Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 107

(१५) १५-२
184)
ॐॐॐॐॐॐॐॐॐॐॐ एसा परिवाडी इमाहिं गाहाहिं अणुगंतव्वा । तं जहा जंबुद्दीवे लवणे धायइ कालोय पुक्खरे वरुणे । खीर घत खोत नंदि य अरुणवरे कुंडले रुपए || २०४ || आभरण-वत्थ-गंधे उप्पल-तिलए य पुढवि- णिहि रयणे । वासहर- दह-नदीओ विजया वक्खार- कप्पिंदा ॥२०५॥ कुरु-मंदर - आवासा कूडा णक्खत्त चंद-सुरा य । देवे णागे जक्खे भूए य सयंभुरमणे || २०६ || एवं जहा बाहिरपुक्खरद्धे भणितं तहा जाव सयंभुरमणे समुद्दे जाव अद्रासमएणं णो फुडे । [सुत्तं १००४. २३ लोगदारं] १००४. लोगे णं भंते! किणो फुडे ? कतिहिं वा काएहिं ? जहा आगासथिग्गले (सु. १००२) । [ सुत्तं १००५. २४ अलोगदारं ] १००५. अलोए णं भंते! किणा फुडे ? कतिहिं वा काएहिं पुच्छा ! गोयमा ! णो धम्मत्थिकाएणं फुडे जाव णो आगासत्थिकाएणं फुडे, आगासत्थिकायस्स देसेणं फुडे आगासत्थिकायस्स पदेसेहिं फुडे, णो पुढविक्काइएणं फुडे जाव णो अद्धासमएणं फुडे, एगे अजीवदव्वदेसे अगुरुलहुए अणंतेहिं अगुरुलहुयगुणेहिं संजुत्ते सव्वायासे अनंतभागूणे । ★★★ ॥ इंदियपयस्स पढमो उद्देसो समत्तो ॥ ★★★बीओ उद्देसो ★★★ [सुत्तं १००६. बीउद्देसस्स अत्थाहिगारा] १००६. इंदियउवचय १ णिव्वत्तणा य २ समया भवे असंखेज्जा ३ । लद्धी ४ उवओगद्धा ५ अप्पाबहुए विसेसहिया ६ || २०७|| ओगाहणा ७ अवाए ८ ईहा ९ तह वंजणोग्गहे चेव १० । दव्विंदिय ११ भाविदिय १२ तीया बद्धा पुरेक्खडिया ॥२०८॥ [सुत्ताई १००७-८ १ इंदिओवचयदारं ] १००७. कतिविहे णं भंते! इंदिओवचए पण्णत्ते ? गोयमा ! पंचविहे इंदिओवचए पण्णत्ते । तं जहा- सोइंदिओवचए चक्खिदिओवचए घाणिदिओवचए जिब्भिदिओवचए फासिंदिओवचए । १००८ १ णेरइयाणं भंते ! कतिविहे इंदिओवचए पण्णत्ते ? गोयमा ! पंचविहे इंदिओवचए पण्णत्ते । तं जहा सोइंदिओवचए जाव फासिदिओवचए । २ एवं जाव वेमाणिया णं । जस्स जइ इंदिया तस्स तइविहो चेव इंदिओवचयो भाणियव्वो । १ ॥ [सुत्तं १००९. २ इंदियनिव्वत्तणादारं] १००९. १ कतिविहा णं भंते! इंदियनिव्वत्तणा पण्णत्ता ? गोयमा ! पंचविहा इंदियनिव्वत्तणा पण्णत्ता । तं जहा सोइंदियनिव्वत्तणा जाव फासिंदियनिव्वत्तणा । २ एवं नेरइयाणं जाव वेमाणियाणं । नवरं जस्स जतिंदिया अत्थि।२।। [सुत्तं १०१०. ३ इंदियनिव्वत्तणासमयदारं] १०१०. १ सोइंदियणिव्वत्तणा णं भंते ! कतिसमइया पन्नत्ता ? गोयमा ! असंखिज्जसमइया अंतोमुहुत्तिया पन्नत्ता । एवं जाव फासिंदियनिव्वत्तणा । २ एवं नेरइयाणं जाव वेमाणियाणं | ३ || [सुत्तं १०११. ४ इंदियलद्विदारं ] १०११. १ कतिविहाणं भंते! इंदिया पण्णत्ता ? गोयमा ! पंचविहा इंदियलब्द्धी पण्णत्ता । तं जहा- सोइंदियलब्द्वी जाव फासिंदियलद्धी । २ एवं णेरइयाणं जाव वेमाणियाणं । नवरं जस्स जति इंदिया अत्थि तस्स तावतिया लद्धि भाणियव्वा ॥ ४॥ [ सुत्तं १०१२. ५ इंदियउवओगद्धादारं ] १०१२. १ कतिविहाणं भंते! इइंदियउवओगद्धा पण्णत्ता ? गोयमा ! पंचविहा इंदियउवओगद्धा पण्णत्ता । तं जहा सोइंदियउवओगद्धा जाव फासिदियउवओगद्धा । २ एवं णेरइयाणं जाव वेमाणियाणं । णवरं जस्स जति इंदिया अस्थि |५|| [सुत्तं १०१३. ६ इंदियउवओगप्पाबहुयदारं ] १०१३. एतेसि णं भंते ! सोइंदिय-चक्खिदिय- घाणिदिय-जिब्भिदिय- फासिंदियाणं जहण्णियाए उवओगद्धा उक्कोसियाए उवओगद्धाए जहण्णुक्कोसियाए उवओगदाए कतरे कतरेहिंतो अप्पा वा ४ ? गोयमा ! सव्वत्थोवा चक्खिदियस्स जहण्णिया उवओगद्धा, सोइंदियस्स जहणिया उवओगद्धा विसेसाहिया, घाणिदियस्स जहण्णिया उवओगद्धा विसेसाहिया, जिब्भिंदियस्स जहण्णिया उवओगद्ध विसेसाहिया, फार्सेदियस्स जहण्णिया उवओगद्धा विसेसाहिया । उक्कोसियाए उवओगदाए सव्वत्थोवा चक्खिदियस्स उक्कोसिया उवओगद्धा, सोइंदियस्स उक्कोसिया उवओगद्धा विसेसाहिया, घाणिदियस्स उक्कोसिया उवओगद्धा विसेसाहिया, जिब्भिंदियस्स उक्कोसिया उवओगद्धा विसेसाहिया, फासेंदियस्स उक्कोसिया उवओगद्धा विसेसाहिया । जणुक्कोसियाए उवओगद्धाए सव्वत्थोवा चक्खिदियस्स जहण्णिया उवओगद्धा, सोइंदियस्स जहण्णिया उवओगद्धा विसेसाहिया, घाणिदियस्स जहणिया उवओगद्धा विसेसाहिया, जिब्भिंदियस्स जहण्णिया उवओगद्धा विसेसाहिया, फासेंदियस्स जहण्णिया उवओगद्धा विसेसाहिया, फार्सेदियस्स जहण्णियाहिंतो उवओगद्धाहिंतो चक्खिदियस्स उक्कोसिया उवओग्धा विसेसाहिया, सोइंदियस्स उक्कोसिया उवओगद्धा विसेसाहिया, घाणिदियस्स उक्कोसिया उवगद्धा DOO श्री आगमगुणमंजूषा १०३१
-