Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 106

听听听听听乐乐乐乐乐乐乐乐乐乐明明明明明明明明乐乐乐乐乐明明明明明明明明明明明明明853
तुच्छत्तं वा गरुयत्तं वा लहुयत्तं वा जाणइ पासति, सुहुमा णं ते पोग्गला पण्णत्ता समणाउसो!, सव्वलोगं पि य णं ते ओगाहित्ता चिट्ठति। [सुत्ताइ ९९५.-९९८. चउवीसदंडएसु ११ आहारदार ९९५. १ णेरइया णं भंते ! ते णिज्जरापोग्गले किं जाणंति पासंति आहारेति ? उदाहु ण याणंति ण पासंति ण आहारेति ? गोयमा ! णेरइया णं ते णिज्जरापोग्गले ण जाणंति ण पासंति, आहारेति । २ एवं जाव पंचेदियतिरिक्खजोणिया । ९९६. मणूसा णं भंते ! ते णिज्जरापोग्गले किं जाणंति पासंति आहारेति ? उदाहु ण जाणंति ण पासंति ण आहारेति ? गोयमा ! अत्थेगइया जाणंति पासंति आहारेति, अत्थेगइया ण जाणंति पासंति आहारेति । से केणटेणं भंते ! एवं वुच्चति अत्थेगइया जाणंति पासंति आहारेति अत्थेगइया ण याणंति ण पासंति आहारेति ? गोयमा ! मणूसा दुविहा पण्णत्ता । तं जहा- सण्णिभूया य असण्णिभूया य। तत्थ णं जे ते असण्णिभूया ते णं ण जाणंति ण पासंति आहारेति । तत्थ णं जे ते सण्णिभूया ते दुविहा पण्णत्ता। तं जहा- उवउत्ता य अणुवउत्ता य। तत्थ णं जे ते अणुवउत्ता ते णं ण याणंति ण पासंति आहारेति, तत्थ णं जे ते उवउत्ता ते णं जाणेति पासेति आहारेति, से एएणद्वेणं गोयमा ! एवं वुच्चति अत्थेगइया ॥ ण याणंति ण पासंति आहारेति अत्थेगइया जाणंति पासंति आहारेति । ९९७. वाणमंतर -जोइसिया जहा णेरड्या(सु. ९९५१) । ९९८. माणिया णं भंते ! ते णिज्जरापोग्गले किं जाणंति पासंति आहारेति ? गोयमा ! जहा मणूसा(सु. ९९६) । णवरं वेमाणिया दुविहा [ग्रन्थाग्रम् ४५०० ] पण्णत्ता । तं जहा 'माइमिच्छदिट्ठिउववण्णगा य अमाइसम्मद्दिट्ठिउववण्णगा य । तत्थ णं जे ते माइमिच्छदिउववन्नगा ते णं न याणंति न पासंति आहारिति । तत्थ णं जे ते अमाइसम्मद्दिट्ठिउववन्नगा ते दुविहा पन्नत्ता, तं जहा-अणंतरोववन्नगा य परंपरोववन्नगा य । तत्थ णं जे ते अणंतरोववण्णगा ते दुविहा पण्णत्ता, तं जहा- पज्जत्तगा य अपज्जत्तगा य । तत्थ णं जे ते अपज्जत्तगा ते णं ण याणंति ण पासंति आहारेति । तत्थ णं जे ते पज्जत्तगा ते दुविहा पण्णता, तं जहा- उवउत्ता य अणुवउत्ता य । तत्थ णं जे ते अणुवउत्ता णं ण याणंति ण पासंति आहारेंति, तत्थ णं जे ते उवउत्ता ते णं जाणंति पासंति आहारेति । सेएणद्वेणं गोयमा ! एवं वुच्चति अत्थेगइया ण जाणंति जाव अत्थेगइया० आहारेति । [सुत्तं ९९९.