Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 205

१२४
महानिसीह-सुय-खंध में
अविहीए समणुट्ठिए इ वा, णो णं जहुत्तयालं विहीए सम्मं अणुट्ठिए, इ वा असंपडिए इ वा, विच्छंपडिए इ वा, अकए इ वा, पमाइए इ वा, केवतियं पायच्छित्तं उवइसेज्जा ?' । गोयमा ! जे केई भिक्खू वा, भिक्खुणी वा, संजय-विरय-पडिहय-पच्चक्खायपाव-कम्मे-दिक्खा-दिया-पभईओ' अणुदियहं जावज्जीवाभिग्गहेणं सुविसत्थे भत्ति-निब्भरे जहुत्त-विहीए सुत्तत्थं अणुसरमाणेण अणन्न-माणसे-गग्ग-चित्ते तग्गय-माणससुहज्झवसाए थय-थुइहिं ण तेकालियं चेइए वंदेज्जा, तस्स णं एगाए वाराए खवणं पायच्छित्तं उवइसेज्जा, बीयाए छेदं, तइयाए उवट्ठावणं ।
अविहीए चेइयाइं वंदए, तओ पारंचियं, जओ अविहीए चेइयाइं वंदेमाणो अन्नेसिं असद्धं संजणे इइ काउणं। जो उण हरियाणि वा, बीयाणि वा, पुप्फाणि वा, फलाणि वा, पूयट्ठाए वा, महिमट्ठाए वा, सोभट्ठाए वा संघट्टेज्ज वा, संघट्टावेज्ज वा, छिंदेज्ज वा, छिंदावेज्ज वा, संघट्टिज्जंताणि वा, छिंदिज्जंताणि वा, परेहिं समणुजाणेज्जा वा, एएसुं सव्वेसुं उवट्ठावणं खवणं चउत्थं आयंबिलं एक्कासणगं निव्विगइयं गाढागाढ-भेदेणं-जहा संखेणं नेयं । जे णं चेइए वंदेमाणस्स वा, नमसमाणस्स वा, संथुणेमाणस्स वा, पंचप्पयारं सज्झायं पयरेमाणस्स वा, विग्घं करेज्ज वा, कारवेज्ज वा, कीरतं वा, परेहिं समणुजाणेज्ज वा, से तस्स एएसुं दुवालसं छठे एक्कासणगं कारणिगस्स, निक्कारणिगे अवंदए संवच्छरं जाव पारंचियं काऊणं उवट्टावेज्जा।
[११] जे णं पडिक्कमणं न पडिक्कमेज्जा, से णं तस्सोट्ठावणं निद्दिसेज्जा । बइठ्ठ-पडिक्कमणे खमणं । सुन्नासुन्नीए अणोवउत्त-पमत्तो वा पडिक्कमणं करेज्जा, दुवालसं । पडिक्कमण-कालस्स चुक्कइ, चउत्थं। अकाले पडिक्कमणं करेज्जा, चउत्थं । कालेण वा पडिक्कमणं णो करेज्जा, चउत्थं । ___ संथार-गओ वा संथारगोवविट्ठो वा पडिक्कमणं करेज्जा, दुवालसं । मंडलीए ण पडिक्कमेज्जा, उवट्ठावणं । कुसीलेहिं समं पडिक्कमणं करेज्जा, उवट्ठावणं । परिब्भट्ठ-बंभचेर-वएहिं समं पडिक्कमेज्जा, पारंचियं । सव्वस्स समण-संघस्स तिविहं तिविहेण खमण-मरिसामणं अकाऊणं पडिक्कमणं करेज्जा, उवट्ठावणं । पयं पएणाविच्चामेलिय पडिक्कमण-सुत्तं ण पयट्टेज्जा, चउत्थं । __ पडिक्कमणं काऊणं संथारगे इ वा, फलहगे इ वा, तुयट्टेज्जा, खमणं । दिया तुयट्टेज्जा, दुवालसं । पडिक्कमणं काउं गुरु-पामूलं वसहिं संदिसावेत्ताणं ण पच्चुप्पेहेइ, चउत्थं ।
[१२] वसहिं पच्चुप्पेहिऊणं ण संपवेएज्जा छठे, वसहिं असंपवेपत्ताणं रयहरणं पच्चुप्पेहेज्जा, पुरिवर्ल्ड । रयहरणं विहीए पच्चुप्पेहेत्ताणं गुरु-पामूलं मुहणंतगं पच्चुप्पेहिय उवहिं ण संदिसावेज्जा, पुरिवर्ल्ड । मुहणंतगेणं अपच्चुप्पेहिएणं उवहिं संदिसावेज्जा, पुरिवर्ल्ड । असंदिसावियं उवहिं पच्चुप्पेहेज्जा, पुरिवर्ल्ड। अणुवउत्तो वसहिं वा उवहिं वा पच्चुप्पेहे, दुवालसं । अविहीए वसहिं, वा उवहिं वा अण्णयरं वा भंड-मत्तोवगरण जायं किंचि अणोवउत्त-पमत्तो पच्चुप्पेहेज्जा, दुवालसं।
वसहिं वा उवहिं वा भंड-मत्तोवगरणं वा अपडिलेहियं वा दुप्पडिलेहियं वा परिभुजेज्जा दुवालसं। वसहिं, वा उवहिं, वा भंड-मत्तोवगरणं, वा ण पच्चुप्पेहज्जा, उवट्ठावणं ।
[१३] एवं वसहिं उवहिं पच्चुप्पेहेत्ताणं जम्ही पएसे संथारयं जम्ही उ पएसे उवहिए पच्चुप्पेहणं कयं, तं ठाणं निउणं हलुय-हलुयं दंडापुंछणगेण, वा रयहरणेण, वा साहरेत्ताणं तं च कयवरं पच्चुप्पेहित्तु छप्पइयाओ ण पडिगाहेज्जा, दुवालसं।
१ कम्मे दिया पभीइ खं। २ विघट्ट । ३ अवंदे जे. Jain Education International