Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 171

महानिसीह-सुय-खंधं...!.
[३२] तओ हक्काराविओ गोयमा ! सो तेहिं सावज्जायरिओ । आगओ दूरदेसाओ अप्पडिबद्धत्ता विहरमाणो। सत्तहिं मासेहिं जाव णं दिट्ठो एगाए अज्जाए । सा य तं कझुग्ग-तव-चरण-सोसिय-सरीरं चम्मट्ठि-सेस तणुं अच्चंतं तव-सिरिए दिप्पंतं सावज्जायरियं पेच्छिय सुविम्हियंतक्करणा वियक्किउं पयत्ता 'अहो किं एस महाणुभागो णं सो अरहा, किं वा णं धम्मो चेव मुत्तिमंतो ? किं बहुणा-तियसिंदवंदाणं पि वंदणिज्ज-पाय-जुओ एस' त्ति चिंतिऊणं भत्ति-भरणिन्भरा आयाहिण-पयाहिणं काऊणं उत्तिमंगेण संघट्टेमाणी झत्ति निवडिया चलणेसुं गोयमा ! तस्स णं सावज्जायरीयस्स । दिट्ठो य सो तेहिं दुरायारेहिं पणमिज्जमाणो । अण्णया णं सो तेसिं तत्थ जहा जग-गुरुहिं उवइ8 तहा चेव गुरुवएसाणुसारेणं आणुपुव्वीए जह-ट्ठियं सुत्तत्थं वागरेइ । ते वि तहा चेव सद्दहति । अण्णया ताव वागरियं गोयमा । जाव णं एक्कारसण्हमंगाणं चोद्दसण्हं पुव्वाणं दुवालसंगस्स णं सुयनाणस्स णवणीयसारभूयं सयल-पाव-परिहारट्ठ-कम्म-निम्महणं आगयं इणमेव गच्छ-मेरा-पण्णवणं' महानिसीह-सुयक्खंधस्स पंचममज्झयणं । एत्थेव गोयमा ! ताव णं वक्खाणियं जाव णं आगया इमा गाहा।
जत्थित्थी-कर-फरिसं, अंतरिय कारणे वि उप्पण्णे। अरहा वि करेज्ज सयं, तं गच्छं मूल गुण-मुक्कं ॥१२७।।
तओ गोयमा ! अप्प-संकिएणं चेव चिंतियं तेण सावज्जायरिएणं जहा णं-'जइ इह एयं जहट्ठियं पण्णवेमि तओ जं मम वंदणगं दाउमाणीए तीए अज्जाए उत्तिमंगेण चलणग्गे पुढे तं सव्वेहिं पि दिट्ठमेएहिं ति । ता जहा मम सावज्जायरियाहिहाणं कयं तहा अण्णमवि किंचि एत्थ मुइंकं काहिंति । अहन्नहाँ सुत्तत्थं पन्नवेमि ताणं महती आसायणा । ता किं करियव्वमेत्थं ? ति । किं एयं गाहं पओवयामि किं वा णं अण्णहा पण्णवेमि? अहवा हा हा ण जुत्तमिणं उभयहा वि । अच्वंतगरहियं आयहियट्ठीणमेयं, जओ ण-मेस समयाभिप्पाओ जहा णं जे भिक्खू दुवालसंगस्स णं सुयनाणस्स असई चुक्कक्खलियपमायासंकादी-सभयत्तेणं पयक्खरमत्ता-बिंदुमवि एक्कं पओवेज्जा अण्णहा वा पण्णवेज्जा, संदिद्धं वासुत्तत्थं वक्खाणेज्जा। अविहीए अओगस्स वा वक्खाणेज्जा। से भिक्खू अणंतसंसारी भवेज्जा । ता किं रेत्थं, जं होही तं च भवउ, जहट्ठियं चेव गुरुवएसाणुसारेणं सुत्तत्थं पवक्खामि त्ति चिंतिऊणं गोयमा ! पवक्खाया णिखिलावयवविसद्धा सा तेण गाहा।
[३४] एयावसरम्मि चोइओ गोयमा ! सो तेहिं दुरंत-पंत-लक्खणेहिं जहा 'जइ एवं ता तुमं पि ताव मूल-गुण-हीणो। जाव णं संभरेसु तं जं तद्दिवसं तीए अज्जाए तुझं वंदणगं दाउकामाए पाए उत्तिमंगेणं पुढे' । ताहे इहलोइगायस-हीरू खरसत्थरीहूओ। गोयमा! सोसावज्जायरिओ चिंतिओ जहा जं मम सावज्जायरियाहिहाणं कयं इमेहिं तहा तं किं पि संपयं काहिति । जे णं तु सव्व-लोए अपुज्जो भविस्सं, ता किमेत्थं पारिहारगं दाहामि' ? त्ति चिंतमाणेणं संभरियं तित्थयर-वयणं जहा णं 'जे केई आयरिए, इ वा मयहरए, इ वा गच्छाहिवई सुयहरे भवेज्जा । से णं जं किंचि सव्वण्णू-अणंत-नाणीहिं पावाववाय-ट्ठाणं पडिसेहियं तं सव्वं सुयाणुसारेणं विन्नायं सव्वहा सव्व-पयारेहि णं णो समायरेज्जा, णो णं समायरिज्जमाणं समणुजाणेज्जा । से कोहेण वा, माणेण वा, मायाए वा, लोभेण वा, भएण वा, हासेण वा, गारवेण वा, दप्पेण वा, पमाएण वा, असती चुक्क-खलिएण वा, दिया वा, राओ वा, एगओ वा, परिसा-गओ वा, सुत्ते वा, जागरमाणे वा, तिविहं तिविहेणं मणेणं वायाए काएणं एतेसिमेवपयाणं । जे केइ विराहगे भवेज्जा से णं भिक्खू भूओ भूओ जिंदणिज्जे, गरहणिज्जे, खिंसणिज्जे, दुगुंछणिज्जे, सव्व-लोग-परिभूए बहू-वाहि-वेयणा-परिगय-सरीरे उक्कोसद्वितीए
१ झड त्ति रवं. २ । २ पवत्तणं ला. । ३ वेति जे. । ४ तओ जस्स मे ला. । ५ पुट्ठो तं सव्वेसिं जे । ६ मुईकं जे। ति जेणं तु सव्वलोए अपुज्जो भविस्सं ता सा । ७ अहमन्नहा जे परूवया खं. २।८ परुवे खं. २।९ स भीरू खं. २।।