Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 6

• मुनि दीपरत्नसागरेण संशोधितः सम्पादित्तश्च बीओ समवाओ समत्तो • समवाओ-३
० तइओ-समवाओ . [३] तओ दंडा पन्नत्ता तं जहा- मणदंडे वइदंडे कायदंडे, तओ गुत्तीओ पन्नत्ताओ तं जहा- मणगुत्ती वइगुत्ती कायगुत्ती, तओ सल्ला पण्णत्ता तं जहा- मायासल्ले णं नियाणसल्ले णं मिच्छादंसणसल्ले णं, तओ गारवा पन्नत्ता तं जहा- इड्ढीगारवे रसगारवे सायागारवे, तओ विराहणाओ पन्नत्ताओ तं जहा- नाणविराहणा दंसणविराहणा चरित्तविराहणा |
मिगसिरनक्खत्ते तितारे पन्नत्ते, पुस्सनक्खत्ते तितारे पन्नत्ते जेट्ठानक्खत्ते तितारे पन्नत्ते, अभीइनक्खत्ते तितारे पन्नत्ते, सवणनक्खत्ते तितारे पन्नत्ते, असिणिनक्खत्ते तितारे पन्नत्ते, भरणीनक्खत्ते तितारे पन्नत्ते ।।
इमीसे णं रयणप्पभाए पुढवीए अत्थेगइयाणं नेरइयाणं तिन्नि पलिओवमाई ठिई पन्नत्ता, दोच्चाए णं पुढवीए नेरइयाणं उक्कोसेणं तिणि सागरोवमाइं ठिई पन्नत्ता, तच्चाए णं पुढवीए नेरइयाणं जहन्नेणं तिन्नि सागरोवमाई ठिई पन्नत्ता ।
असुरकुमाराणं देवाणं अत्थेगइयाणं तिण्णि पलिओवमाइं ठिई पण्णत्ता |
असंखेज्जवासाउयसन्निपंचिदियंतिरिक्खजोणियाणं उक्कोसेणं तिण्णि पलिओवमाइं ठिई पन्नत्ता, असंखेज्जवासाउयसन्निगब्भवक्कंतियमणस्साणं उक्कोसेणं तिण्णि पलिओवमाइं ठिई पन्नत्ता ।
सोहम्मीसाणेस् कप्पेस् अत्थेगइयाणं देवाणं तिण्णि पलिओवमाई ठिई पन्नत्ता, सणंकुमारमाहिंदेस् कप्पेस अत्थेगइयाणं देवाणं तिण्णि सागरोवमाइं ठिई पण्णत्ता ।
जे देवा आभंकरं पभंकरं आभंकरपभंकरं चंदं चंदावत्तं चंदप्पभं चंदकंतं चंदवण्णं चंदलेसं चंदज्झयं चंदसिंग चंदसिटुं चंदकुडं चंदत्तरवडेंसगं विमाणं देवत्ताए उववण्णा तेसि णं देवाणं उक्कोसेणं तिण्णि सागरोवमाई ठिई पन्नत्ता, ते णं देवा तिण्हं अद्धमासाणं आणमंति वा पाणमंति वा ऊससंति वा नीससंति वा तेसि णं देवामं उक्कोसेणं तिहिं वाससहस्सेहिं आहारट्ठे समुप्पज्जइ ।
संतेगइया भवसिद्धिया जीवा जे तिहिं भवग्गहणेहिं सिज्झिस्संति बुज्झिस्संति मच्चिस्संति परिनिव्वाइस्संति सव्वदुक्खाणमंतं करिस्संति ।
तइओ समवाओ समत्तो. • मुनि दीपरत्नसागरेण संशोधितः सम्पादित्तश्च तइओ समवाओ समत्तो •
० चउत्थो-समवाओ . [४] चत्तारि कसाया पन्नत्ता तं जहा- कोहकसाए माणकसाए मायाकसाए लोभकसाए, चत्तारि झाणा पन्नत्ता तं जहा- अट्टे झाणे रोद्दे झाणे धम्मे झाणे सक्के झाणे, चत्तारि विकहाओ पन्नत्ताओ तं जहा- इत्थिकहा भत्तकहा रायकहा देसकहा,
चत्तारि सण्णा पन्नत्ता तं जहा- आहारसण्णा भयसण्णा मेहणसण्णा परिग्गह सण्णा, चउव्विहे बंधे पन्नत्ते तं जहा- पगडिबंधे ठिइबंधे अणुभावबंधे पएसबंधे, चउगाउए जोयणे पन्नत्ते ।
[दीपरत्नसागर संशोधितः]
[5]
[४-समवाओ]