Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 166

(१५) पण्णवणा आहारपयं २८ उद्देसक २ दार १३ [१५५]
अाहारा | दारं १ || [सुत्ताई १८७१-७५. २ भवियदारे आहारयाइपरूवणं] १८७१. १ भवसिद्धिए णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ एवं जाव वेमाणिए। १८७२. भवसिद्धिया णं भंते! जीवा किं आहारगा अणाहारगा ? गोयमा ! जीवेगिदियवज्जो तियभंगो। १८७३. अभवसिद्धिए वि एवं चेव । १ णोभवसिद्धिए णोअभवसिद्धिए णं भंते! जीवे किं आहारए अणाहारए ? गोयमा ! णो आहारए, अणाहारए । २ एवं सिद्धे वि । १८७५. १ णोभवसिद्धिया-णोअभवसिद्धिया णं भंते! जीवे किं आहारगा अणाहारगा ? गोयमा ! णो आहारगा, अणाहारगा । २ एवं सिद्धा वि । दारं २ || सुत्ताई १८७६-८२. ३ सण्णिदारे आहारयाइपरूवणं] १८७६. १ सण्णी णं भंते! जीवे किं आहारगे अणाहारगे ? गोयमा ! सिय आहारगे सिय अणाहारगे । २ एवं जाव वेमाणिए । णवरं एगिंदिय-विगलिदिया ण पुच्छिज्नंतिं । १८७७. सण्णी णं भंते! जीवा किं आहारया अणाहारगा ? गोयमा ! जीवाईओ तियभंगो जाव वेमाणिया । १८७८. १ असण्णी णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ एवं णेरइए जाव वाणमंतरे । ३ जोइसिय- वेमाणियाण पुच्छिज्जति । १८७९. असण्णी णं भंते! जीवा किं आहारगा अणाहारगा ? गोयमा ! आहारगा वि अणाहारगा वि, एगो भंगो। १८८०. १ असण्णी णं भंते! णेरइया किं आहारगा अणाहारगा ? . गोयमा ! आहारगा वा १ अणाहारगा वा २ अहवा आहारए य अणाहारए य ३ अहवा आहारए य अणाहारगा य ४ अहवा आहारगा य अणाहारगे य ५ अहवा आहारगा य अणाहारगा य ६, एवं एते छन्भंगा । २ एवं जाव थणियकुमारा । ३ एगिदिएस अभंगयं । ४ बेइंदिय जाव पंचेदियतिक्खिजोणिएसु तियभंगो । ५ मणूस - वाणमंतरेसु छब्भंगा । १८८९. १ णोसण्णी - णोअसण्णी णं भंते! जीवे किं आहारए अणाहारए ? गोयमा ! सिय आहारएं सिय अणाहारए । २ एवं मणूसे वि । ३ सिद्धे अणाहारए । १८८२. १ पुहत्तेणं णोसण्णी णोअसण्णी जीवा आहारगा वि अणाहारगा वि । २ मणूसेसु तियभंगो । ३ सिद्धा अणाहारगा । दारं ३ || [सुत्ताई १८८३-८६. ४ लेस्सादारे आहारयाइपरूवणं ] १८८३. १ सलेसे णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ एवं जाव वेमाणिए । १८८४. सलेसा णं भंते! जीवा किं आहारगा अणाहारगा ? गोयमा ! जीवेगिंदियवज्जो तियभंगो । १८८५. १ एवं कण्हलेसाए विणीसाए वि काउलेसाए वि जीवेगिदियवज्जो तियभंगो । २ तेउलेस्साए पुढवि - आउ-वणप्फइकाइयाणं छब्भंगा । ३ सेसाणं जीवादीओ तियभंगो जेसिं अत्थि तेउलेस्सा । ४ पम्हलेस्साए सुक्कलेस्साए य जीवादीओ तियभंगो । १८८६. अलेस्सा जीवा मणूसा सिद्धा य एगत्तेण वि पुहत्तेण वि णो आहारगा, अणाहारगा | दारं ४ ॥ [ सुत्ताई १८८७-८९. ५ दिट्ठिदारे आहारयाइपरूवणं] १८८७. १ सम्मद्दिट्ठी णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ बेइंदिय - तेइंदिय - चउरिदिया छब्भंगा । ३ सिद्धा अणाहारगा । ४ अवसेसाणं तियभंगो । १८८८. मिच्छद्दिट्ठीसु जीवेगिदियवज्जो तियभंगो । १८८९. १ सम्मामिच्छाद्दिट्ठी णं भंते! किं आहारए अणाहारए ? गोयमा ! आहारए, णो अणाहारए । २ एवं एगिदिय- विगलिदियवज्जं जाव वेमाणिए । ३ एवं पुहत्तेणं वि । दारं ५ ॥ [ सुत्ताई १८९० ९३. जीवाईसु ६ संजयदारे आहारयाइपरूवणं ] १८९०. १ संजए णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ एवं मणूसे वि । ३ पुहत्तेण तियभंगो । १८९१. १ अस्संजए पुच्छा। गोयमा ! सिय आहारए सिय अणाहारए । २ पुहत्तेणं जीवेगिदियवज्जो तियभंगो । १८९२. संजयासंजए जीवे पंचेदियतिरिक्खजोणिए मणूसे य एते एगत्तेण वि पुहत्तेण वि आहारगा, जो अणाहारगा । १८९३. णोसंजए-णोअसंजए-णोसंजयासजए जीवे सिद्धे य एते एगत्तेण वि पुहत्तेण वि णो आहारगा, अणाहारगा । दारं ६ || [ सुत्ताई १८९४-९६. ७ कसायदारे आहारयाइपरूवणं] १८९४. १ सकसाई णं भंते! जीवे किं आहारए अणाहारए ? गोयमा ! सिय आहारए सिय अणाहारए । २ एवं जाव वेमाणिए । १८९५. १ पुहत्तेणं जीवेगिदियवज्जो तियभंगो । २ कोहकसाईसु जीवादिएस एवं चेव । णवरं देवेसु छब्भंगा । ३ माणकसाईसु मायाकसाईसु य देव णेरइएसु छब्भंगा । अवसेसाणं जीवेगिंदियवज्जो तियभंगो । ४ लोभकसाईसु णेरइएसु छब्भंगा। अवसेसेसु जीवेगिदियवज्जो तियभंगो । १८९६. अकसाई जहा णोसण्णी - णोअसण्णी
ॐॐॐॐॐॐॐॐ श्री आगमगुणमंजूषा १०९०
20
Yo