१२.१८ अद्दायाइदारसत्तगं] ९९९. १ अदाए णं भंते ! पेहमाणे मणूसे किं अदायं पेहेति ? अत्ताणं पेहेति ? पलिभागं पेहेति ? गोयमा ! नो अद्दायं पेहेति णो अत्ताणं पेहेति, पलिभागं पेहेति। २ एवं एतेणं अभिलावेणं असिं मणिं उडुपाणं तेल्लं फाणियं वसं। [सुत्तं १०००. १९ कंबलदारं] १०००. कंबलसाडए णं भंते ! आवेढियपरिवेढिए समाणे जावतियं ओवासंतरं फुसित्ता णं चिट्ठति विरल्लिए वि य णं समाणे तावतियं चेव ओवासंतरं फुसित्ताणं चिट्ठति ? हता! गोयमा ! कंबलसाडएणं आवेढियपरिवेढिए समाणे जावतियं तं चेव। [सुत्तं १००१.२० थूणादारं] १००१. थूणा णं भंते ! उर्ल्ड ऊसिया समाणी जावतियं खेत्तं ओगाहित्ता णं चिट्ठति तिरियं पि यणं आयया समाणी तावतियं चेव खेत्तं ओगाहित्ता णं चिट्ठति ? हता? गोयमा ! थूणा णं उड्डे ऊसिया तं चेव जाव चिट्ठति। [सुत्तं १००२. २१ थिग्गलदारं] १००२. आगासथिग्गले णं भंते ! किणा फुडे ? कइहिं वा काएहिं फुडे ? किं धम्मत्थिकारणं फुडे ? किं धम्मत्थिकायस्स देसेणं फुडे ? धम्मत्थिकायस्स पदेसेहिं फुडे? एवं अधम्मत्थिकाएणं आगासत्थिकाएणं ? एएणं भेदेणं जाव किं पुढविकाइएणं फुडे जाव तसकाएणं फुडे ? अद्धासमएणं फुडे ? गोयमा ! धम्मत्थिकारणं फुडे, णो धम्मत्थिकाएण वि । णो आगासत्थिकारणं फुडे, आगासत्थिकायस्स देसेणं फुडे, धम्मत्थिकायस्स पदेसेहिं फुडे । एवं अधम्मत्थिकारण वि । णो आगासत्थिकाएणं फुडे, आगासत्थिकायस्स देसेणं फुडे, आगासत्थिकायस्स पदेसहिं फुडे जाव वणप्फइकाइएणं फुडे । तसकाएणं सिय फुडे, सिय णो फुडे । अद्धासमएणं देसे फुडे, देसे णो फुडे। [सुत्तं १००३.२२ दीवोदहिदारं] १००३. १ जंबुद्दीवे णं भंते ! दीवे किण्णा फुडे ? कतिहिं वा काएहिं फुडे ? किं धम्मत्थिकाएणं जाव आगासंत्थिकारणं फुडे ? गोयमा ! णो धम्मत्थिकारणं फुडे धम्मत्थिकायस्स देसेणं फुडे धम्मत्थिकायस्स
पएसेहिं फुडे, एवं अधम्मत्थिकायस्स वि आगासत्थिकायस्स वि, पुढविकाइणं फुडे जाव वणप्फइकाइएणं फुडे, तसकाएणं सिय फुडे सिय णो फुडे, अद्धासमएणं 3 फुडे। २ एवं लवणसमुद्दे धायइसंडे दीवे कालोए समुद्दे अब्भितरपुक्खरद्धे । बाहिरपुक्खरद्धे एवं चेव, णवरं अद्धासमएणं णो फुडे । एवं जाव सयंभुरमणे समुद्दे।
90%明明明明明明明明明明明明明明明明明明明明明明明明明明明明明明明明明明明明叛军历历历历历明明乐乐
Gin Education international 2010.03
EarathintapREALLEROnly
ww.jainelibrary.co)