Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 176

Ro95555555555555
(१५) पण्णवणा समुग्घायपयं - ३६
[१६५]
555555555555555foxom
2SC$$$$$$$$$$$$$$$$$
$$$折$$$$$$$
जहण्णेणं एक्को वा दो वा तिण्णि वा, उक्कोसेणं संखेज्जा वा असंखेज्जा वा अणंता वा। २ एवं असुरकुमारत्ते जाव वेनाणियत्ते । २१०२. एगमेगस्स णं भंते ! असुरकुमारस्स णेरइयत्ते केवतिया वयणासमुग्घाया अतीता ? गोयमा ! अणंता । केवतिया पुरेक्खडा? गोयमा ! कस्सइ अत्थि कस्सइ णत्थि। जस्सऽत्थि तस्स सिय संखेज्जा सिय असंखेज्जा सिय असंखेज्जा सिय अणंता । २१०३. १ एगमेगस्स णं भंते ! असुरकुमारस्स असुरकुमारत्ते केवतिया वेदणासमुग्घाया अतीया ? गोयमा ! अणंता । केवतिया पुरेक्खडा? गोयमा ! कस्सइ अत्थि कस्सइणत्थि । जस्सऽत्थि जहण्णेणं एक्को वा दो वा तिण्णि वा, उक्कोसेणं संखिज्जा वा असंखेज्जा वा अणंता वा। २ एवं णागकुमारत्ते वि जाव वेमाणियत्ते । २१०४. १ एवं जहा वेदणासमुग्घाएणं असुरकुमारे णेरइयादिवेमाणियपज्जवसाणेसु भणिए तहा णागकुमारादीया अवसेसेसु सट्ठाण-परट्ठाणेसु भाणियव्वा जाव वेमाणियस्स वेमाणियत्ते। २ एवमेते चउव्वीसं चउव्वीसा दंडगा भवंति । २१०५. एगमेगस्सणं भंते ! णेरइयस्स णेरइयत्ते केवतिया कसायसमुग्घाया अतीया ? गोयमा ! अणंता। केवतिया पुरेक्खडा? गोयमा ! कस्सइ अत्थि कस्सइ णत्थि । जस्सऽत्थि एगुत्तरियाए जाव अणंता। २१०६. एगमेगस्स णं भंते ! नेरझ्यस्स असुरकुमारत्ते केवतिया कसायसमुग्घाया अतीया ? गोयमा ! अणंता। केवतिया पुरेक्खडा ? गोयमा ! कस्सइ अत्थि कस्सइ णत्थि। जस्सऽत्थि सिय संखेज्जा सिय असंखेज्जा सिय अणंता । २१०७. एवं जाव णेरइयस्स थणियकुमारत्ते । पुढविकाइयत्ते एगुत्तरियाए णेयव्वं, एवं जाव मणूसत्ते । वाणमंतरत्ते जहा असुरकुमारत्ते (सु.२१०६) । जोतिसियत्ते अतीया अणंता, पुरेक्खडा कस्सइ अत्थि कस्सइ णत्थि। जस्सऽत्थि सिय असंखेज्जा सिय अणंता । एवं वेमाणियत्ते वि सिय असंखेज्जा सिय अणंता । २१०८. असुरकुमारस्सणेरइयत्ते अतीता अणंता। पुरेक्खडा कस्सइ अस्थि कस्सइ णत्थि। जस्सऽत्थि सिय संखेज्जा सिय असंखेज्जा सिय अणंता। २१०९. असुरकुमारस्स असुरकुमारत्ते अतीया अणंता । पुरेक्खडा एगुत्तरिया। २११०. एवं नागकुमारस्स निरंतरं जाव वेमाणियत्ते जहा णेरइयस्स भणियं (सु.२१०७) तहेव भाणियव्वं । २१११. एवं जाव थणियकुमारस्स वि जाव वेमाणियत्ते। णवरं सव्वेसिं सट्ठाणे एगुत्तरिए परट्ठाणे जहेव असुरकुमारस्स (सु.