Book Title: Agam 12 Upang 01 Aupapatik Sutra Ovaiyam Terapanth
Author(s): Tulsi Acharya, Mahapragna Acharya
Publisher: Jain Vishva Bharati
View full book text
________________
ओवाइयं
गिल्लि वा थिल्लि का पवहणं वा सीयं वा संदमाणियं वा दुरुहिता णं गच्छित्तए ।
१०१. तेसि णं परिव्वायगाणं णो कप्पइ आसं वा हत्थि वा उट्टं वा गोणं वा महिसं वा खरं वा दुरुहिता णं गमित्तए, णण्णत्थ बलाभिओगेणं ।।
१०२. तेसि णं परिव्वायगाणं णो कप्पइ नडपेच्छा इ वा 'णट्टगपेच्छा इ वा जल्लपेच्छा इ वा मल्लपेच्छा इ वा मुट्ठियपेच्छा इ वा वेलंबगपेच्छा इ वा पवगपेच्छा इ वा कहगपेच्छा इ वा लासगपेच्छा इ वा आइक्खगपेच्छा इ वा लखपेच्छा इ वा मंखपेच्छा इ वा तूणइल्लपेच्छा इ वा तुंबवीणिपेच्छा इ वा भुयगपेच्छा इ वा मागहपेच्छा इ वा पेच्छित्तए॥
१०३. तेसिं परिव्वायगाणं णो कप्पइ हरियाणं लेसणया वा घट्टणया वा थंभणया वा 'लूसणया वा उप्पाडणया वा करित्तए ।
१०४. तेसि परिव्वायगाणं णो कप्पइ इथिकहा इ वा भत्तकहा इ वा रायकहा इ वा देसकहा इ वा चोरकहा इ वा जणवयकहा इ वा अणत्थदंड' करित्तए ।।
१०५. तेसि णं परिव्वायगाणं णो कप्पइ अयपायाणि वा तंबपायाणि वा तउयपायाणि वा सीसगपायाणि वा रयय-जायरूव-काय-वेडंतिय-वट्टलोह-कंसलोह-हारपुडयरीतिया-मणि-संख-दंत-चम्म-चेल-सेल-पायाणि वा अण्णयराइं वा तहप्पगाराइं महद्धणमोल्लाइंधारित्तए, णण्णत्थ अलाउपाएण वा दारुपाएण वा मट्टियापाएण वा ।।।
१०६. तेसि णं परिवायगाणं णो कप्पइ अयबंधणाणि वा 'तंब-बंधणाणि वा तउयबंधणाणि वा सीसगबंधणाणि वा रयय-जायरूव-काय-वेडंतिय-वट्टलोह-कंसलोह-हारपुडयरीतिया-मणि-संख-दंत-चम्म-चेल-सेल-बंधणाणि वा अण्णयराई वा तहप्पगाराइं महद्धणमोल्लाई धारित्तए ॥
१०७. तेसि णं परिव्वायगाणं णो कप्पइ णाणाविहवण्णरागरत्ताई वत्थाई धारित्तए, णण्णत्थ एगाए धाउरत्ताए ।
१०८. तेसि णं परिव्वायगाणं णो कप्पइ हारं वा अद्धहारं वा एगावलिं वा मुत्तावलि वा कणगावलि वा रयणालिं वा मुरवि वा कंठमुरविं वा पालंब वा तिसरयं वा कडिसुत्तं वा दसमुद्दिआणंतगं वा कडयाणि वा तुडियाणि वा अंगयाणि वा केऊराणि वा कुंडलाणि वा मउडं वा चूलामणि वा पिणिद्धत्तए, गण्णत्थ एगेणं तंविएणं पवित्तएणं ॥
१०६. तेसि गं परिव्वायगाणं णो कप्पइ गंथिम-वेढिम-पूरिम-संघाइमे चउविहे मल्ले धारित्तए, णण्णत्थ एगेणं कण्णपूरेणं ।।।
११०. तेसि णं परिव्वायगाणं णो कप्पइ अगलुएण वा चंदणेण वा कुंकुमण वा गायं अणुलिपित्तए, णण्णत्थ एक्काए गंगामट्टियाए । १. सं० पा०-नडपेच्छाइ वा जाव मागहपेच्छा! पाठो विद्यते । २. x (वृ); लूसणया वा (वृपा)।
५. स० पा०-अयबंधणाणि वा जाव महदण३. अणट्ठादंडं (ग)।
मोल्लाई। ४,७. बहुमुल्लाणि (क, ख, ग); आचारचूलायां ६. पुस्तकान्तरे समग्रमिदं सूत्रद्वय (१०५, १०६) (६।१३) 'विरूवरूवाई महद्धणमुल्लाई' इति मस्त्येव (१) ।
Jain Education International
For Private & Personal Use Only
www.jainelibrary.org
