Bhavbhavna Prakaranam

Author(s): Hemchandracharya, Vairagyarativijay
Publisher: Shrutbhuvan Sansodhan Kendra

Page 173

१६०
भवभावना
अंबे अंबरिसी चेव सामे य सबले त्ति य। रुद्दोवरुद्दकाले य महाकाले त्ति आवरे॥९७॥ असि पत्तेधणू कुंभे वालू वेयरणि त्ति या खरस्सरे महाघोसे पनरस परमाहम्मिया॥९८॥ एए य निरयपाला, धावंति समंतओ य कलयलंता। रे रे तरियं मारह, छिंदह भिंदह इमं पावं॥९९॥ इय जंपंता वावल्लभल्लिसेल्लेहिं खग्गकुंतेहिं। नीहरमाणं विंधंति तह य छिंदति निक्करुणा॥१००॥ निवडतो वि ह कोइ वि, पढमं खिप्पइ महंतसूलाए। अप्फालिज्जइ अन्नो, वज्जसिलाकंटयसमहे॥१०१॥ अन्नो वज्जग्गिचियासु खिप्पए विरसमारसंतो वि। अंबाईणऽसुराणं, एत्तो साहेमि वावारं॥१०२॥ आराइएहि विंधति मोग्गराईहिं तह निसुंभंति। धाडंति अंबरयले, मंचंति य नारए अंबा॥१०३॥ निहए य तह निसन्ने, ओहयचित्ते विचित्तखंडेहिं। कप्पंति कप्पणीहिं, अंबरिसी तत्थ नेरइए॥१०४॥ साडणपाडणतोत्तयविंधण तह रज्जतलपहारेहिं। सामा नेरइयाणं, कुणंति तिव्वाओ वियणाओ॥१०५॥ सबला नेरइयाणं, उयराओ तह य हिययमज्झाओ। कड्ढंति अंतवसमंसफिप्फिसे छेदिउं बहुसो॥१०६॥ छिंदति असीहिं तिसूलसूलसुइसत्तिकुंततुमरेसु। पोयंति चियासु दहति निद्दयं नारए रुद्दा॥१०७॥ भंजंति अंगुवंगाणि ऊरू बाहू सिराणि करचरणे। कप्पंति खंडखंडं, उवरुद्दा निरयवासीणं॥१०८॥ मीरासु सुंठिएसुं, कंडूसु य पयणगेसु कुंभीसु। लोहीसु य पलवंते, पयंति काला उ नेरइए॥१०९॥ छेत्तूण सीहपुच्छागिईणि तह कागणिप्पमाणाणि। खावंति मंसखंडाणि नारए तत्थ महकाला॥११०॥