Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 130

K
(१५) पण्णवणा काय िपयं १८
[११९]
गोयमा ! जहण्णेणं अंतोमुहुत्तं, उक्कोसेणं दो सागरोवमसहस्साई संखेज्जवास अब्भइयाई । १२९०. अकाइए णं भंते ! ० पुच्छा । गोयमा ! अकाइए सा अपज्जवसिए । १२९१. सकाइयअपज्जत्तए णं ० पुच्छा । गोयमा ! जहण्णेणं वि उक्कोसेण वि अंतोमुहुत्तं । १२९२. एवं जाव तसकासयअपज्जत्तए । १२९३. सकाइयपज्जत्तणं ० पुच्छा। गोयमा ! जहण्णेणं अंतोमुहुत्तं, उक्कोसेणं सागरोवमसयपुहत्तं सातिरेगं । १२९४. पुढविक्वाइयपज्जत्तए णं ० पुच्छा। गोयमा ! जहणणेणं अंतोमुहुत्तं, उक्कोसेणं संखेज्जाई वाससहस्साई । १२९५. एवं आऊ वि । १२९६. तेउक्काइयपज्जत्तए णं ० पुच्छा। गोयमा ! जहण्णेणं अंतोमुहुत्तं, उक्कोसेणं संखेज्जाई राइंदियाई। १२९७. वाउक्काइयपज्जत्तए णं ० पुच्छा । गोयमा ! जहण्णेणं अंतोमुहुत्तं, उक्कोसेणं संखेज्जाइं वाससहस्साइं । १२९८. वणप्फइकाइयपज्जत्तए णं ० पुच्छा । गोयमा ! जहणणेणं अंतोमुहुत्तं, उक्कोसेणं संखेज्जाई वाससहस्साइं । १२९९. तसकाइयपज्जत्तए णं ० पुच्छा। गोयमा ! जहण्णेणं अंतोमुहुत्तं, उक्कोसेणं सागरोवमसयपुहत्तं सातिरेगं । १३००. सुहुमे णं भंते! सुहुमे त्ति कालओ केवचिरं होति ? गोयमा ! जहण्णेणं अंतोमुहुत्तं, उक्कोसेणं असंखेज्जं कालं असंखेनाओ उस्सप्पितण-ओसप्पिणीओ कालओ, खेत्तओ असंखेज्जा लोगा । १३०१. सुहुमपुढविक्काइए सुहुम आउक्काइए सुहुमतेउक्काइए सुहुमवाउक्काइए सुहुमवणप्फइकाइए सुहुमणिगोदे वि जहण्णेणं अंतोमुहुत्तं, उक्कोसेणं असंखेज्जं कालं, असंखेज्जाओ उस्सप्पिणि-ओसप्पिणीओ कालओ, खेत्तओ असंखेज्जा लोगा । १३०२. सुहुमे णं भंते ! अपज्जत्तए त्ति ० पुच्छा । गोयमा ! जहण्णेणं अंतोमुहुत्तं, उक्कोसेण वि अंतोमुहुत्तं । १३०३. पुढविक्वाइय- आउक्काइय- तेउक्काइय-वाउक्काइय- वणस्सइकाइयाण य एवं चेव । १३०४. पज्जत्तयाण वि एवं चेव । १३०५. बादरे णं भंते ! बादरे त्ति कालतो केवचिरं होइ ? गोयमा ! जहण्णेणं अंतोमुहुत्तं, उक्कोसेणं असंखेज्जं कालं, असंखेज्जाओ उसप्पिणि-ओसप्पिणीओ कालतो, खेत्तओ अंगुलस्स असंखेज्जतिभागं । १३०६. बादरपुढविक्काइए णं भंते ! २ पुच्छा । गोयमा ! जहणणेणं अंतोमुहुत्तं, उक्कोसेणं सत्तरिसागरोवमकोडाकोडीओ । १३०७. एवं बादर आउक्काइए वि जाव बादरवाउक्काइए वि । १३०८. बादरवणस्सइकाइए णं भंते ! २ पुच्छा । गोमा ! जहणणं