Agam 04 Samvao Chauttham Angsuttam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 5

सोहम्मे कप्पे देवाणं जहन्नेणं एग पलिओवमं ठिई पण्णत्ता, सोहम्मे कप्पे देवाणं अत्थेग
समवाओ-१
इयाणं एग सागरोवमं ठिई पण्णत्ता ईसाणे कप्पे देवाणं जहन्नेणं साइरेगं एगं पलिओवमं ठिई पण्णत्ता, ईसाणे कप्पे देवाणं अत्थेगइयाणं एगं सागरोवमं ठिई पण्णत्ता,
जे देवा सागरं सुसागरं सागरकंतं भवं मणं माणसोत्तरं लोगहियं विमाणं देवत्ताए उववन्ना तेसि णं देवणं उक्कोसेणं एगं सागरोवमं ठिई पण्णत्ता, ते णं देवा एगस्स अद्धमासस्स आणमंति वा पाणमंति वा ऊससंति वा नीससंति वा तेसि णं देवाणं एगस्स वाससहस्सस्स आहारट्ठे सम्पज्जड़ संतेगइया भवसिद्धिया, जीवा जे एगेणं भवग्गहणेणं सिज्झिस्संति बज्झिस्संति मच्चिस्संति परिनिव्वाइस्संति सव्वदुक्खाणमंतं करिस्संति ।
. पदमो समवाओ समत्तो . • मुनि दीपरत्नसागरेण संशोधितः सम्पादित्तश्च पढमो समवाओ समत्तो •
०बीओ-समवाओ . [२] दो दंडा पन्नत्ता तं जहा- अट्ठादंडे चेव अणट्ठादंडे चेव । दवे रासी पन्नत्ता तं जहा- जीवरासी चेव अजीवरासी चेव । दुविहे बंधणे पन्नत्ते तं जहा- रागबंधणे चेव दोसबंधणे चेव
पुव्वाफग्गुणीनक्खत्ते दुतारे पन्नत्ते उत्तराफग्गुणी नक्खत्ते दुत्तारे पन्नत्ते, पुव्वाभद्दवयानक्खते दुत्तारे पन्नत्ते उत्तराभद्दवयानक्खत्ते दुतारे पन्नत्ते ।
इमीसे णं रयणप्पहाणं पढवीए अत्थेगइयाणं नेरइयाणं दो पलिओवमाइं ठिई पन्नत्ता, दुच्चाए पुढवीए अत्थेगइयाणं नेरइयाणं दो सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं दो पलिओवमाइं ठिई पन्नत्ता, असुरिंदवज्जियाणं भोमिज्जाणं देवाणं उक्कोसेणं देसूणाई दो पलिओवमाइं ठिई पन्नत्ता ।
असंखेज्जवासाउयसन्निपंचेंदियतिरिक्खजोणिआणं अत्थेगइयाणं दो पलिओवमाइं ठिई पन्नत्ता, असंखेज्जवासाउयगब्भवक्कंतियसण्णिमणस्साणं अत्थेगइयाणं दो पलिओवमाई ठिई पन्नत्ता,
सोहम्मे कप्पे अत्थेगइयाणं देवाणं दो पलिओवमाइं ठिई पन्नत्ता, ईसाणे कप्पे अत्थेगइयाणं देवाणं दो पलिओवमाइं ठिई पन्नत्ता, सोहम्मे कप्पे देवाणं उक्कोसेणं दो सागरोवमाइं ठिई पन्नत्ता, ईसाणे कप्पे देवाणं उक्कोसेणं साहियाई दो सागरोवमाइं ठिई पन्नत्ता, सणंकमारे कप्पे देवाणं जहन्नेणं दो सागरोवमाइं ठिई पन्नत्ता, माहिंदे कप्पे देवाणं जहन्नेणं दो सागरोवमाई ठिई पन्नत्ता |
जे देवा सुभं सुभकंतं सुभवण्णं सुभगंधं सुभलेसं सुभफासं सोहम्मवडेंसगं विमाणं देवत्ताए उववण्णा तेसि णं देवाणं उक्कोसेणं दो सागरोवमाई ठिई पन्नत्ता, ते णं देवा दोण्हं अद्धमासाणं आणमंति वा पाणमंति वा ऊससंति वा नीससंति वा तेसिं णं देवाणं दोहिं वाससहस्सेहिं आहारट्टे समुपज्जड़ अत्थेगइया ।
___भवसिद्धिया जीवा जे दोहिं भवग्गहणेहि सिज्झस्संति बुज्झिस्संति मुच्चिस्संति परिनिव्वाइस्संति सव्वक्खांणमंतं करिस्संति ।
बीओ समवाओ समत्तो .
[दीपरत्नसागर संशोधितः]
[4]
[४-समवाओ]