Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 35

(१५) पण्णवणा द्वाणपर्य२
पुढवीए असीउत्तरजोयणसतसहस्सबाहल्लाए उवरिं एगं जोयणसहस्सं ओगाहेत्ता हेट्ठा वेगं जोयणसहस्सं वज्जेत्ता मज्झे अट्ठहत्तरे जोयणसतसहस्से, एत्थ गं उत्तराणं णाकुमाराणं देवाणं चत्तालीसं भवणावाससतसहस्सा भवतीति मक्खातं । ते णं भवणा बाहिं वट्टा सेसं जहा दाहिणिल्लाणं [सु. १८२] १ जाव विहरंति । २ भूयाणंदे यत्थ नागकुमारिंदे नागकुमाराया परिवसति पहिडीए जाव [सु. १७७] २ पभासेमाणे । से णं तत्थ चत्तालीसाए भवणावाससतसहस्साणं आहेवच्चं नाव [सु. १७७] २ विहरति । १८४. १ कहि णं भंते! सुवण्णकुमाराणं देवाणं पज्जत्ताऽपज्जत्ताणं ठाणा पण्णत्ता ? कहिं णं भंते! सुसण्णकुमारा देवा परिवसंति ? गोयमा ! इमीसे रयणप्पभाए पुढवीए जाव एत्थ णं सुवण्णकुमारा देवाणं बावत्तरिं भवणावाससतसहस्सा भवतीति मक्खातं । ते णं भवणा बाहिं वट्टा जाव पडिरूवा । तत्थ णं सुवण्णकुमाराणं देवाणं पज्जत्ताऽपज्जत्ताणं ठाणा पण्णत्ता । तिसु वि लोगसतस असंखेज्जइभागे । तत्थ णं बहवे सुवण्णकुमारा देवा परिवसंति महिड्डिया, सेसं जहा ओहियाणं [सु. १७७] १ जाव विहरति । २ वेणुदेवा वेणुदाली यत्थ दुवे सुवण्णकुमारिंदा सुवण्णकुमाररायणो परिवसंति महा जाव[सु. १७७] २ विहरंति । १८५. १ कहिणं भंते! दाहिणिल्लाणं सुवण्णकुमाराणं पज्जत्ताऽपज्जत्ताणं ठाणा पण्णत्ता ? कहि णं भंते! दाहिणिल्ला सुवण्णकुमारा देवा परिवसंति ? गोयमा ! इमीसे जाव मज्झे अट्ठहत्तरे जोयणसतसहस्से, एत्थ णं दाहिणिल्लाणं सुवण्णकुमाराणं अट्ठत्तीसं भवणावाससतसहस्सा भवंतीति मक्खातं । ते णं भवणा बाहिं वट्टा जाव पडिरूवा । एत्थ णं दाहिणिल्लाणं सुवण्णकुमाराणं पज्जऽपज्जत्ताणं ठाणा पण्णत्ता । तिसु वि लोगस्स असंखेज्जइभागे । एत्थ णं बहवे सुवण्णकुमारा देवा परिवसंति । २ वेणुदेवे यत्थ सुवणिदे सुवण्णकुमारराया परिवसइ । सेसं जहां णागकुमाराणं [सु. १८२] २ । १८६. १ कहिणं भंते ! उत्तरिल्लाणं सुवण्णकुमाराणं देवाणं पज्जत्ताऽपज्जत्ताणं ठाणं पण्णत्ता ? कहि णं भंते! उत्तरिल्ला सुवण्णकुमारा देवा परिवसंति ? गोयमा ! इमीसे रयणप्पभाए जाव एत्थ णं उत्तरिल्लाणं सुवण्णकुमाराणं चोत्तीसं भवणावाससतसहस्सा भवंतीति मक्खातं । ते णं भवणा जाव एत्थ णं बहवे उत्तरिल्ला सुवण्णकुमारा देवा