Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 4

बालब्रह्मचारी श्री नेमिनाथाय नमः
नमो नमो निम्मलदसणस्स
ॐ ह्रीं नमो पवयणस्स
|४|समवाओ-चउत्थं अंगसुत्तं |
० पढमो समवाओ .
[१] सुयं मे आउसं तेणं भगवया एवमक्खायं- इह खल समणेणं भगवया महावीरेणं आदिगरेणं तित्थगरेणं सयंसंबुद्धेणं पुरिसुत्तमेणं पुरिससीहेणं पुरिसवरपुंडरीए णं पुरिसवर-गंधहत्थिणा लोगत्तमेणं लोगनाहेणं लोगहिएणं लोगपईवेणं लोगपज्जोयगरेणं अभयदएणं चक्खदएणं मग्गदएणं सरणदएणं जीवदएणं धम्मदएणं धम्मदेसएणं धम्मनायगेणं धम्मसारहिणा धम्मवरचाउरंतचक्कवट्टिणा अप्पडिहयवरनाणदंसणधरेणं वियदृच्छउमेणं जिणेणं जावएणं तिण्णेणं तारएणं बुद्धेणं बोहएणं मुत्तेणं मोयगेणं सव्वन्नुणा सव्वदरिसिणा सिवमयलमरुयमणंतमक्खयमव्वावाहमपुणरावत्तयं सिद्धिगइनामधेयं ठाणं संपाविउकामेणं इमे दुवालसंगे गणिपिडगे पण्णत्ते तं जहा
आयारे सूयगडे ठाणे समवाए विवाहपन्नत्ती नायधम्मकहाओ उवासगदसाओ अंतगडदसाओ अणत्तरोववाइयदसाओ पण्हावागरणं विवागसुए दिद्विवाए तत्थ णं जे से चउत्थे अंगे समवाएत्ति आहित्ते तस्स णं अयमढे तं जहा- |
एगे आया एगे अणाया एगे दंडे एगे अदंडे एगा किरिआ एगा अकिरिआ एगे लोए एगे अलोए एगे धम्मे एगे अधम्मे एगे पुण्णे एगे पावे एगे बंधे एगे मोक्खे एगे आसवे एगे संवरे एगा वेयणा एगा निज्जरा ।
जंबुद्दीवे एगं जोयणसयसहस्सं आयमविक्खंभेणं पण्णत्ते, अप्पइट्ठाणे नरए एगं जोयणसयसहस्स आयामविक्खंभेणं पण्णत्ते ।
पालए जाणविमाणे एगं जोयणसयसहस्सं आयमविक्खंभेणं पण्णत्ते, सव्वट्ठसिद्धे महाविमाणे एगं जोयणसयसहस्सं आयामविक्खंभेणं पण्णत्ते ।
अद्दानक्खत्ते एगातारे पण्णत्ते, चित्तानक्खत्ते एगतारे पण्णत्ते सातिनक्खत्ते एगतारे पण्णत्ते ।
इमीसे णं रयणप्पभाए पुढवीए अत्थेगइयाणं नेरइयाणं एगं पलिओवमं ठिईं पण्णत्ता, इमीसे णं रयणप्पभए पुढवीए नेरइयाणं उक्कोसेणं एग सागरोवमं ठिई पण्णत्ता, दोच्चाए णं पुढवीए नेरइयाणं जहन्नेणं एगं सागरोवमं ठिई पण्णत्ता ।
असुरकमाराणं देवाणं अत्थेगइयाणं एगं पलिओवमं ठिई पण्णत्ता, असुरकमाराणं देवाणं उक्कोसेणं एगं साहियं सागरोवमं ठिई पण्णत्ता, असुरकमारिंदवज्जियाणं भोमिज्जाणं देवाणं अत्थेगइयाणं एग पलिओवमं ठिई पण्णत्ता ।
असंखेज्जवासाउयसण्णिपंचिंदियतिरिक्खजोणियाणं अत्थेगइयाणं एग पलिओवम ठिई पण्णत्ता, असंखेज्जावासाउयगब्भवक्कंतियसण्णिमण्याणं अत्थेगइयाणं एगं पलिओवमं ठिई पण्णत्ता |
वाणमंतराणं देवाणं उक्कोसेणं एग पलिओवम ठिई पण्णत्ता, जोइसियाणं देवणं उक्कोसेणं एग पलिओवमं वाससयसहस्समब्भहियं ठिई पण्णत्ता ।
[दीपरत्नसागर संशोधितः]
[3]
[४-समवाओ]