Agam 39 Chhed 06 Mahanishith Sutra

Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad

Page 160

महानिसीह-सुय-खंध
चुलसीइ-जोणि-लक्खे सा जोणी णत्थि गोयमा ! इहइं। . जत्थ ण अणंतहुत्तो सव्वे जीवा समुप्पण्णा ॥११४।। सूईहिं अग्गि-वन्नाहिं संभिन्नस्स निरंतरं । जावइयं गोयमा ! दुक्खं गब्भे अट्ठ-गुणं तयं ॥११५।। गब्भाओ निप्फिडंतस्स जोणी-जंत -निपीलणे। कोडी-गुणं तयं दुक्खं कोडाकोडि-गुणं पि वा ।।११६।। जायमाणाण जं दुक्खं मरमाणाण जंतूणं । तेणं दुक्ख-विवागेणं जाइं न सरंति अत्तणिं ॥११७।। णाणाविहासु जोणीसु परिभमंतेहिं गोयमा ! तेण दुक्ख-विवाएणं संभरिएण ण जिव्वए ॥११८।। जम्म-जरा-मरण-दोगच्च-वाहीओ चिटुंतु ता। लज्जेज्जा गब्भ-वासेणं कोण बुद्धो महामती ॥११९।। बहु-रुहिर-पूई-जंबाले असुइ य कलिमल-पूरिए। अणिढे य दुन्भिगंधे गन्भे को धिई लभे? ॥१२०॥ ता जत्थ दुक्ख-विक्खिरणं एगंत-सुह-पावणं । से आणं नो खंडेज्जा आणा भंगे कुओ सुहं ? ॥१२१।।
[११] 'से भयवं ! अट्ठण्हं साहूणमसई उस्सग्गेण वा अववाएण वा चउहिं अणगारेहिं समं गमणागमणं नियंठिय" तहा दसण्हं संजईणं हेट्ठा उसग्गेणं, चउण्हं तु अभावे अववाएणं हत्थ-सयाओ उद्धं गमणं णाणुण्णायं । आणं वा अइक्कमंते साहू वा साहूणीओ वा अणंत-संसारिए समक्खाए । ता णं से दुप्पसहे अणगारे असहाए भवेज्जा। सा विय विण्हसिरी अणगारी असहाया चेव भवेज्जा । एवं त ते कहं आराहगे भवेज्जा?' गोयमा ! णं दुस्समाए परियंते ते चउरो जुगप्पहाणे खाइग-सम्मत्त-णाण-दंसण-चारित्त-समण्णिए भवेज्जा । तत्थ णं जे से महायसे महाणुभागे दुप्पसहे अणगारे से णं अच्चंत विसुद्ध-सम्म-इंसण-नाण-चारित्त-गुणेहिं उववेए सुदिट्ठ-सुगइ-मग्गे आसायणा-भीरू अच्चंत-परम-सद्धा-संवेग-वेरग्ग-संमग्गट्ठिए, निरन्भ-गयणामल-सरयकोमुइ-पुण्णिमायंद-कर-विमल-पर-परम-जसे,-वंदाणं परम-वंदे पूयाणं परमपूए भवेज्जा । तहा सा वि य सम्मत्त-नाण-चारित्त-पडागा, महायसा महासत्ता, महाणुभागा, एरिस-गुण-जुत्ता चेव सुगहियनामधिज्जा विण्हुसिरी अणगारी भवेज्जा । तं पि णं जिणदत्त-फग्गुसिरी नामं सावग-मिहुणं बहु-वासर-वण्णणिज्जगुणं चेवभवेज्जा। तहा तेसिं सोलस-संवच्छराइं परमं आउंअट्ठय परियाओआलोइय-नीसल्लाणंचपंचणमुक्कार-पराणं चउत्थ-भत्तेणं सोहम्मे कप्पे उववाओ। तयणंतरं च हिडिम-गमणं । तहा वि ते एयं गच्छ-ववत्थं णो विलंधिंसु।
[१२] _ 'से भयवं ! केणं अटेणं एवं वुच्चइ-जहा णं तहा वि-ते एयं गच्छ-ववत्थं णो विलंधिंसु ? गोयमा ! णं इओ आसण्ण-काले णं चेव महायसे महासत्ते-महाणुभागे सेज्जंभवे णामं अणगारे महातवस्सी महामई दुवाल-संग-सुयधारी भवेज्जा। से णं अपक्खवाएणं अप्पाउक्खे भव्व-सत्ते सुयअतिसएणं विण्णाय एक्कारसण्हं अंगाणं चोद्दसण्हं पुव्वाणं परमसार-णवणीय-भूयं सुपउणं सुपद्धरुज्जयं सिद्धिमग्गं दसवेयालियं नाम सुयक्खधं
१ जंतय नि ला. । २ ण बद्धो महामुणी ला. । ३ धिइयं लभे सं. | ४ पावाणं ला. टि. । ५ आणा नो रवं. । ६ वा अण रवं.। ७ नियंसेहियं सं. । ८ उटुंगम सं. ॐ ।९ मा इंदुक ला. । १० विण्हुसिरि सं. ला. । ११ सुय धरुज्जयं ला./ सुपद्धरुज्जय धरोज्जोयं सि
(?)