Jain Shasan Samstha

Author(s): Prabhudas Bechardas Parekh
Publisher: Viniyog Parivar

Page 6

લેખક પરિચય
પંડિત પ્રભુદાસભાઈનો જન્મ રાજકોટ પાસેના ખેડી ગામમાં વિ. સ. ૧૯૪૯ ના માઘ માસમાં. જન્મ પછી થોડા જ સમયમાં પિતાશ્રીને ધંધા માટે સરધાર પાસેના રાજકોટના જાડેજા ઠાકોરશ્રી ના ભાયાતી ગામ (પાધરાના) સમઢીયાળા રહેવા જવાનું થવાથી કિશોરાવસ્થા સુધી ઉછરે ત્યાં જ થયો. ગામમાં જ ગુજરાતી ચાર ચોપડી સુધીનો અને અંગ્રેજી બે ચોપડી સુધીનો અભ્યાસ કર્યો. મહેસાણાની પાઠશાળામાં ધાર્મિક, સંસ્કૃત આદિનો સારો અભ્યાસ કર્યો. વિ. સં. ૧૯૮૯ માં મહેસાણા પાઠશાળામાં જ મેનેજર તરીકે જોડાયા. સાથે સાથે કર્મગ્રન્થાદિ ત્થા સંસ્કૃત વ્યાકરણાદિનો અભ્યાસ કરાવતા હતા. સંસ્કૃત અને પ્રાકૃત ભાષાના તેઓ પંડિત હતા. દિન-પ્રતિદિન અવિરત પરિશ્રમ લઈને તેમણે મહેસાણા પાઠશાળાને ઉત્તમોત્તમ વિદ્યાધામ બનાવ્યું હતું. અનેક અભ્યાસીઓને અને અનેકાનેક મુનિમહાત્માઓને તેમણે પોતાની ભણાવવાની અજોડ કળાથી અભ્યાસ કરાવી તૈયાર કર્યા છે. - આર્યસંસ્કૃતિના પાયાના તત્ત્વો અને ટોચની મહાસંસ્કૃતિ (જૈન સંસ્કૃતિ-શાસન)ના તેઓ સુકુશળ, ઉંડા અને સૂક્ષ્મ વિવેચક હતા. એમના અનેક ગ્રંથોમાં “કરેમિ ભંતે” અને “પંચપ્રતિક્રમણ” નો હજાર પાનાનો ગ્રંથ અદ્દભૂત જ્ઞાનનો ખજાનો છે. રાજકીય, રાષ્ટ્રીય અને નૈતિક પ્રકરણો સાથે છેલ્લા પાંચસો વરસમાં સંસ્કૃતિને મૂળમાંથી ઉડાડવા રચાયેલા જયંત્રોનો હુબહુ ચિતાર તેમણે ૬૫ વરસ પહેલા આલેખેલ છે, જે આજે ભારત વર્ષની પ્રજા પ્રત્યક્ષ અનુભવી રહી છે. તદૂઉપરાંત તત્ત્વાર્થસૂત્ર” જેવા મહાન તાત્ત્વિક ગ્રંથ ઉપર પણ તેમણે વિશદ્ વિવેચન અને પ્રાસંગિક લાલબત્તી ઘરવામાં કમાલ કરી છે. ૧૮ વરસ સુધી ચાલેલા તેમના માસિક “ હિતમિત-પથ્ય-સત્યમુ” માં છપાયેલા અનેક લેખ સિવાય અન્ય પાંચ હજાર જેટલા અપ્રગટ લેખો વર્તમાન સં જો ગો માં માર્ગ દર્શક બની રહે છે .