Book Title: Agam 39 Chhed 06 Mahanishith Sutra
Author(s): Punyavijay, Rupendrakumar Pagariya, Dalsukh Malvania, H C Bhayani
Publisher: Prakrit Granth Parishad
________________
महानिसीह-सुय-खंधं
कइयवे', से णं अणंताणुबंधी लोभे, जे णं अणंताणुबंधी कोहाइकसाय-चउक्के से णं घण-राग-दोस-मोहमिच्छत्त-पुंजे । जे णं घण-राग-दोस-मोह-मिच्छत्त-पुंजे, से णं अणुत्तरे घोर-संसारे समुद्दे । जे णं अणुत्तरघोर-संसार-समुद्दे, से णं पुणो पुणो जम्मं पुणो पुणो जरा, पुणो पुणो मच्चू । जे णं पुणो पुणो जम्म-जरा-मरणे, से णं पुणो पुणो बहू भवंतर-परावत्ते, जे णं पुणो पुणो बहू भवंतर-परावत्ते, से णं पुणो पुणो चुलसीइ-जोणि-लक्खमाहिंडणं । जे णं पुणो पुणो चुलसीइ-जोणि-लक्खमाहिंडणं, से णं पुणो पुणो सुदूसहे घोर-तिमिसंधयारे रुहिर-चिलिच्चिल्ले वसा-पूय-वंत-पित्त-सिंभ-चिक्खल्ल-दुग्गंधासुइ- चिलीण-जंवाल-केस' किव्विस-खरंट पडिपुण्णे अणि?-उब्वियणिज्ज-अइघोर-चंडमहारोद्ददुक्खदारुणे गब्भ-परंपरा-पवेसे। जेणं पुणो पुणो दारुणे गब्भ-परंपरा-पवेसे से णं दुक्खे, से णं केसे, से णं रोगायके, से णं सोग-संतावुव्वेयगे । जे णं दक्ख-केस-रोगायंक-सोग-संतावव्वेयगे, से णं अणिवत्ती। जेणं अणिवत्ती. से णं जहिद-मणोरहाणं असंपत्ती । जे णं जहिट्ठमणोरहाणं असंपत्ती, से णं ताव पंचप्पयार-अंतराय-कम्मोदए। जत्थ णं पंचप्पयारअंतराय-कम्मोदए-तत्थ णं सव्व-दुक्खाणं अग्गणीभूए पढमे ताव दारिद्दे । जे णं दारिद्दे से णं अयसब्भक्खाण अकित्ती-कलंकरासीणं मेलावगागमे । जे णं अयसब्भक्खाण-अकित्ती-कलंक-रासीणं मेलावगागमे, से णं सयल-जण-लज्जणिज्जे निंदणिज्जे गरहणिज्जे खिंसणिज्जे दुगुंछणिज्जे सव्व-परिभूए जीविए। जेणंसव्व-परिभूए जीविए, सेणं सम्मइंसण-नाण-चारित्ताइगुणेहिं सुदूरयरेणं विप्पमुक्के चेव मणुय-जम्मे, अण्णहा वा सव्व-परिभूए चेव ण भवेज्जा । जे णं सम्म-इंसण-नाण-चारिचाइ-गुणेहिं सुदूरयरेणं विप्पमुक्के चेव न भवे ?, से णं अणिरुद्धासवदारत्ते चेव । जे णं अनिरुद्धासवदारत्ते चेव से णं बहल-थूल-पावकम्माययणे। जे णं बहल-थूल-पाव-कम्माययणे, सेणं बन्धे, सेणं बंधी, सेणं गुत्ती, सेणं चारगे से णं सव्वमकल्लाणममंगल-जाले, दुविमोक्खे कक्खड-घण-बद्ध-पुट्ठ-निकाइए कम्म-गंठि। जे णं कक्खड-घण-बद्ध-पुट्ठ-निकाइय-कम्म-गंठी, से णं एगिंदियत्ताए बेइंदियत्ताए, तेइंदियत्ताए, चउरिदियत्ताए पंचेंदियत्ताए नारय-तिरिच्छ-कुमाणुसेसुं अणेगविहं सारीर-माणसं दुक्खमणुभवमाणे णं वेइयव्वे । एएणं अटेणं गोयमा ! एवं वुच्चइ जहा अत्थेगे जे णं वासेज्जा, अत्थेगे जे णं नो वासेज्जा।
[४] __से भयवं! किं मिच्छत्ते णं उच्छाइए' केइ मच्छे भवेज्जा' ? गोयमा ! जे णं से आणा-विराहगे गच्छे भवेज्जा, से णं निच्छयओ चेव मिच्छत्तेणं उच्छाइए गच्छे भवेज्जा । से भयवं ! कयरा उ ण सा आणा जीए ठिए गच्छे आराहगे भवेज्जा ? 'गोयमा ! संखाइएहिं थाणंतरेहिं गच्छस्स णं आणा पण्णत्ता, जीए ठिए गच्छे आराहगे भवेज्जा। ___ 'से भयवं ! किं तेसिं संखातीताणं गच्छमेरा थाणंतराणं अत्थि, केई अण्णयरे थाणंतरेणं जे णं उसग्गेण वा, अववाएण वा कह चिय पमाय-दोसेणं असई अइक्कमेज्जा अइक्कंतेण वा आराहगे भवेज्जा ?' गोयमा! निच्छयओ णत्थि। ___ 'से भयवं ! के णं अटेणं एवं वुच्चइ जहा णं निच्छयओ नत्थि' ? गोयमा ! तित्थयरे णं ताव तित्थयरे तित्थे पुण चाउवण्णे समणसंघे । से णं गच्छेसुं पइट्ठिए, गच्छेसुं पि णं सम्मइंसण-नाण-चारित्ते पइट्ठिए । ते य सम्मईसण-नाण-चारित्ते परमपुज्जाणं पुज्जयरे परम-सरण्णाणं सरण्णे, परम-सेव्वाणं सेव्वयरे । ताइं च जत्थ णं गच्छे अण्णयरे ठाणे कत्थइ विराहिज्जंति से णं गच्छे समग्ग-पणासए उम्मग्ग-देसए । जे णं गच्छे सम्मग्ग-पणासगे उम्मग्ग-देसए से णं निच्छयओ चेव अणाराहगे । एएणं अटेणं गोयमा ! एवं वुच्चइ जहा णं संखादीयाणं गच्छ-मेरा ठाणंतराणं जेणं गच्छे एगमण्णयरट्ठाणं अइक्कमेज्जा से णं एगंतेणं चेव अणाराहगे।
१ कइयवेसेण कैतववेसेणं टिप्प. ला. । २ केय कि जे. । ३ निभवे सं./ न भवे ला. । ४ दारए चे स. । ५ उट्ठाइए ला. । ६ कह वि
पमाय दो सं. खं/ कह वि पमा खं। ७ एगेणं जे./ अग्गेणं टिप्पण ला.। Jain Education International For Private & Personal Use Only
www.jainelibrary.org
Page Navigation
1 ... 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284