Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 133

NORO
(१५) पण्णवणा सम्मत्तपये १९ / अंतकिरियापयं २०
[१२२]
पण्णत्ते । तं जहा कायपरित्ते य १ संसारपरित्ते य २ । १३७७. कायपरित्ते णं ० पुच्छा । गोयमा ! जहण्णेणं अंतोमुहुत्तं, उक्कोसेणं पुढविकालो असंखेज्जाओ उस्सप्पिणि - ओसप्पिणीओ। १३७८. संसारपरित्ते गं० पुच्छा। गोयमा ! जहणणेणं अंतोमुहुत्तं, उक्कोसेणं अनंतं कालं जाव अवÚ पोग्गलपरियहं देसूणं । १३७९. अपरित्ते णं० पुच्छा। गोयमा ! अपरित्ते दुविहे पण्णत्ते । तं जहा कायअपरित्ते य १ संसारअपरित्ते य २ । १३८०. काय अपरित्ते णं० पुच्छा। गोयमा ! जहणेणं अंतोमुहुत्तं, उक्कोसेणं वणप्फइकालो । १३८१. संसारअपरित्ते णं० पुच्छा। गोयमा ! संसारअपरित्ते दुविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ । १३८२. णोपरित्ते णोअपरित्ते णं० पुच्छा। गोयमा ! सादीए अपज्जवसिए । दारं १६ ॥ [सुत्ताई १३८३-८५. सत्तरसमं पज्जत्तदारं] १३८३. पज्जत o पुच्छा। गोयमा ! जहण्णेण अंतोमुहुत्तं, उक्कोसेण सागरोवमसयपुहत्तं सातिरेगं । १३८४. अपज्जत्तए णं० पुच्छा। गोयमा ! जहण्णेणं वि उक्कोसेणं वि अंतोमुहुत्तं । १३८५. णोपज्जत्तए - णोअपज्जत्तए णं० पुच्छा । गोयमा ! सादीए अपज्जवसिए । दारं १७ ॥ [सुत्ताई १३८६-८८. अट्ठारसमं सुहुमदारं] १३८६. सुहुमे णं भंते! सुहुत्ति० पुच्छा । गोयमा ! जहण्णेणं अंतोमुहुत्तं, उक्कोसेणं पुढविकालो । १३८७. बादरे णं० पुच्छा। गोयमा ! जहण्णेणं अंतोमुहुत्तं, उक्कोसेणं असंखेज्जं कालं जाव (सु.१३६५) खेत्तओ अंगुलस्स असंखेज्जइभागं । १३८८. णोसुहुमणाबादरे णं भंते !० पुच्छा । गोयमा ! सादीए अपज्जवसिए । दारं १८ ॥ [ सुत्ताई १३८९-९१. एगूणवीसइमं सण्णिदारं] १३९८. सण्णी णं भंते !० पुच्छा । गोयमा ! जहण्णेणं अंतोमुहुत्तं, उक्कोसेणं सागरोवमसतपुहुत्तं सातिरेगं । १३९०. असण्णी णं भंते !० पुच्छा । गोयमा ! जहण्णेणं अंतोमुहुत्तं, उक्कोसेणं वणप्फइकालो । १३९१. णोसण्णीणोअसण्णी णं० पुच्छा । गोयमा ! सादीए अपज्जवसिए । दारं १९ ॥ [ सुत्ताई १३९२ ९४. वीसइमं भवसिद्धियदार ] १३९२. भवसिद्धिए णं भंते !० पुच्छा । गोयमा ! अणादीए सपज्जवसिए । १३९३. अभवसिद्धिए णं भंते ! पुच्छा। गोयमा ! अणादीए अपज्जवसिए । १३९४. णोभवसिद्धियणो अभवसिद्धिए णं० पुच्छा । गोयमा ! सादीए अपज्जवसिए । दारं २० ॥ [सुत्ताइं १३९५-९६. एगवीसइमं अत्थिकायदारं ] १३९५. धम्मत्थिकाए णं० पुच्छा । गोयमा ! सव्वद्धं । १३९६. एवं जाव अद्धासमए । दारं २१ ॥ [सुत्ताई १३९७-९८. बावीसइमं चरिमदारं ] १३९७. चरिमे णं० पुच्छा। गोयमा ! अणादीए सपज्जवसिए । १३९८. अचरिमे णं० पुच्छा । गोयमा! अचरिमे दुवि पण्णत्ते । तं जहा अणादीए वा अपज्जवसिए १ सादीए वा अपज्जवसिए २ | दारं २२ ॥ ★★★ ॥ पण्णवणाए भगवतीए अट्ठारसमं कायद्विपयं समत्तं ॥ ★★★ १९. एगूणवीसइमं सम्मत्तपयं ★★★ [सुत्तं १३९९. जीवेसु सम्मत्तपरूवणं] १३९९. जीवा णं भंते! किं सम्मद्दिट्ठी मिच्छद्द्द्दिट्ठी सम्मामिच्छद्द्द्दिट्ठी ? गोयमा ! जीवा सम्मद्दिट्ठी वि मिच्छद्दिट्ठी वि सम्मामिच्छद्दिट्ठी वि । [सुत्ताई १४००-५. चउवीसदंडएसु सम्मत्तपरूवणं] १४००. एवं णेरइया वि । १४०१. असुरकुमारा वि एवं चेव जाव थणियकुमारा । १४०२. पुढविक्काइयाणं पुच्छा । गोयमा ! पुढविक्काइया णो सम्मद्दिट्ठी, मिच्छद्दिट्टी, णो सम्मामिच्छद्दिट्ठी | एवं जाव वणप्फइकाइया | १४०३. बेइंदियाणं पुच्छा । गोयमा ! बेइंदिया सम्मद्दिट्ठी वि मिच्छद्दिट्ठी वि, णो सम्मामिच्छद्दिट्ठी । एवं जाव चउरेंदिया । १४०४. पंचेदियतिरिक्खजोणिय मणुस्सा वाणमंतर जोतिसिय-वेमाणिया य सम्मद्दिट्ठी वि मिच्छद्दिट्ठी वि सम्मामिच्छद्दिट्ठी वि । १४०५. सिद्धाणं पुच्छा । गोयमा ! सिद्धा णं सम्मद्दिट्ठी, णो मिच्छद्दिट्ठी णो सम्मामिच्छद्दिट्ठी । ★★★ ॥ पण्णवणाए भगवतीए एगूणवीसइमं सम्मत्तपयं समत्तं ॥ ★★★ २०. वीसइमं अंतकिरियापयं ★★★ [सुत्तं १४०६. वीसइमपयस्स अत्थाहिगारा] १४०६. णेरइय अंतकिरिया १ अनंतरं एगसमय ३ उब्वट्टा ४ | तित्थगर ५ चक्कि ६ बल ७ वासुदेव ८ मंडलिय ९ रयणा य १० | २१३ || दारगाहा || [सुत्ताइं १४०७ ९. पढमं अंतकिरियादारं ] १४०७ १ जीवे णं भंते! अंतकिरियं करेज्जा ? गोयमा ! अत्थे इए करेजा, अत्थेगइए णो करेज्जा । २ एवं णेरइए जाव वेमाणिए । १४०८. १ णेरइए णं भंते! णेरइएस अंतकिरियं करेज्जा ? गोयमा ! णो इणट्ठे समट्ठे । २ णेरइए णं भंते ! असुरकुमारेसु अंतकिरियं करेज्जा ? गोयमा ! णो इणट्ठे समट्ठे । ३ एवं जाव वेमाणिएसु । णवरं मणूसेसु अंतकिरियं करेज्न त्ति पुच्छा । गोयमा ! श्री आगमगुणमंजूषा
ॐ
NON
66666666666666