________________
૧૮
શ્રીમદ્ રાજચંદ્ર' વિષયક પત્રવ્યવહાર
ધર્માનુરાગી શ્રાવક શ્રી રસિકલાલ વસનજી શાહ યોગ્ય ધર્મલાભ.
સાધના કેન્દ્ર દ્વારા મોકલેલ તમારો પત્ર પ્રાપ્ત થયો. મારી પ્રવચનની “પ્રશ્નોત્તરી પુસ્તક” બાબત તમારા પ્રશ્નો વાંચ્યા. યથાયોગ્ય ખુલાસાઓ પણ વિગતવાર પત્ર દ્વારા મોકલું છું. તે નિરાગ્રહપૂર્ણ દૃષ્ટિપૂર્વક અવશ્ય ધ્યાનમાં લેશો.
પ્રથમ તો એ વાત સ્પષ્ટ કરી દઉં કે “શ્રીમદ્જીનું બધું જ લખાણ મિથ્યા કે શાસ્ત્રવિરુદ્ધ છે, એમાં જરાય સત્યનો અંશ નથી” એવું પ્રવચનમાં ક્યાંય નિરૂપાયેલ નથી. પ્રશ્ન નં. ૪૯માં જ અમે કહ્યું છે કે – શ્રીમદ્જીના લખાણમાં તત્ત્વની વાતો અને વૈરાગ્ય પીરસાયેલ છે – (પ્રશ્ન નં. ૫૦માં) – સાચું ગમે ત્યાં હોય તેને અપનાવવા અમો કાયમ તૈયાર છીએ - અન્યદર્શનની પણ જો સાચી વાત સ્વીકારવાની અમારી તૈયારી હોય તો જૈનદર્શન અંતર્ગત ફાંટાની સાચી વાતને અમે અવશ્ય આવકારીશું. માત્ર મારી વાત એટલી જ છે કે “શ્રીમદ્ રાજચંદ્ર એ કહેલું બધું જ સાચું, તેમના બધાં જ વિધાનો બ્રહ્મવાક્યો કે જિનવચનાનુસાર કોઈ માનતા હોય તો તેનો મેં નિષેધ ફરમાવેલ છે”.
તેમના લખાણનો અભ્યાસ કરનાર કોઈપણ જૈન તટસ્થ વિદ્વાનને એટલું તો અવશ્ય કહેવું પડે કે “શાસ્ત્રોના ઊંડા બોધના અભાવે અથવા તો ભૂતકાળની ઊંધી માન્યતાની ઊંડે ઊંડે મનમાં રહેલી છાપને કારણે શ્રીમદ્જીના ઘણા વિધાનો મુમુક્ષુને ભ્રમ કરાવનાર, અરે ! ઉન્માર્ગે દોરી જનાર બની શકે છે. માટે આત્મકલ્યાણના ઇચ્છુક મુમુક્ષુઓએ તેમના સાહિત્યને શાસ્ત્રપૂત દૃષ્ટિથી વિભાગ કરી - છટણી કરી વાંચવું જોઈએ”.
એક પ્રશ્ન : “તેઓ જન્મ જૈનેતર ... કમેં જેને થઈ શકાય ?” ખુલાસો (૧) :
સમુચ્ચય વયચર્યામાં શ્રીમદ્જીનું કહેવું છે કે - તેઓના દાદા કૃષ્ણભક્ત હતા, શ્રીમદ્જીને પણ બાલ્યવયમાં શ્રીકૃષ્ણ પ્રત્યે આદર, ભક્તિ, બહુમાન હતાં. અરે ! તેમને મન શ્રીકૃષ્ણ સાચા પરમાત્મા હતા. વૈદિક-દર્શનના જગત્કર્તુત્વવાદ પ્રત્યે તેમને ભારોભાર શ્રદ્ધા હતી. તેના કારણે જૈનદર્શન પ્રત્યે દ્વેષ પણ હતો. અલબત્ત, પાછળથી સાચું સમજાયાનો એકરાર પણ તેમણે કરેલ છે - તેથી શ્રીમદ્જી બેકગ્રાઉન્ડમાં નોનર્જન હતાં તે વાતને આધારસહિતની ગણી શકાય છે. ખુલાસો (૨) :
શ્રીમદ્જી non-jain હતાં એ વાત માત્ર વાસ્તવિકતાની રજૂઆત છે. બાકી nonjain એ જૈન થઈ જ ના શકે તેવું કહેવાનો કોઈ જ આશય નથી. અમારા આદ્યગુરુ
