Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 41

प्रफ्रत
1
पज्जत्ताऽपज्जत्ताणं ठाणा पण्णत्ता ? कहि णं भंते! आरण -ऽच्चुता देवा परिवसंति ? गोयमा ! आणय-पाणयाणं कप्पाणं उप्पिं सपक्खि सपक्खिं सपडिदिसिं एत्थ णं आरणऽच्चुया णामं दुवे कप्पा पण्णत्ता, पाईण-पडीणायया उदीण-दहिणविच्छिण्णा अद्धचंदसंठाणसंठाणसंठिता अच्चिमाली -भासरासिवण्णाभा असंखेज्जाओ जोयणकोडाकोडीओ आयामविक्खंभेणं असंखेज्जाओ जोयणकोडाकोडीओ परिक्खेवेणं सव्वरयणामया अच्छा सण्हा लण्हा घट्टा भट्टा नीरया निम्मला विप्पंका निक्कंकडच्छाया सप्पभा सस्सिरीया सउज्जोया पासाईया दरसणिज्जा अभिरूवा पडिरूवा, एत्थ णं आरणऽच्चुताणं देवाणं तिन्नि विमाणावाससता हवंतीति मक्खायं । ते णं विमाणा सव्वरयणामया अच्छा सण्हा लण्हा घट्टा मट्ठा नीरया निम्मला पिप्पंका निक्कंकडच्छाया सप्पभा सस्सिरीया सउज्जोता पासाईया दरसणिज्न अभिरूवा पडिरूवा । तेसि णं विमाणणं बहुमज्झदेसभाए पंच वडेंसगा पण्णत्ता, तंजहा अंकवडेंसए १ फलिहवडेंसए २ रयणवडेंसए ३ जायरूववडेंसए ४ मज्झे अत्य अच्चुतवडेंस ५ । तेणं वडेंसया सव्वरयणामया जाव [सु. २०६] १ पडिरूवा । एत्थ णं आरणऽच्छुयाणं देवाण पज्जत्ताऽपज्जत्ताणं ठाणा पण्णत्ता। तिसु वि लोगस्स असंखेज्जइभागे । तत्थ णं बहवे आरणऽच्चुता देवा जाव [सु. १९६] विहरति । २ अच्चुते यत्थ देविदे देवराया परिवसति जहा पाणए [सु. २०५] २ जाव विहरति । णवरं तिण्हं विमाणावासवताणं दसण्हं सामाणियसाहस्सीणं चत्तालीसाए आयरक्खदेवसाहस्सीणं आहेवच्चं कुव्वमाणे जाव [सु. १९६] विहरति । बत्तीस अट्ठवीसा बारस अट्ठ चउरो सतसहस्सा । पण्णा चत्तालीसा छ च्च सहस्सा सहस्सारे ॥ १५४॥ आणय-पाणयकप्पे चत्तारि सयाऽऽरण ऽच्चुए तिन्नि । सत्त विमाणसयाई उसु वि एएसु कप्पेसु || १५५|| सामाणियसगहणीगाहा चउरासीइ १ असीई २ बासत्तरि ३ सत्तरी य ४ सट्ठी य ५ । पण्णा ६ चत्तालीसा ७ तीसा ९-१० दस सहस्सा ११-१२॥१५६॥ एते चेव आयरक्खा चउगुणा । २०७. कहि णं भंते ! हेट्ठिमगे वेज्जगदेवाणं पज्जत्ताऽपज्जत्ताणं ठाणा पण्णत्ता ? कहि णं भंते! हेट्ठिमगेवेज्जगा देवा परिवसंति ? गोयमा ! आरणच्चुताणं कप्पाणं उप्पिं जाव [सु. २०६] १ उड्डुं दूरं उप्पइत्ता एत्थ णं हेट्ठिमगेवेज्जगाणं देवाणं तओ गेवेज्जविमाणपत्थडा पण्णत्ता पाईण-पडीणायया उदीण- दाहिणविच्छिण्णा पडिपुण्णचंदसंठाणसंठिता अच्चिमाली - भासरासिवण्णभा