Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 100

NORO
(१५) पण्णवणा सरीरपये १२ / परिणाम पयं १३
तेया- कम्मा जहा पुढविकाइयाणं (सु. ९१४३-४ ) तहा भाणियव्वा । ९१७. वणप्फइकाइयाणं जहा पुढविकाइयाणं । णवरं तेया- कम्मगा जहा ओहिया तेयाकम्मगा (सु. ९१० ४-५ । [सुत्ताई ९१८-९१९. विगलिंदियाणं बद्ध - मुक्कसरीरपरूवणा] ९१८. १ बेइंदियाणं भंते! केवतिया ओरालियसरीरा पण्णत्ता ? गोयमा ! दुविहा पण्णत्ता । तं जहा- बदेल्लगा य मुक्केल्लगा य । तत्थ णं जे ते बद्धेल्लगा ते णं असंखेज्जा, असंखेज्जाहिं उस्सप्पिणि-ओसप्पिणीहिं अवहीरंति कालओ, खेत्तओ असंखेज्जाओ सेढीओ पयरस्स असंखेज्जतिभागो, तासि णं सेढीणं विक्खंभसूई असंखेज्जाओ जोयणकोडाकोडीओ असंखेज्जाई सेढिवग्गमूलाई । बेइंदियाणं ओरालियसरीरेहिं बद्धेल्लगेहिं पयरं अवहीरति असंखेज्जाहिं उस्सप्पिणि ओसप्पिणीहिं कालओ, खेत्तओ अंगुलपयरस्स आवलियाए य असंखेज्जतिभागपलिभागेणं । तत्थ णं जे ते मुक्केल्लगा ते जहा ओहिया ओरालिया मुक्केल्लया (सु. ९९० १ ) । २ वेउव्विया आहारगा य बद्धेल्लगा णत्थि, मुक्केल्लगा जहा ओहिया ओरालिया मुक्केल्लया (सु. ९१० १) । ३ तेया- कम्मगा जहा एतेसिं चेव ओहिया ओरालिया । ९१९. एवं जाव चउरिदिया। [सुत्तं ९२०. पंचिदियतिरिक्खाणं बद्ध-मुक्कसरीरपरूवणा] ९२०. पंचेदियतिरिक्खजोणियाणं एवं चेव । नवरं वेउव्वियसरीरएस इमो विसेसो-पंचेदियतिरिक्खजोणियाणं भंते ! केवतिया वेउव्वियसरीरया पण्णत्ता ? गोयमा ! दुविहा पण्णत्ता । तं जहा - बद्वेल्लगा य मुक्केल्लगा य । तत्थ णं जे ते बदेल्लगा ते णं असंखेज्ना जहा असुरकुमाराणं (सु. ९१२ २ ) । णवरं तासि णं सेढीणं विक्खंभसूई अंगुलपढमवग्गमूलस्स असंखेज्जतिभागो। मुक्केल्लगा तहेव । [सुत्तं ९२१. मणुस्साणं बद्धमुक्कसरीरपरूवणा] ९२१. १ मणुस्साणं भंते ! केवतिया ओरालियसरीरा पण्णत्ता ? गोयमा ! दुविहा पण्णत्ता । तं जहा- बद्धेल्लगा य मुक्केल्लगा य । तत्थ णं जे ते बल्ला ते णं सिय संखेज्जा सिय असंखेज्जा, जहण्णपए संखेज्जा संखेज्जाओ कोडाकोडीओ तिजमलपयस्स उवरिं चउजमलपयस्स हेट्ठा, अहवणं छट्टो वग्गो पंचमवग्गपडुप्पण्णो, अहवणं छण्णउईछेयणगदाई रासी; उक्कोसपदे असंखेज्जा, असंखेज्जाहिं उस्सप्पिणि ओस्सप्पिणीहिं अवहीरंति कालओ, खेत्तओ रूवपक्खित्तेहिं मणुस्सेहिं सेढी अवहीरति, तीसे सेढीए काल-खेत्तेहिं अवहारो मग्गिज्जइ- असंखेज्जाहिं उस्सप्पिणि ओसप्पिणीहिं कालओ, खेत्तओ अंगुलपढमवग्गमूलं ततियवग्गमूलपडुप्पण्णं । तत्थ णं जे ते मुक्केल्लगा ते जहा ओरालिया ओहिया मुक्केल्लगा (सु. ९१० १) । २ वेउव्वियाणं भंते ! पुच्छा । गोयमा ! दुविहा पण्णत्ता । तं जहा- बद्धेल्लगा य मुक्केल्लगा य । तत्थ णं जे ते बद्धेल्लगा ते णं संखेज्जा, समए समए अवहीरमाणा अवहीरमाणा संखेज्जेणं कालेणं अवहीरंति णो चेव णं अवहिया सिया । तत्थ णं जे ते मुक्केल्लगा ते णं जहा ओरालिया ओहिया (सु. ९१० १) । ३ आहारगसरीरा जहा ओहिया (सु. ९१०३ ) । ४ तेया- कम्मया जहा एतेसिं चेव ओरालिया । [सुत्तं ९२२. वाणमंतराणं बद्ध-मुक्कसरीरपरूवणा ] ९२२. वाणमंतराणं जहा णेरइयाणं ओरालिया आहारगा य । वेउव्वियसरी रगा जहा रइयाणं, णवरं तासि णं सेढीणं विक्खंभसूई संखेज्जजोयणसयवग्गपलिभागो पयरस्स। मुक्केल्लया जहा ओहिया ओरालिया (सु. ९१० १) । तेया- कम्मया जहा एएसिं चेव वेउव्विया । [सुत्तं ९२३. जोइसियाणं बद्ध-मुक्कसरीरपरूवणा ] ९२३. जोतिसियाणं एवं चेव । णवरं तासि णं सेढीणं विक्खंभसूई बेछप्पण्णंगुलसयवग्गपलिभागो पयरस्स । [सुत्तं ९२४. वेमाणियाणं बद्ध-मुक्कसरीरपरूवणा] ९२४. वेमाणियाणं एवं चेव । णवरं तासि णं सेढीणं विक्खंभसूई अंगुलबितियवग्गमूलं ततियवग्गमूलपडुप्पण्णं, अहवणं अंगुलततियवग्गमूलघणपमाणमेत्ताओ सेढीओ। सेसं तं चेव ★★★ । पण्णवणाए भगवईए बारसमं सरीरपयं समत्तं ॥ ★★★ १३. तेरसमं परिणामपयं★ ★ ★ [सुतं ९२५. परिणामभेयपरूवणा ] ९२५. कतिविहे णं भंते ! परिणामे पण्णत्ते ? गोयमा ! विपरिणामे पण्णत्ते । तं जहा जीवपरिणामे य अजीवपरिणामे य । [ सुत्ताई ९२६ - ९४६. जीवपरिणामपरूवणा) ९२६. जीवपरिणामे णं भंते ! कतिविहे पण्णत्ते ? गोयमा ! दसविहे पण्णत्ते । तं जहा-गतिपरिणामे १ इंदियपरिणामे २ कसायपरिणामे ३ लेसापरिणामे ४ जोगपरिणामे ५ उवओगपरिणामे ६ णाणपरिणामे ७ दंसणपरिणामे ८ चरित्तपरिणामे ९ वेदपरिणामे १० । ९२७. गतिपरिणामे णं भंते! कतिविहे पण्णत्ते ? गोयमा ! चउविहे पण्णत्ते। तं जहा णिरयगतिपरिणामे १ CO श्री आगमगुणमंजूषा १०२४ YO
[८९]