२१०८-१०) । २११२. पुढविक्काइयस्स णेरइयत्ते जाव थणियकुमारत्ते अतीता अणंता । पुरेक्खडा कस्सइ अत्थि कस्सइ णत्थि। जस्सऽत्थि सिय संखेज्जा सिय असंखेज्ना सिय अणंता । २११३. पुढविक्काइयस्स पुढविक्काइयत्ते जाव मणूसत्ते अतीता अणंता । पुरेक्खडा कस्सइ अत्थि कस्सइ णत्थि । जस्सऽत्थि एगुत्तरिया । वाणमंतरत्ते जहा णेरइयत्ते (सु. २११२) । जोतिसिय-वेमाणियते अतीया अणंता, पुरेक्खडा कस्सइ अत्थि कस्सइ णत्थि, जस्सऽत्थि सिय असंखेज्जा सिय अणंता । २११४. एवं जाव मणूसे विणेयव्वं । २११५. १ वाणमंतर -जोतिसिय - वेमाणिया जहा असुरकुमारे (सु. २१०८-१०) । णवरं सट्ठाणे एगुत्तरियाए भाणियव्वा जाव वेमाणियस्स वेमाणियत्ते। २ एवमेते चउवीसं चउवीसा दंडगा। २११६. १ मारणंतिय समुग्धाओ सट्ठाणे पि परट्ठाणे वि एगुत्तरियाए नेयव्वो जाव वेमाणियस्स वेमाणियत्ते २ एवमंते चउवीसं चउवीसा दंडगा भाणियव्वा । २११७. १ वेउव्वियसमुग्घाओ जहा कसायसमुग्घाओ (सु.२१०५-१५) तहा निरवसेसो २ एत्थ वि चउवीसं चउवीसा दंडगा भाणियव्वा । २११८. १ तेयगसमुग्घाओ जहा मारणंतियसमुग्घाओ (सु.२११६) । णवरं जस्स अत्थि। २ एवं एते वि चउवीसं चउवीसा दंडगा भाणियव्वा । २११९. १ एगमेगस्स णं भंते ! णेरइयस्सणेरइयत्ते केवतिया आहारगसमुग्घाया अतीया ? गोयमा ! णत्थि। केवतिया पुरेक्खडा ? गोयमा ! णत्थि। २ एवं जाव वेमाणियते । णवरं मणूसत्ते अतीया कस्सइ अत्थि कस्सइ णत्थि। जस्सऽत्थि जहण्णेणं एक्को वा दो वा, उक्कोसेणं तिण्णि । केवतिया पुरेक्खडा ? गोयमा ! कस्सइ अत्थि कस्सइ णत्थि । जस्सऽत्थि जहण्णेणं एक्को वा दो वा तिण्णि वा, उक्कोसेणं चत्तारि। ३ एवं सव्वजीवाणं मणूसेसु भाणियव्वं । ४ मणूसस्स मणूसत्ते अतीया कस्सइ अत्थि कस्सइ णत्थि। जस्सऽत्थि जहण्णेणं एक्को वा दो वा तिण्णि वा, उक्कोसेणं चत्तारि । एवं पुरेक्खडा वि। ५ एवमेते वि चउवीसं चउवीसा दंडगा जाव वेमाणियस्स वेमाणियत्ते।
२१२०. १ एगमेगस्सणं भंते ! णेरइयस्सणेरइयत्ते केवतिया केवलिसमुग्घाया अतीया ? गोयमा ! णत्थि । केवतिया पुरेक्खडा ? गोयमा ! णत्थि। २ एवं जाव ) क वेमाणियत्ते। णवरं मणूसत्ते अतीया णत्थि, पुरेक्खडा कस्सइ अत्थि कस्सइणत्थि, जस्सऽत्थि एक्को। ३ मणूसस्स मणूसत्ते अतीया कस्सइ अत्थि कस्सइणत्थि,
जस्सऽत्थि एक्को । एवं पुरेक्खडा वि। ४ एवमेते चउवीसं चउवीसा दंडगा। सुत्ताई २१२१-२४. चउवीसदंडयाणं चउवीसदंडएसु पुहत्तेणं ROY5
5555555555 श्री आगमगुणमंजूषा- ११००5555555555555555
9555听听听听听听听听听听听听听听听听听听听听听听听听纲听听听听听听听听听听听听听听听听听听听纸$
$统$$$$
$$$$$$F$5
恩