सेसं जहा बंभलोगे जाव [सु. २०१]१ पडिरूवा । एत्थ णं हिट्ठिमगेवेज्जगाणं देवाणं पज्जत्ताऽपज्जत्ताणं ठाणा पण्णत्ता । तिसु वि लोगस्स असंखिज्जइभागे । तत्थ णं बहवे हेट्ठिमगेवेज्जगा देवा परिवसंति सव्वे समिडिया सव्वे समज्जुतीया सव्वे समजसा सव्वे समबला सव्वे समाणुभावा महासोक्खा अनिंदा अप्पेसा अपुरोहिया अहमिंदा णामं ते देवगणा पण्णत्ता समणाउसो ! । २०८. कहिणं भंते! मज्झिमगाणं गेवेज्जगदेवाणं पज्जत्ताऽपज्जत्ताणं ठाणा पण्णत्ता ? कहि णं भंते ! मज्झिमगेवेज्जगा देवा परिवसंति ? गोयमा ! हेट्ठिमगेवेज्जगाणं उप्पिं सपक्खिं सपडिदिसिं जाव (सु. २०६ ] १ उप्पइत्ता एत्थ णं मज्झिमगेवेज्जगदेवा [ सु.२०६] १ पडिरूवा । एत्थ णं मज्झिमगेवेज्जगाणं देवाणं जाव [सु.२०७] तिसु वि लोगस्स असंखेज्जतिभागे। तत्थ णं बहवे मज्झिमगेवेज्जगा देवा परिवसंति जाव [सु. २०७] अहमिंदा नामं ते देवगणा पण्णत्ता समणाउसो ! । २०९. कहि णं भंते ! उवरिमगेवेज्जगदेवाणं पज्जत्ताऽपज्जत्ताणं ठाणा पण्णत्ता ? कहि णं भंते! उवरिमगेवेज्जगा देवा परिवसंति ? गोयमा ! मज्झमगेवेज्जगदेवाणं उप्पि जाव [सु. २०६] १ उप्पइत्ता एत्थ णं उवरिमगेवेज्जगाणं देवाणं तओ गेवेज्जगविमाणपत्थडा पण्णत्ता पाईण-पडीणायता सेसं जहा हेट्ठिमगेविज्जगाणं [सु. २०७], नवरं एगे विमाणावाससते भवतंति मक्खातं । सेसं तहेव भाणियव्वं [सु. २०७] जाव अहमिंदा णामं ते देवगणा पण्णत्ता समणाउसो ! । एक्कारसुत्तरं हेट्ठिमेसु सत्तुत्तरं च मज्झिमए । सयमेगं उवरिमए पंचेव अणुत्तरविमाणा ॥ १५७॥ २१०. कहि णं भंते! अणुत्तरोववाइयाणं देवाणं पज्जत्ताऽपज्जत्ताणं ठाणा पण्णत्ता ? कहि णं भंते ! अणुत्तरोववाइया देवा परिवसंति ? गोयमा ! इमीसे रयणप्पभाए पुढवीए बहुसमरमणिज्जाओ भूमिभागाओ उड्डुं चंदिम सूरिय-गह नक्खत्त-तारावाणं बहूइं जोयणसयाइं बहूइं जोयणसहस्साइं बहूइं जोयणसतसहस्साइं बहुगीओ जोयणकोडीओ बहुगीओ जोयणकोडाकोडीओ उड्डुं दूरं उप्पइत्ता सोहम्मीसाण- सणकुमारमाहिंद-बंभलोय-लतंग-सुक्क सहस्सार- आणय-पाणय-आरण-अच्चुयकप्पा तिण्णि य अट्ठारसुत्तरे गेविज्जविमाणावाससते वीतीवतित्ता तेण परं दूरं गता णीरयानिम्मला वितिमिरा विसुद्धा पंचदिसिं पंच अणुत्तरा महतिमहालया विमाणा पण्णत्ता । तं जहा विजये १ वेजयंते २ जयंते ३ अपराजिते ४ सव्वट्टसिद्धे ५ । ते णं श्री आगमगुणमंजूषा - ९६५
ॐ
(१५) पण्णवणा झणपयं २
[३०]
फ्र