अंतोमुहुत्तं, उक्कोसेणं असंखेज्जं कालं जाव खेत्तओ अंगुलस्स असंखेज्जतिभागं । १३०९. पत्तेयसरीरबादरवणप्फइकाइए णं भंते! ० पुच्छा । गोयमा ! जहण्णेणं अंतोमुहुत्तं, उक्कोसेणं सत्तरिसागरोवमकोडाकोडीओ । १३१०. णिगोए णं भंते ! णिगोए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं अनंतं कालं, अणंताओ उस्सप्पिणि ओसप्पिणीओ कालओ, खेत्तओ अड्डाइज्जा पोग्गलपरियट्टा । १३११. बादरनिगोदे णं भंते ! बादर ० पुच्छा । गोयमा ! जहण्णेणं अंतोमुहुत्तं, उक्कोसेणं सत्तरिसागरोवमकोडाकोडीओ । १३१२. बादरतसकाइए णं भंते ! बादरतसकाइए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं दो सागरोवमसहस्साइं संखेज्जवास अब्भइयाइं । १३१३. एतेसिं चेव अपज्जत्तगा सव्वे वि जहण्णेण वि उक्कोसेण वि अंतोमुहुत्तं । १३१४. बादरपज्जत्तए णं भंते ! बादरपज्जत्त० पुच्छा । गोयमा ! जहण्णेणं अंतोमुहुत्तं, उक्कोसेणं सागरोवमसतपुहुत्तं सातिरेगं । १३१५. बादरपुढविक्काइयपज्जत्तए णं भंते ! बादर० पुच्छा । गोयमा ! जहण्णेणं अंतोमुहुत्तं, उक्कोसेणं संखेज्जाई वाससहस्साइं । १३१६. एवं आउक्काइए वि । १३१७. उक्काइयपज्जत्तए णं भंते ! तेउक्काइयपज्जत्तए० पुच्छा। गोयमा ! जहण्णेणं अंतोमुहुत्तं, उक्कोसेणं संखेज्जाई राइंदियाई । १३१८. वाउक्काइए वणप्फइकाइए पत्तेयसरीरबायरवणप्फइकाइए य पुच्छा । गोयमा ! जहण्णेणं अंतोमुहुत्तं, उक्कोसेणं संखेज्जाई वाससहस्साइं । १३१९. णिगोयपज्जत्तए बादरणिगोयपज्जत्त य पुच्छा । गोयमा ! दोणि वि जहणणेणं वि अंतोमुहुत्तं, उक्कोसेणंण वि अंतोमुहुत्तं । १३२०. बादरतसकाइयपज्जत्तए णं भंते ! बादरतसकाइयपज्जत्तए त्ति कालओ केवचिरं होइ ? गोयमा ! जहण्णेणं अंतोमुहुत्तं, उक्कोसेणं सागरोवमसतपुहुत्तं सातिरेगं । दारं ४ ॥ [सुत्ताई १३२१-२५. पंचमं जोगदार ] १३२१. सजोगी णं भंते ! सजोगि त्ति कालओ केवचिरं होइ ? गोयमा ! सजोगी दुविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ । १३२२. मणजोगी णं भंते ! मणजोगि त्ति कालओ केवचिरं होइ ? गोयमा ! जहण्णेणं एक्वं समयं, उक्कोसेणं अंतोमुहुत्तं । १३२३. एवं वयजोगी वि । १३२४. कायजोगी णं भंते ! २ ? गोयमा ! जहण्णेणं अंतोमुहुत्तं, उक्कोसेणं वणप्फइकालो । १३२५. अजोगी णं भंते! अजोगीति कालतो केवचिरं होइ ? गोयमा ! सादीए अपज्जवसिए । दारं ५ ॥ MOON श्री आगमगुणमंजूषा - १०५४
6666666666CTO