Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 95

Ho95555555555
(१५) पण्णवणा
भासापयं- ११
[८४
rsssssssxeoy
पण्णत्ता ? गोयमा ! दुविहा भासा पण्णत्ता । तं जहा-पज्जत्तिया य अपज्जत्तिया य। ८६१. पज्जत्तिया णं भंते ! भासा कतिविहा पण्णत्ता ? गोयमा ! दुविहा पण्णत्ता। तं, जहा-सच्चा य मोसा य । ८६२. सच्चा णं भंते ! भासा पज्जत्तिया कतिविहा पण्णत्ता ? गोयमा ! दसविहा पण्णत्ता । तं जहा-जणवयसच्चा १ सम्मतसच्चा २ ठवणसच्चा ३ णामसच्चा ४ रूवसच्चा ५ पडुच्चसच्चा ६ ववहारसच्चा ७ भावसच्चा ८ जोगसच्चा ९ ओवम्मसच्चा १० जणवय १ सम्मत्त २ ठवणा ३ णामे ४ रूवे ५ पडुच्चसच्चे ६ य। ववहार ७ भाव ८ जोगे ९ दसमे ओवम्मसच्चे १० य॥१९४ ।। ८६३. मोसा णं भंते ! भासा पज्जत्तिया कतिविहा पण्णत्ता ? गोयमा ! दसविहा .पण्णत्ता । तं जहा-कोहणिस्सिया १ माणणिस्सिया २ मायाणिस्सिया ३ लोभणिस्सिया ४ पेज्जणिस्सिया ५ दोसणिस्सिया ६ हासणिस्सिया ७ भयणिस्सिया ८
अक्खाइयाणिस्सिया ९ उवघायणिस्सिया १० । कोहे १माणे २ माया ३ लोभे ४ पेज्जे ५ तहेव दोसे ६ य । हास ७ भए ८ अक्खाइय ९ उवघाइयणिस्सिया १० दसमा ।।१९५।। ८६४. अपज्जत्तिया णं भंते ! भासा कतिविहा पण्णत्ता ? गोयमा ! दविहा पण्णत्ता। तं जहा-सच्चामोसा य असच्चामोसाय। ८६५. सच्चामोसा णं भंते !! भासा अपज्जत्तिया कतिविहा पण्णत्ता ? गोयमा ! दसविहा पण्णत्ता । तं जहा-उप्पण्णमिस्सिया १ विगयमिस्सिया २ उप्पण्णविगयमिस्सिया ३ जीवमिस्सिया ४ अजीवमिस्सिया ५जीवाजीवमिस्सिया ६ अणंतमिस्सिया ७ परित्तमिस्सिया ८ अद्धामिस्सिया ९ अद्धद्धामिस्सिया १०। ८६६. असच्चामोसा णं भंते ! भासा अप्पज्जत्तिया कतिविहा पण्णत्ता ? गोयमा ! दुवालसविहा पण्णत्ता । तं जहा- अमंतणि १ याऽऽणमणी २ जायणि ३ तह पुच्छणी ४ य पण्णवणी ५ । पच्चक्खाणी भासा ६ भासा इच्छाणुलोमा ७ य ॥१९६|| अणभिग्गहिया भासा ८ भासा य अभिग्गहम्मि बोधव्वा ९। संसयकरणी भासा १० वोयड ११ अव्वोयडा १२ चेव ॥१९७।। [सुत्ताई ८६७-८६९. भासगाभासगपरूवणं] ८६७. जीवाणं भंते ! किं भासगा अभासगा? गोयमा ! जीवा भासगा वि अभासगा वि। सेकेणतुणं भंते! एवं वुच्चतिजीवा भासगा वि अभासगा वि? गोयमा! जीवा दुविहा पण्णत्ता,तं जहा-संसारसमावण्णगाय असंसारसमावण्णगाय।