Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 206

महानिसीह - सुय-खंधं
छप्पइयाओ पडिगाहेत्ताणं तं च कयवरं परिद्ववेऊणं इरियं ण पडिक्कमेज्जा, चउत्थं । अपच्चुप्पेहियं कयवरं परिट्ठावेज्जा, उवट्ठावणं । जइ णं छप्पइयाओ हवेज्जा, अहा णं णत्थि, तओ दुवालसं । एवं वसहिं उवहिं पच्चुप्पेहिऊणं समाहिं खइरोल्लगं च ण परिट्ठवेज्जा, चउत्थं ।
सूरि समाहिं वा खइरोल्लगं वा परिट्ठवेज्जा, आयंबिलं हरिय-काय संसत्ते, इ वा बीयकाय संसत्ते, इवा तसकाय - बेइंदियाईएहिं, वा संसत्ते थंडिले समाहिं, वा खइरोल्लगं, वा परिट्ठवे अन्नयरं, वा उच्चाराइयं वोसिरेज्जा, पुरिवड्डेक्कासणगायंबिलं अहक्कमेणं ।
जइ णं णो उद्दवणं संभवेज्जा, अहा णं उद्दवणा संभावीए, तओ खमणं ।
तं च थंडिलं पुणरवि पडिजागरेऊणं नीसंकं काऊणं पुणरवि आलोएत्ताणं जहा- जोगं पायच्छित्तं ण पडिगाहेज्जा ओ उवावणं ।
समाहिं परिमाणो सागारिएणं संचिक्खीयए संचिक्खीयमाणो' वा परिट्ठवेज्जा, खवणं ।
अपच्चुवेहिए थंडिले जं किंचि वोसिरेज्जा, तत्थोवट्ठाणं ।
१२५
[१४]
एवं च वसहिं उवहिं पच्चुपेहेत्ताणं समाही खइरोल्लगं च परिट्ठवेत्ताणं एगग्ग - माणसो आउत्तो विहीए सुत्तत्थं अणुसमाणो ईरियं ण पडिक्कमेज्जा, एक्कासणगं,
मुहणंतगेणं विणा इरियं पडिक्कमेज्जा वंदण - पडिक्कमणं वा करेज्जा जंभाएज्ज वा सज्झायं वा करेज्जा वायणादी, सव्वत्थ पुरिवङ्कं ।
एवं च इरियं पडिक्कमित्ताणं सुकुमाल पहल अचोप्पड - अविक्किट्ठेणं अविद्ध-दंडेणं दंड - पुच्छणगेणं वसहिं ण पमज्जे, एक्कासणगं ।
बोहरिया वा वसहिं वोहारेज्जा, उवट्ठावणं ।
वसहीए दंडा - पुच्छणगं दाऊणं कयवरं ण परिट्ठवेज्जा, चउत्थं ।
अपच्चुपेहियं कयवरं परिट्ठवेज्जा, दुवालसं । जइ णं छप्पइयाओ ण हवेज्जा, अहा णं हवेज्जा तओ उट्ठावणं । वसही संतियं' कयवरं पच्चुप्पेहमाणे णं जाओ छप्पइयाओ तत्थ अण्णेसिऊणं अण्णेसिऊणं, समुच्चिणिय समुच्चिणिय पडिगाहिया, ताओ जइ णं ण सव्वेसिं भिक्खूणं संविभाइऊणं देज्जा, तओ एक्कासणगं । जइ सयमेव अत्तणो ताओ छप्पइयाओ पडिगाहेज्जा, अह णं ण संविभइउं दिज्जा ण य अत्तणो' पडिगाहेज्जा, तओ पारंचियं ।
एवं वसहिं दंडा पुच्छणगेणं विहीए पमज्जिऊणं कयवरं पच्चुप्पेहेऊणं छप्पइयाओ संविभातिऊणं च तं च कयवरं ण परिट्ठवेज्जा परिट्ठवित्ताणं सम्मं विहिए अच्छंतोवउत्ते एगग्गमाणसेण पयंपणं तु सुत्तत्थो भयं
सरमाणे जेणं भिक्खूण इरियं पडिक्कमेज्जा, तस्स य आयंबिल - खमणं पच्छित्तं निद्दिसेज्जा,
एवं तु अइक्कज्जा णं गोयमा ! किंचूणगं दिवडुं घडिगं पुव्वण्हिगस्स णं पढम-जामस्स || ||
ヨ
[१५]
यावसरम्ही उ गोयमा ! जे णं भिक्खू गुरुणं पुरओ विहीए सज्झायं संदिसावेऊणं एगग्ग चित्ते सुयाउत्ते दढं धिईए घडिगूण पढम-पोरिसिं जावज्जीवाभिग्गहेणं अणुदियहं अपुव्व णाण- गहणं न करेज्जा, तस्स दुवालसमं पच्छित्तं निद्दिसेज्जा । अपुव्व-नाणाहिज्जणस्स असई जं एव पुव्वाहिज्जियं तं सुत्तत्थोभयं अणुसरमाणो एगग्गमाण परावत्तेज्जा, भत्तित्थी - राय - तक्कर - जणवयाइ विचित्त - विगहासु णं अभिरमेज्जा, अवंदणिज्जे ।
१ संविक्खीयए, संविक्खी. हे । २ बाहिरि शु. सं. ३ पुंछ सं. ४ अहवा खं । ५ संठियं खं । ६ दिज्जा ण य अणण्णो प / ला. ते य अत्त. शु.।
For Private Personal Use Only