Jain Shasan Samstha

Author(s): Prabhudas Bechardas Parekh
Publisher: Viniyog Parivar

Page 5

(સંપાદકીય નોંધ
ભારતવર્ષની ભવ્યાતિભવ્ય મહાસંસ્કૃતિના ઉન્મેલન માટે જ્યારે “સ્વરાજ્ય અને 'આઝાદી' ના નામે કૌભાંડ રચાઈ ગયું હતું અને તે જાળમાં દેશપ્રેમી યુવાનો આકર્ષાયા હતા, તે ટાણે એક યુવાનના હૈયામાં પૂર્વભવ પ્રાપ્ત ક્ષયોપશમ-સત્યની પીંછાન જાગૃત થતાં, ઉંડી વિચારણા ઉઠી. આંખ સામે મહાસંસ્કૃતિને ઉડાડવા માટે પરદેશોની ગોઠવેલી ગુપ્ત સુરંગો, એના પ્યાદા બનતા રાજકારણીઓ, અર્થતંત્ર અને ધર્મતંત્રને વેરવિખેર કરવાની ગૂઢ યોજનાઓ, તે માટે દેશની બાહ્ય આબાદી અને મૂળ પ્રજાની પાયમાલી વિગેરે વિગેરે જેવા અનેક દ્રશ્યો ખડા થયાં. તે યુવાને એકલે હાથે, સંયોગોની યારી પ્રમાણે, પ્રજાને, પ્રજાના ઘડવૈયાઓને, સાધુસંત અને ગૃહસ્થોને માસિકો તથા પુસ્તકો દ્વારા જાગૃત કરવા પ્રયત્ન આદર્યો.
તે યુવાન એટલે વિદ્વવર્ય શ્રધ્ધાન્વિત પંડિતપ્રવર શ્રી પ્રભુદાસ બેચરદાસ પારેખ. તેમને એક બાહોશ-સંસ્કૃતિ ચાહક યુવાન શ્રી અરવિંદભાઈ મણીલાલ પારેખ ભેટી ગયા. તેઓએ શ્રી પ્રભુદાસભાઈની સંસ્કૃતિરક્ષક-પ્રચારક વિચારધારાને એકલે હાથે, યુનથી તંત્રી સુધી, ૧૮-૧૮ વરસ સુધી “હિતરમત-પથ્ય-સત્યમ્ માસિક દ્વારા વહેતી રાખી.
આ જ માસિકમાં છપાયેલ જગતુપૂજ્ય તીર્થંકર પરમાત્મા, તેમની કલ્યાણકારી શાસન સંસ્થા, શાસનના અંગની સમજણ, શાસન ઉપર આવેલ આપત્તિ અને તેના ઉપાયોની સમજણ આપતા વિવિધ લેખોના સંગ્રહને પુસ્તિકરૂપે પ્રકાશિત કરતા અને આનંદ અનુભવીએ છીએ. શાસ્ત્રોના વરસોના ઉંડા અભ્યાસમાંથી અને અનેક સાત્ત્વિક પ્રજાકલ્યાણના પ્રત્યક્ષ અનુભવોમાંથી ઘડાયેલ આ સંસ્કૃતિરક્ષક પુરુષના લેખો વિશ્વકલ્યાણકર તીર્થંકર પરમાત્માના શાસન ઉપર આવેલી અનેક આપત્તિઓના વાદળો વિખેરવા માર્ગદર્શક બની રહેશે એવી અમારી આશા છે.
સંપાદક