणं तं कट्ठ-जाणं जइणयर-वेगं दुवं खेविऊणं रयणद्दीवाभिमुहं वच्चंति । इयरे य तं महुमासादियं पुणो सुट्ठयरं तेसिं पिट्ठीए धावंति । ताहे गोयमा ! जाव णं अच्चासण्णे भवंति, ताव णं सुसाउ-महु-गंध-दव्वसक्कारिय-पोराण-मज्जं लाउगमेगं पमोत्तूण पुणो वि जइणयरवेगेणं रयणदीव-हुत्तो वच्चंति। इयरे' य तं सुसाउ-महु-गंध-दव्व-संसक्करिय पोसण-मज्जमासाइयं पुणो सुदक्खयरे तेसिं पिट्ठीए धावंति । पुणो वि तेसिं महु-पडिपुण्णं लाउगमेगं मुंचंति
[१२] ___ एवं ते गोयमा ! महु-मज्ज-लोलीए संपलग्गे तावाणयंति जाव णं ते घरट्ट-संठाणे वइरसिला-संपुडे । ता जाव णं तावइयं भू-भागं संपरावंति ताव णं जमेवासण्णं वइरसिला संपुडं जंभायमाणपुरिसमुहागारं विहाडियं चिट्ठइ, तत्थेव जाइं महु-मज्ज-मस-पडिपुन्नाइं समुद्धरियाई सेस-लाउगाई ताई तेसि पिच्छमाणाणं ते तत्थ मोत्तूणं निय-निय-निलएसु वच्चंति । इयरे य मह-मज्ज-लोलीए जाव णं तत्थ पविसंति, ताव णं गोयमा! जे ते पुव्व-मुक्के पक्क-मंस-खंडे जे य ते महु-मज्ज-पडिपुण्णे भंडगे जं च महूए चेवालित्तं सव्वं तं सिला-संपुडं पेक्खंति ताव णं तेसिं महंतं परिओसं महंतं तुहिँ महंतं पमोदं भवइ। एवं तेसिं महु-मज्ज-पक्क-मंसं परिभुंजेमाणेणं जाव णं गच्छंति सत्तट्ठ-दस-पंचेव वा दिणाणि, ताव णं ते रयणदिव-निवासी-मणुया एगे सन्नद्धबद्ध-साउह-करग्गा तं वइरसिलं वेढिऊणं सत्तट्ठ-पंतीहिं णं ठंति, । अण्णे तं घरट्ट-सिला-संपुडमायालित्ताणं एग8 मेलति । तम्मि य मेलिज्जमाणे गोयमा ! जइ णं कहिं चि तुडितिभागओ तेसिं एक्कस्स दोण्हं पि
१ त्थी आगर जं. स. गाहग खं. । २ अभिए सु. ला. । ३ बुद्धिपओगे सं. । ३ सिण खं. । ४ सिटेण सं. । ५ अज्झत्थ आ.। ६
पट्ठिए विक्खिरमाणा २ धा खं. । ७ मेयं पमो. शु.। ८ यरो य ला.।