तत्थणं जेते असंसारसमावण्णगा ते णं सिद्धा, सिद्धा णं अभासगा। तत्थ णं जे ते संसारसमावण्णया ते णं दुविहा पण्णत्ता, तं जहा-सेलेसिपडिवण्णगा य असेलेसिपडिवण्णगा य । तत्थ णं जे ते सेलेसिपडिवण्णगा ते णं अभासगा। तत्थ णं जे ते असेलेसिपडिवण्णगा ते दुविहा पण्णत्ता, तं जहा-एगिदिया य अणेगिदिया य । तत्थ णं जे ते एगिदिया ते णं अभासगा। तत्थ णं जे ते अणेगिदिया ते दुविहा पण्णत्ता, तं जहा-पज्जत्तगा य अपज्जत्तया य । तत्थ णं जे ते अपज्जत्तगा ते णं अभासगा। तत्थ णं जे ते पज्जत्तगाते णं भासगा। से एतेणढेणं गोयमा ! एवं वुच्चत्ति जीवा भासगा वि अभासगा वि। ८६८. नेरइया णं भंते ! किं भासगा अभासगा? गोयमा ! नेरइया भासगा वि अभासगा वि। सेकेणतुणं भंते ! एवं वुच्चति नेरझ्या भासगा वि अभासगा वि? गोयमा ! णेरइया दुविहा पण्णत्ता, तं जहा-पज्जत्तगा य अपज्जत्तगा य, तत्थ णं जे ते अपज्जत्तगा ते णं अभासगा, तत्थ णं जे ते पज्जत्तगा ते णं भासगा, से एएणट्टेणं गोयमा ! एवं वुच्चइ णेरइया भासगा वि अभासगा वि । ८६९. एवं एगिदियवज्जाणं णिरंतरं माणियव्वं । [सुत्ताइ ८७०-८७६. सच्चाइभासज्जायपरूवणं] ८७०. कति णं भंते ! भासज्जाता पण्णत्ता ? गोयमा ! चत्तारि भासज्जाता पण्णत्ता । तं जहासच्चमेगं भासज्जातं १ बितियं मोसं २ ततियं सच्चामोसं३ चउत्थं असच्चामोसं ४१८७१. जीवा णं भंते ! किं सच्चं भासं भासंति ? मोसं भासं भासंति ? सच्चामोसं भासं भासंति ? असच्चामोसं भासं भासंति ? गोयमा ! जीवा सच्चं पि भासं भासंति, मोसं पि भासं भासंति, सच्चामोसं पि भासं भासंति, असच्चामोसं पि भासं भासति । ८७२. णेरइया णं भंते ! किं सच्चं भासं भासंति जाव किं असच्चमोसं भासं भासंति ? गोयमा ! णेरइया णं सच्वं पि भासं भासंति जाव असच्चामोसं पि भासं भासंति । ८७३. एवं असुरकुमारा जाव थणियकुमारा। ८७४. बेइंदिय-तेइंदिय-चउरिदिया य णो सच्चं णो मोसं णो सच्चामोसं भासं भासंति, असच्चामोसं भासं
भासंति। ८७५. पंचेदियतिरिक्खजोणियाणं भंते ! किं सच्चं भासं भासंति ? जाव (सु. ८७१) किं असच्चामोसं भासं भासंति ? गोयमा ! पंचेंदियतिरिक्खजोणिया मणो सच्चं भासं भासंति, णो मोसं भासं भासंति, णो सच्चामोसं भासं भासंति, एगं असच्चामोसं भासं भासंति, णऽण्णत्थ सिक्खापुव्वगं उत्तरगुणलद्धिं वा पडुच्च ॥
CO乐乐乐乐乐乐乐乐乐乐听听听听听听听$$$$$ 555555SFFFFFFFFFFFSSSSSSSSN.
听听听听听听听听听$乐乐乐乐乐听听听听听听听听听听听听听听听听听听听听听听听听听听听听听听听听听听2
-En Boatex Dersonale Only T-TrurururuchcurrNEENEFuuuuuuuuurश्री साउन २०१९hrirnering AppL
upurupurupurupuru
www.jainelibrary.
GYOR