Agam 15 Upang 04 Pragnapana Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 88

OC55555听听听听听听听听听听听听听听听听乐乐乐听听听听听听听听听听听听明明明明明明明明明明明明50C
O945555555555555559 (१५) पण्णवणा जोणीपर्य ९/ चरिमपयं - १० (७७] “历历万历历历万岁万$$$$$$250S
अजोणियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सीतोसिणजोणिया, उसिणजोणिया असंखेज्जगुणा, अजोणिया अणंतगुणा, सीतजोणिया अणंतगुणा । १॥ [सुत्ताई ७५४-७६३. नेरइयाइसु सचित्ताइजोणीओ] ७५४. कतिविहा णं भंते ! जोणी पण्णत्ता ? गोयमा ! तेविहा जोणी पण्णत्ता । तं जहा - सचित्ता १ अचित्ता २ मीसिया ३।७५५. नेरइयाणं भंते ! किं सचित्ता जोणी अचित्ता जोणी मीसिया जोणी ? गोयमा ! नो सचित्ता जोणी, अचित्ता जोणी णो मीसिया जोणी।७५६. असुरकुमाराणं भंते ! किं सचित्ता जोणी अचित्ता जोणी मीसिया जोणी ? गोयमा! नो सचित्ता जोणी, अचित्ता जोणी, नो मीसिया जोणी।७५७. एवं जाव थणियकुमाराणं । ७५८.पुढविकाइयाणं भंते ! किं सचित्ता जोणी अचित्ता जोणी मीसिया जोणी ? गोयमा ! सचित्ता वि जोणी, अचित्ता वि जोणी, मीसिया वि जोणी। ७५९. एवं जाव चउरिदियाणं । ७६०. सम्मुच्छिमपंचिंद्रियतिरिक्खजोणियाणं सम्मुच्छिममणुस्साण य एवं चेव । ७६१. गब्भवक्कंतियपंचेदियतिरिक्खजोणियाणं गब्भवक्कंतियमणुस्साण य नो सचित्ता, नो अचित्ता, मीसिया जोणी । ७६२. वाणमंतर-जोइसिय-वेमाणियाणं जहा असुरकुमाराणं । ७६३. एतेसि णं भंते ! जीवाणं सचित्तजोणीणं अचित्तजोणीणं मीसजोणिणं अजोणीण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मीसजोणिया, अचित्तजोणिया असंखेज्जगुणा, अजोणिया अणंतगुणा, सचित्तजोणिया अणंतगुणा | २|| [सुत्ताई ७६४ - ७७२. नेरइयाइसु संवुडाइजोणीओ] ७६४. कतिविहा णं भंते ! जोणी पण्णत्ता ? गोयमा ! तिविहा जोणी पण्णत्ता । तं जहा-संवुडा जोणी १ वियडा जोणी २ संवुडवियडा जोणी ३ । ७६५. नेरइयाणं भंते ! किं संवुडा जोणी वियडा जोणी संवुडवियडा जोणी ? गोयमा ! संवुडा जोणी, नो वियडा जोणी, नो संवुडवियडा जोणी। ७६६. एवं जाव वणस्सइकाइयाणं । ७६७. बेइंदियाणं पुच्छा। गोयमा ! नो संवुडा जोणी, वियडा जोणी, णो संवुडवियडा जोणी। ७६८. एवं जाव चउरिंदियाणं । ७६९. सम्मुच्छिमपंचिंदियतिरिक्खजोणियाणं सम्मुच्छिममणुस्साण य एवं चेव । ७७०. गब्भवक्कंतियपंचेदियतिरिक्खजोणियाणं गब्भवक्तंतियमणुस्साण य नो संवुडा जोणी, नो वियडा जोणी, संवुडवियडा जोणी । ७७१. वाणमंतर-जोइसिय-वेमाणियाणं जहा नेरइयाणं । ७७२. एतेसि णं भंते ! जीवाणं संवुडजोणियाणं वियडजोणियारणं संवुडवियडजोणियाणं अजोणियाण य कतरे कतरेहिंतो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा जीवा संवुडवियडजोणिया, वियडजोणिया असंखेज्जगुणा, अजोणिया अणंतगुणा, संवुडजोणिया अणंतगुणा । ३।। [सुत्तं ७७३. मणुस्सेसु तिविहा जोणी] ७७३. १ कतिविहा णं भंते ! जोणी पण्णत्ता ? गोयमा ! तिविहा जोणी पण्णत्ता । तं जहा - कुम्मुण्णया १ संखावत्ता २ वंसीपत्ता ३। २ कुम्मुण्णया णं जोणी उत्तमपुरिसमाऊणं । कुम्मुण्णयाए णं जोणिए उत्तमपुरिसा गब्भे वक्कमंति । तं जहा - अरहंता चक्कवट्टी बलदेवा वासुदेवा। ३ संखावत्ता णं जोणी इत्थिरयणस्स। संखावत्ताए णं जोणीए बहवे जीवा य पोग्गला य वक्कमंति विउक्कमति चयंति उवचयंति, नो चेवणं निप्फज्जति। ४ वंसीपत्ता णं जोणी पिहुजणस्स । वंसीपत्ताएणं जोणीए पिहुजणे गब्भे वक्कमंति। ४ ॥ ॥ पण्णवणाए भगवइए णवमं जोणीपयं समत्तं ॥★★★१०. दसमं चरिमपयं सुत्ताई [ ७७४-७७६. लोगालोगाणं चरिमाचरिमविभागो] ७७४. कति णं भंते ! पुढवीओ पण्णत्ताओ? गोयमा ! अट्ठ पुढवीओ पण्णत्ताओ। तं जहा - रयणप्पभा १ सक्करप्पभा २ वालुयप्पभा ३ पंकप्पभा ४ धूमप्पभा ५ तमप्पभा ६ तमतमप्पभा ७ ईसीपब्भारा ८ । ७७५. इमा णं भंते ! रयणप्पभा पुढवी किं चरिमा अचरिमा चरिमाइं अचरिमाइं चरिमंतपदेसा अचरिमंतपदेसा ? गोयमा ! इमा णं रतणप्पभा पुढवी नो चरिमा नो अचरिमा नो चरिमाइं नो अचरिमाइं नो चरिमंतपदेसा नो अचरिमंतपदेसा, णियमा अचरिमं च चरिमाणि य चरिमंतपदेसा य अचरिमंतपएसा य । ७७६. एवं जाव अहेसत्तमा पुढवी । सोहम्मादी जाव अणुत्तरविमाणा एवं चेव । ईसीपब्भारा वि एवं चेव । लोगे वि एवं चेव । एवं अलोगे वि। [सुत्ताई ७७७-७८०. चरिमाचरिमपयाणं अप्पबहुत्त] ७७७. इमीसे णं भंते ! रयणप्पभाए पुढवीए अचरिमस्स य चरिमाण य चरिमंतपएसाण य अचरिमंतपएसाण य दव्वट्ठयाए पएसट्ठयाए दव्वट्ठपएसट्ठयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे इमीसे रतणप्पभाए पुढवीए बव्वट्ठयाए एगे अचरिमे, चरिमाइं असंखेजगुणाई, अचरिमं च चरिमाणि य दो वि विसेसाहियाई। Meres555555555555555555555फी आगमगुणमंजूषा-१०१२555555555555555555555555555STOR
MOO听听听听听听听听听听听听听听听听听听听听听听听听听听听听听
5555
45
%%%%%%