Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 145

K266666
(१५) पण्णवणा ओगाहणसंठाणपयं २१
[१३३)
१४७७-८१) तहा तेयगस्स वि जाव चउरिदियाणं । १५३९. १ पंचेंदियतेयगसरीरे णं भंते! कतिविहे पण्णत्ते ? गोयमा ! चउव्विहे पण्णत्ते । तं जहा- णेरइयतेयगसरीरे जाव देवतेयगसरीरे। २ णेरइयाणं दुगतो भेदो भाणियव्वो जहा वेउव्वियसरीरे (सु. १५१७) । ३ पंचेदियतिरिक्खजोणियाणं मणूसाण य जहा ओरालियसरीरे भेदो भणितो (सु. १४८२-८७) तहा भाणियव्वो । ४ देवाणं जहा वेउव्वियसरीरे भेओ भणितो (सु. १५२०) तहा भाणियव्वो जाव सव्वट्टसिद्धदेवे त्ति । [सुत्ताई १५४०-४४. तेयगसरीरे संठाणदारं] १५४०. तेयगसरीरे णं भंते! किंसंठिए पण्णत्ते ? गोयमा ! णाणासंठाणसंठिए पण्णत्ते । १५४१. एगिदियतेयगसरीरे णं भंते ! किंसंठिए पण्णत्ते ? गोयमा ! णाणासंठाणसंठिए पण्णत्ते । १५४२. पुढविक्वाइयएगिदियतेयगसरीरे णं भंते! किंसंठिए पण्णत्ते ? गोयमा ! मसूरचंदसंठाणसंठिए पण्णत्ते । १५४३. एवं ओरालियसंठाणाणुसारेणं भाणियव्वं (सु. १४९०-९६) जाव चउरिदियाणं ति । १५४४. १ णेरइयाणं भंते ! तेयगसरीरे किंसंठिए पण्णत्ते ? गोयमा ! जहा वेउव्वियसरीरे (सु. १५२३) । २ पंचेदियतिरिक्खजोणियाणं मणूसाण य जहा एतेसिं चेव ओरालिय त्ति (सु. १५२४-२५) । ३ देवाणं भंते ! तेयगसरीरे किंसंठिए पण्णत्ते ? गोयमा ! जहा वेउव्वियस्स (सु. १५२६) जाव अणुत्तरोववाइय ति । [ सुत्ताई १५४५-५१. तेयगसरीरे पमाणदारं] १५४५. जीवसणं भंतें ! मारणंतियसमुग्धाएणं समोहयस्स तेयासरीरस्स के महालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ- बाहल्लेणं, आयामेणं जहण्णेणं अंगुलस्स असंखेज्जइभागे, उक्कोसेणं लोगंताओ लोगंतो । १५४६. एगिंदियस्स णं भंते! मारणंतियसमुग्धाएणं समोइयस्स तेयासरीरस्स केमहालिया सरीराग्गहणा पन्नत्ता ? गोयमा ! एवं चेव, जाव पुढवि आउ-तेउ वाउ- वणप्फइकाइयस्स । १५४७. १ बेइंदियस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ- बाहल्लेणं; आयामेणं जहण्णेणं अंगुलस्स असंखेज्जइभागं, उक्कोसेणं तिरियलोगाओ लोगंतो । २ एवं जाव चउरिदियस्स । १५४८. णेरइयस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरगाहणा पण्णत्ता ? गोयमा ! सरीरपमाणमेत्ता विक्खंभबाहल्लेणं; आयामेणं जहण्णेणं सातिरेगं जोयणसहस्सं, उक्कोसेणं अहे जाव अहेसत्तमा पुढवी, तिरियं जाव सयंभुरमणे समुद्दे, उद्धुं जाव पंडगवणे पुक्खरिणीओ । १५४९. पंचेंदियतिरिक्खजोणियस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! जहा बेइंदियसरीरस्स (सु. १५४७१) । १५५०. मणूसस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! समयखेत्ताओ लोगंतो । १५५१. १ असुरकुमारस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ- बाहल्लेणं; आयामेणं जहण्णेणं अंगुलस्स असंखेज्जइभागं, उक्कोसेणं अहे जाव तच्चाए पुढवीए हेट्ठिल्ले चरिमंते, तिरियं जाव सयंभुरमणसमुद्दस्स बाहिरिल्ले वेइयंते, उड्डुं जाव इसीपब्भारा पुढवी । २ एवं जाव थणियकुमारतेयगसरीरस्स । ३ वाणमंतर - जोइसिया सोहम्मीसाणगा य एवं चेव । ४ सणंकुमारदेवस्स णं भंते! मारणंतियसमुग्घाएणं समोहयस्स तेयासरीरस्स केमहालिया सरीरगाहणा पण्णत्ता ? गोयमा ! सरीरपमाणमेत्ता विक्खंभ-बाहल्लेणं; आयामेणं जहणणेणं अंगुलस्स असंखेज्जइभागं, उक्कोसेणं अहे जाव महापातालाणं दोच्चे तिभागे, तिरियं जाव सयंभुरमणसमुद्दे, उलं जाव अच्चुओ कप्पो । ५ एवं जाव सहस्सारदेवस्स । ६ आणयदेवस्स णं भंते! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभबाहल्लेणं; आयामेणं जहण्णेणं अंगुलस्स असंखेज्जइभागं, उक्कोसेणं अहे जाव अहेलोइयगामा, तिरियं जाव मणूसखेत्ते, उद्धुं जाव अच्चुओ कप्पो । ७ एवं जाव आरणदेवस्स । ८ अच्चुयदेवस्स वि एवं चेव । णवरं उड्डुं जाव सगाई विमाणाई । ९ गेवेज्जगदेवस्स णं भंते ! मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पण्णत्ता ? गोयमा ! सरीरपमाणमेत्ता विक्खंभ- बाहल्लेणं; आयामेणं जहण्णेणं विज्जाहरसेढीओ, उक्कोसेणं जाव अहेलोइयगामा, तिरियं जाव मणूसखेत्ते, उडं जाव सगाई विमाणाई । १० अणुत्तरोववाइयस्स वि एवं चेव । [ सुत्तं १५५२, कम्मगसरीरे विहि- संठाण
* 5 5 5 1585
श्री आगमगुणमंजूषा - १०६८