Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 132

YOO
(१५) पण्णवणा कार्यट्टिइ पयं १८
१३४९. ओहिणाणी वि एवं चेव । णवरं जहणणेणं एक्कं समयं । १३५०. मणपज्जवणाणी णं भंते! मणपज्जवणाणीति कालओ केवचिरं होइ ? गोयमा ! जहणणेणं समयं, उक्कोसेणं देसूणं पुव्वकोडिं । १३५१. केवलणाणी णं० पुच्छा । गोयमा ! सादीए अपज्जवसिए । १३५२. अण्णाणी - मइअण्णाणी सुयअण्णाणी गं० पुच्छा | गोमा ! अण्णाणी मतिअण्णाणी सुयअण्णाणी तिविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ सादीए वा सपज्जवसिए ३ । तत्थ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि-ओसप्पिणीओ कालओ, खेत्तओ अवलं पोग्गलपरियट्टं देसूणं । १३५३. विभंगणाणी णं भंते ० पुच्छा । गोयमा ! जहण्णेणं एक्वं समयं, उक्कोसेणं तेत्तीसं सागरोवमाइं देसूणाए पुव्वकोडीए अब्भइयाई || दारं १० || [सुत्ताई १३५४-५७. एक्कारसमं दंसणदारं] १३५४. चक्खुदंसणी णं भंते! ० पुच्छा। गोयमा ! जहण्णेणं अंतोमुहुत्तं, उक्कोसेणं सागरोवमसहस्सं सातिरेगं । १३५५. अचक्खुदंसणी णं भंते ! अचक्खुदंसणीति कालओ केवचिरं होइ ? गोयमा! अचक्खुदंसणी दुविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ । १३५६. ओहिदंसणी णं ० पुच्छा । गोयमा ! जहण्णेणं एक्कं समयं, उक्कोसेणं दो छावट्ठीओ सागरोवमाणं सातिरेगाओ। १३५७. केवलदंसणीनं० पुच्छा । गोयमा ! सादीए अपज्जवसिए । दारं ११ ॥ [ सुत्ताई १३५८-६१. बारसमं संजयदार ] १३५८. संजए णं भंते! संजते त्ति० पुच्छा । गोयमा ! जहण्णेणं एक्कं समयं, उक्कोसेणं देसूणं पुव्वकोडिं । १३५९. असंजए णं भंते! असंजए त्ति० पुच्छा । गोयमा ! असंजए तिविहे पण्णत्ते । तं जहा अणादीए वा अपज्जवसिए १ अणादीए वा सपज्जवसिए २ सादीए वा सपज्जवसिए ३ । तत्थ णं जे से सादीए सपज्जवसिए से जहण्णेणं अंतोमुहुत्तं, उक्कोसेणं अणंतं कालं, अणंताओ उस्सप्पिणि ओसप्पिणीओ कालतो, खेत्ततो अवड्डुं पोग्गलपरियट्टं देसूणं । १३६०. संजयासंजए जहण्णेणं अंतोमुहुत्तं, उक्कोसेणं देसूणं पुव्वकोडिं । १३६१. णासंजए णो असंजए णोसंजयासंजए णं० पुच्छा । गोयमा ! सादीए अपज्जवसिए दारं १२ ॥ [ सुत्ताई १३६२-६३. तेरसमं उवओगदारं] १३६२. सागारोवउत्ते णं भंते ! ० पुच्छा । गोयमा ! जहण्णेण वि उक्कोसेण वि अंतोमुहुत्तं । १३६३. अणागारोवउत्ते वि एवं चेव । दारं १३ || [सुत्ताई १३६४-७३. चोद्दसमं आहारदारं] १३६४. आहारए णं भंते ! ० पुच्छा। गोयमा ! आहारए दुविहे पण्णत्ते । तं जहा छउमत्थआहारए य केवलिआहारए य । १३६५. छउमत्थआहारए णं भंते ! छउमत्थआहारए ति कालओ केवचिरं होइ ? गोयमा ! जहण्णेणं खुड्डागभवग्गहणं दुसमऊणं, उक्कोसेणं असंखेज्जं कालं, असंखेज्जाओ उवसप्पिणीओस कालतों, खेत्ततो अंगुलस्स असंखेज्जइभागं । १३६६. केवलिआहारए णं भंते! केवलिआहारए त्ति कालतो केवचिरं होइ ? गोयमा ! जहण्णेणं अंतोमुहुत्तं, उक्कोसेणं देणं पुव्वकोडिं । १३६७. अणाहारए णं भंते! अणाहारए त्ति० पुच्छा। गोयमा ! अणाहारए दुविहे पण्णत्ते । तं जहा छउमत्थअणाहारए य १ केवलिअणाहारए य २ । १३६८. छउमत्थअणाहारए णं भंते !० पुच्छा । गोयमा ! जहण्णेणं एक्कं समयं, उक्कोसेणं दो समया । १३६९. केवलिअणाहारए णं भंते ! केवलिअणाहारए त्ति कालओ केवचिरं होइ ? गोयमा ! केवलिअणाहारए दुविहे पण्णत्ते । तं जहा सिद्धके वलिअणाहारए य १ भवत्थके वलिअणाहारए य २ । १३७०. सिद्धकेवलिअणाहारए णं० पुच्छा। गोयमा ! सादीए अपज्जवसिए । १३७१. भवत्थकेवलिअणाहारए णं भंते !० पुच्छा । गोयमा ! भवत्थकेवलिअणाहारए दुविहे पण्णत्ते । तं जहा जोगिभवत्थकेवलिअणाहारए य १ अजोगिभवत्थकेवलिअणाहारए य २ । १३७२. सजोगिभवत्थकेवलिअणाहारए णं भंते !० पुच्छा । गोयमा ! अजहण्णमणुक्कोसेणं तिण्णि समया । १३७३. अजोगिभवत्थकेवलि अणाहारए णं० पुच्छा । गोयमा ! जहण्णेण वि उक्कोसेण वि अंतोमुहुत्तं । दारं १४ ॥ [सुताई १३७४-७५. पेणरसमं भासगदारं] १३७४. भासए णं० पुच्छा। गोयमा ! जहण्णेणं एक्वं समयं, उक्कोसेणं अंतोमुहुत्तं । १३७५. अभासए णं० पुच्छा । गोयमा ! 'अभासए तिविहे पण्णत्ते । तं जहा अणाईए वा अपज्जवसिए १ अणाईए वा सपज्जवसिए २ सादीए वा सपज्जवसिए ३ । तत्थ णं जे से सरदीए सपज्जवसिए से जहण्णेणं अंतोमुहुत्तं, उक्कोसेणं वणप्फइकालो || दारं १५ । [सुत्ताई १३७६-८२. सोलसमं परित्तदारं] १३७६. परित्ते णं भंते ! पुच्छा । गोयमा ! परित्ते दुविहे
ॐ श्री आगमगुणमंजूषा - १०५६
[१२१]
NU 5 4 4 4 4 4455555555
एवं