परिवसंति [१७] १ विहरति । २ वेणुदाली यत्थ सुवण्णकुमारिंदे सुवण्णकमारराया परिवसति महिड्डीए, सेसं जहा णागकुमाराणं [सु. १८३] २ । १८७. एवं जहा सुवण्णकुमाराणं वत्तव्वया भणिता तहा सेसाण वि चोद्दसण्हं दाणं भाणितव्वा । नवरं भवणनाणत्तं इंदणाणत्तं वण्णणाणंत्तं परिहाणणाणत्तं च इमाहिं गाहाहिं अणुगंतव्वं चोवट्ठि असुराणं १ चुलसीती चेव होंति णागाणं २ । बावत्तरिं सुवण्णे ३ वाउकुमाराण छण्णउई ४ || १३८|| दीव - दिसा - उदहीणं विज्जुकुमारिंद
- मग्गी। छहं पि जुवलयाणं छावत्तरि मो सतसहस्सा १० ॥ १३९ ॥ चोत्तीसा १ चोयाला २ अट्ठत्तीसं च सयसहस्साई ३ । पण्णा ४ चत्तालीसा ५-१० दाहिणओ होति भवणाई ॥ १४०॥ तीसा १ चत्तालीसा २ चोत्तीसं चेव सयसहस्साई ३ । छायाला ४ छत्तीसा ५-१० उत्तरओ होति भवणाई ॥ १४१ ॥ चउसट्टी १ सट्ठी २ खलु छ च्च सहस्सा ३ १० उ असुरवज्जाणं । सामाणियाउ एए, चउग्गुणा आयरक्खा उ || १४२ || चमरे १ धरणे २ तह वेणुदेव ३ हरिकंत ४ अग्गिसीहे य ५ | पुणे ६ जलकंते या ७ अमिय ८ विलंबे य ९ घोसे य १० || १४३ || बलि १ भूयाणंदे २ वेणुदालि ३ हरिस्सहे ४ अग्गिमाणव ५ वसिट्ठे ६ | जलप्पहे ७ अमियवाहण ८ पभंजणे या ९ महाघोसे १० || १४४ || उत्तरिल्लाणं जाव विहरंति । काला असुरकुमारा, जागा उदही य पंडरा दो वि । वरकणगणिहसगोरा होति सुवण्णा दिसा थणिया ॥ १४५॥ उत्तत्तकणगवन्ना विज्जू अग्गी य होति दीवा य। सामा पियंगुवण्णा वाउकुमारा मुणेयव्वा ॥ १४६॥ असुरेसु होति रत्ता, सिलिंधपुप्फप्पभा य नागुदही। आसासगवसणधरा होति सुवण्णा दिसा थणिया || १४७|| णीलाणुरागवसणा विज्जू अग्गी य होति दीवा य । संझाणुरागवसणा वाउकुमारा मुणेयव्वा ॥१४८॥ [सुत्ताई १८८-१९४. वाणमंतरदेवठाणाई ] १८८. कहि णं मंते ! वाणमंतराणं देवाणं पज्जत्ताऽपज्जत्ताणं ठाणा पण्णत्ता ? कहि णं भंते! वाणमंतरा देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसतं ओगाहित्ता हेट्ठा वि एवं जोयणसतं वज्जेत्ता मज्झे अट्ठसु जोयणसएसु, एत्थ णं वाणमंतराणं देवाणं तिरियमसंखेज्जा भोमेज्जणगरावाससतसहस्सा भव॑तीति मक्खातं । ते णं भोमेज्जा गंगरा बहिं वट्टा अंत चउरंसा अहे पुक्खरकण्णियासंठाणसंठिता उक्किण्णंतरविउगंभीरखाय- परिहा पागार-ऽट्टालय-कवाडतोरणपडिदुवारदेसभागा जंतसयग्घिमुसलमुसुंढिपरियरिया
ॐ श्री आगमगुणमंजूषा - १५९
[२४]
३०)