Bhagwati Sutra Vandana

Author(s): Pradyumnasuri, Kantibhai B Shah
Publisher: Shrutgyan Prasarak Sabha

Page 8

સઝાયની સાથે આપ્યો છે.
વિ. સં. ૨૦૫૪માં આંબાવાડી શ્રી સંઘના આંગણે ચાતુર્માસ દરમિયાન પૂજ્યપાદ સૌમ્યમૂર્તિ આચાર્ય મહારાજશ્રી વિજયદેવસૂરીશ્વરજી મહારાજ, પૂજ્યપાદ વ્યાકરણાચાર્ય આચાર્ય મહારાજશ્રી વિજયહેમચંદ્રસૂરીશ્વરજી મહારાજની નિશ્રામાં મુનિશ્રી ગુણશીલવિજયજી તથા મુનિશ્રી રાજહંસ વિજયજીને પરમ પાવન પંચમાંગ શ્રી ભગવતીજી સૂત્રના મોટા જોગની આરાધના શરૂ થઈ અને તેની અનુજ્ઞાસ્વરૂપ ગણિપદપ્રદાન નિમિત્તનો પ્રભુજીનો મહોત્સવ ઊજવાયો ત્યારે પ્રાસંગિક રીતે શ્રી ભગવતીજી સૂત્રના છંદક, પરિવ્રાજક અને જમાલિકુમાર વગેરે અધિકારોનું નિરૂપણ કરવાનું બન્યું. ત્યારે એક વિચાર એવો પણ વહેતો થયો કે આ રીતે શ્રી ભગવતીસૂત્ર પ્રવચનમાળાનું આયોજન પણ થઈ શકે અને આઠ દિવસમાં શ્રી ભગવતીજીમૂત્રનું વા દર્શન કરી-કરાવી શકાય. સમગ્ર તો વંચાય/સંભળાય ત્યારે, પણ તેનું આચમન તો થઈ શકે તોય ઘણું. એમાંથી આ પ્રકાશનનો વિચાર ઉદ્ભવ્યો. એ પ્રવચનમાળામાં સંગીતના ભાગમાં આ સઝાયોનું ગાન કરાવવું.
હાલ તો પ્રવચનમાળાનો વિચાર અભિલાષારૂપ છે પણ તે નિમિત્તે થયેલા આ સંગ્રહને તો પ્રકાશિત કરાવવું તે મુનાસિબ લાગ્યું.
આના વાચન-મનનથી પવિત્ર પંચમાંગશ્રી ભગવતીસૂત્રના દરિયા જેવા ભાવોનો એક ચળ જેટલો ભાગ પણ આસ્વાદવા માટે ખપ લાગશે તો ક્યારેક ભવનો તાગ પણ લાધશે.
આના શ્રમપૂર્વકના સંપાદન બદલ શ્રી કાંતિભાઈ બી. શાહને અંતરના હાર્દિક ધન્યવાદ આપવા ઉચિત છે. તેઓની શ્રુતસેવાની ભાવના પ્રશંસનીય છે સમ્યજ્ઞાન દ્વારા આત્મદર્શન એ મુદ્રાલેખ છે તેને સાર્થક કરવા આપણે સૌ પ્રયત્ન કરીએ.
વિ. સં. ૨૦૧૭ શ્રાવણ સુદિ પંચમી. દશાપોરવાડ જૈન ઉપાશ્રય, પાલડી, અમદાવાદ-૭
એ જ. શ્રી નેમિ – અમૃત – દેવ – હેમચંદ્રસૂરિશિષ્ય પ્રદ્યુમ્નસૂરિ