Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 156

(१५) पण्णवणा कम्मगडिपर्य २३ उद्देसक २
[१४५]
पलिओवमस्स असंखेज्जभागेणं ऊणगा, उक्कोसेणं अट्ठारस सागरोवमकोडाकोडीओ; अट्ठारस य वाससयाई अबाहा० । २२ सेवट्ठसंघयणणामस्स पुच्छा । गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वासवयाई अबाहा० । २३ एवं जहा संघयणणामाए छ भणिया एवं संठाणा वि छ भाणियव्वा । २४ सुक्किलवण्णनामाए पुच्छा। गोयमा ! जहण्णेणं सागरोवमस्स एवं सत्तभागं पलिओवमस्स असंखिज्जइभागेणं ऊणगं, उक्कोसेणं दस सागरोवमकोडाकोडीओ; दस य वाससयाइं अबाहा० । २५ हालिद्दवण्णणामाए पुच्छा । गोयमा !
NO
6666666
सागरोवमस्स पंच अट्ठावीसतिभागा पलिओवमस्स असंखेज्जइभागेणं ऊणगा, उक्कोसेणं अद्धतेरस सागरोवमकोडाकोडीओ; अद्धतेरस य वाससयाई अबाहा० । २६ लोहियबण्णणामाए णं ० पुच्छा। गोयमा ! जहण्णेणं सागरोवमस्स छ अट्ठावीसतिभागा पलिओवमस्स असंखेज्जइभागेणं ऊणगा, उक्कोसेणं पण्णरस सागरोवमकोडाकोडीओ; पण्णरस य वाससयाई अबाहा० । २७ णीलवण्णणामाए पुच्छा। गोयमा ! जहण्णेणं सागरोवमस्स सत्त अट्ठावीसतिभागा पलिओवमस्स असंखेज्जइभागेणं ऊणया, उक्कोसेणं अद्धट्ठारस सागरोवमकोडाकोडीओ; अट्ठारस य वाससयाई अबाहा० । २८ कालवण्णणामाए जहा सेवट्ठसंघयणस्स (सु.१७०२२२ ) । २९ सुब्भिगंधणामाए पुच्छा । गोयमा ! जहा सुक्किलवण्णणामस्स (सु. १७०२२४ ) । ३० दुब्भिगंधणामाए जहा सेवट्ठसंघयणस्स। ३१ रसाणं महुरादीणं जहा वण्णाणं भणियं (सु. १७०२ २४ २८ ) तहेव परिवाडीए भाणियव्वं । ३२ फासा जे अपसत्था तेसिं जहा सेवट्ठरस, जे पसत्था तेसिं जहा सुक्किलवण्णणामस्स (सु. १७०२२४ ) । ३३ अगुरुलहुणामाए जहा सेवट्ठस्स । ३४ एवं उवघायणामाए वि । ३५ पराघायणामाए वि एवं चेव । ३६ णिरयाणुपुव्विणामाए पुच्छा । गोयमा ! जहण्णेणं सागरोवमसहस्सस्स दो सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाई अबाहा० । ३७ तिरियाणुपुवीए पुच्छा । गोयमा ! जहण्णेणं सागरोवमस्स दो सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाई अबाहा० । ३८ मणुयाणुपुव्विणामाए णं पुच्छा । गोयमा ! जहण्णेणं सागरोवमस्स दिवङ्कं सत्तभागं पलिओवमस्स असंखेज्जइभागेणं ऊणगं, उक्कोसेणं पण्णरस सागरोवमकोडाकोडीओ; पण्णरस य वाससयाई अबाहा० । ३९ देवाणुपुव्विणामाए पुच्छा । गोयमा ! जहण्णेणं सागरोवमसहस्सस्स एवं सत्तभागं पलिओवमस्स असंखेज्जइभागेणं ऊणगं, उक्कोसेणं दस सागरोवमकोडाकोडीओ; दस य वाससयाइं अबाहा० । ४० उस्सासणामाए पुच्छा । गोयमा ! जहा तिरियाणुपुव्वीए । ४१ आयवणामाए वि एवं चेव, उज्जोवणामा वि । ४२ पसत्थविहायगतिणामाए पुच्छा। गोयमा ! जहण्णेणं एवं सागरोवमस्स सत्तभागं, उक्कोसेणं दस सागरोवमकोडाकोडीओ; दस य वाससयाइं अबाहा ं । ४३ अपसत्थविहायगतिणामाए पुच्छा । गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ; वीस य वाससयाइं अबाहा० । ४४ तसणामाए थावरणामाए य एवं चेव । ४५ सुहुमणामाए पुच्छा। गोयमा ! जहण्णेणं सागरोवमस्स णव पणतीसतिभागा पलिओवमस्स असंखेज्जइभागेणं ऊणया, उक्कोसेणं अट्ठारस सागरोवमकोडाकोडीओ; अट्ठारस य वाससयाई अबाहा० | ४६ बादरणामाए जहा अपसत्थविहायगतिणामस्स (सु. १७०२४३) । ४७ एवं पज्जत्तगणामाए वि । अपज्जत्तगणामाए जहा सुहुमणामस्स (सु. १७०२४५ ) । ४८ पत्तेयसरीरणामाए वि दो सत्तभागा। साहारणसरीरणामाए जहा सुहुमस्स । ४९ थिरणामाए एवं सत्तभागं । अथिरणामाए दो । ५० सुभणामाए एगो । असुभामा दो । ५१ सुभगणामाए एगो । दूभगणामाए दो । ५२ सूसरणामाए एगो । दूसरणामाए दो । ५३ आएज्जणामाए एगो । अणाज्जणामाए दो । ५४ जसोकित्तिणामाए जहण्णेणं अट्ठ मुहुत्ता, उक्कोसेणं दस सागरोवमकोडाकोडीओ; दस य वाससयाइं अबाहा० । ५५ अजसोकित्तिणामाए पुच्छा । गोयमा ! जहा अपसत्थविहायगतिणामस्स (सु. १७०२४३ ) । ५६ एवं णिम्माणणामाए वि । ५७ तित्थगरणामाए णं ० पुच्छा। गोयमा ! जहण्णेणं अंतोसागरोवमकोडाकोडीओ,
XOXO श्री आगमगुणमंजूषा - १०८००