________________
શ્રીમદ્ રાજચંદ્ર વિષયક પત્રવ્યવહાર ઉદાહરણ (૩) :
જેનશાસ્ત્રો કહે છે કે “આત્મા વીતરાગી અને સર્વજ્ઞ બને ત્યારપછી તેને કોઈ આવેગાત્મક કામના કે ઇચ્છા રહેતી નથી”, માટે તીર્થકરોના તીર્થપ્રવર્તનરૂપ મહાસત્કાર્યને પણ શાસ્ત્રકારોએ કામનાશૂન્ય, કર્મોદયકૃત, સાહજિક પ્રવૃત્તિ કહેલ છે. જ્યારે શ્રીમદ્ રાજચંદ્ર પત્રાંક ૨૭માં - પોતાની સ્થિતિ સર્વ પ્રકારે સર્વજ્ઞતુલ્ય જણાવે છે. છતાંયે આખી સૃષ્ટિમાં પર્યટન કરી ધર્મપ્રવર્તનની અદમ્ય ઇચ્છા પણ સાથે જ પ્રદર્શિત કરે છે. ઉદાહરણ (૪) :
શ્રીમદ્જીને પોતાને જ શાસ્ત્રવિષયક અનેક શંકાઓ મૂંઝવતી હતી તેવું તેઓએ પોતે જ આત્યંતર પરિણામ અવલોકન હાથનોંધ ૧/૧૨ અને ૧/૬૩માં કબૂલ્યું છે. શાસ્ત્રવિષયક આવી સ્થૂલ શંકાઓ તેમના અલ્પ શાસ્ત્રજ્ઞાનની જ દ્યોતક છે.
આવા અનેક ઉદાહરણો, કથનો આ બાબતે રજૂ કરી શકાય છે. “મોક્ષમાળા” કે “ભાવનાબોધ”માં “જૈન આગમો અને સૂત્રનો સાર આવી જાય છે” તેવું માનવું તે જૈનધર્મના લોકોત્તર તત્ત્વજ્ઞાનના અવમૂલ્યાંકનરૂપ છે.
નક ખુલાસો (૧) :
“અમને પ્રશ્ન થાય છે .. અવશ્ય સ્થાન આપશો.”
આ કહેવા પાછળ તમારો આશય એ છે કે ગૃહસ્થ પણ ગુરુ તરીકે પૂજી શકાય. જે સ્થાપિત કરવા તમે ગૃહસ્થ એવા તીર્થકરોનું દૃષ્ટાંત રજૂ કરેલ છે. વળી “ગૃહસ્થ” શબ્દના અર્થ વિશે તમને ભ્રાંતિ છે. તેથી વિવાહ નહીં કરેલા તીર્થંકર અને વિવાહ કરેલ તીર્થંકરોનો ગૃહસ્થ અને સાધુરૂપે ભેદ દર્શાવો છો.
વાસ્તવમાં દીક્ષાપૂર્વે બાલબ્રહ્મચારી નેમિનાથ પણ ગૃહવાસમાં રહેલા હોવાથી ગૃહસ્થ જ કહેવાય. ( તિષ્ઠતિ તિ ગૃહસ્થ:) ચોવીશે તીર્થકરો ગૃહસ્થાવસ્થામાં, ગુરુ તરીકે પૂજાયા કે તે કાળના વિદ્યમાન કોઈ સાધુ-સાધ્વીથી આરંભીને વિવેકી ઇન્દ્ર સુધીના કોઈ ધર્માત્માએ તેમને ભક્તિથી ગુરુવંદન કર્યાનો ક્યાંય ઉલ્લેખ નથી. ઉપરાંત તીર્થંકરોનું દૃષ્ટાંત શ્રીમદ્જી માટે લેવું જરા પણ યોગ્ય નથી. કારણ કે જ્યાં તીર્થકરોનું ગર્ભથી માંડીને સર્વત્ર ઔચિત્યપ્રવર્તન અને ક્યાં શ્રીમદ્જીની ૧૬ વર્ષ સુધીની મિથ્યામત વાસિત ભ્રાંત અવસ્થા !
ઉપરાંત તીર્થકરોની મેરુપર્વત પર ઇન્દ્રો અને કરોડો દેવતાઓએ ભેગાં થઈ જે પૂજાઅર્ચના કરી છે તે તીર્થકરોની ત્યારની સર્વોત્કૃષ્ટ સાધર્મિક અવસ્થાને લક્ષ્યમાં રાખીને.
