________________
६४
-
अंगविजापइण्णय
[१ पण्णतरि कंठेगुणो त्ति वा बूया अधवा संविताणकं । देवमल्लं ति वा बूया उरणा चुंभलं ति वा ॥ १२१॥ आमेलको त्ति वा बूया मत्थको गोच्छको त्ति वा । पुप्फरासी णिगरो वा पुप्फाणं पोट्टलो त्ति वा ॥ १२२॥ जं च पुप्फमयं किंचि पुण्णामं भूसणं भवे । तस्सद्दमुदाहरणे पुण्णामसममादिसे ॥ १२३॥ पुप्फजोणी समासेण इच्चेसा परिकित्तिता । फलं पुण्णामतो सई कित्तयिस्समतो परं ॥ १२४॥
कुभंडं तुंब-कालिंगं तधा केक्खारुगं ति वा । ससबिंदुकं ति वालुकतपुसेल्लालुकं ति वा ॥ १२५॥ दालिमं णालिकेर ति बिल्लमामलकं ति वा । तिंदुकं बदरं व त्ति तथा सेलूडकं ति वा ॥१२६॥ तलपकं ति वा बूया सीवण्णं धम्मणं ति वा । तोरणं करमंदं ति तधा बेभेलकं ति वा ॥ १२७॥ कंटासकं जंबुफलं भवे पारावतं ति वा । अक्खोल-मातुलिंगं ति खज्जूरं कलिमाजकं ॥ १२८॥ फलाणि जाणि वऽण्णाणि पुण्णामाणि भवंतिह । तेसिं संकित्तणासद्दा पुण्णामाणि भवंतिह ॥ १२९ ॥ फलजोणी समासेण इच्चेसा परिकित्तिया । पुण्णामाणि तु पेयाणि कित्तयिस्समतो परं ॥ १३०॥
बूया तु अपकरसो तधा पकरसो त्ति वा । अरिट्ठो आसवो व त्ति मेरको त्ति मधु ति वा ॥ १३१ ॥ गोधसालको वत्ति पाणकं ति व जो वदे । रसो जूसो त्ति वा बूया खलको पाणियं ति वा ॥ १३२॥
खीरं दुद्धं दधिं व त्ति पयं गुल दाधि ति वा । णवणीतं घितं व त्ति गुल तेल फाणितं ति वा ॥१३३॥ एवमेताणि पेयाणि कित्तियाणि समासतो। पुण्णामाणि पवक्खामि भोयणाणि अंत परं ॥ १३४॥
कूरो वा ओदणो व त्ति अण्णं ति असणं ति वा । भोयणं जेमणं व त्ति आहारो त्ति व जो वदे ॥१३५॥ पायसो परमण्णं ति दधितावो विलेपिको । दधिकूर-दुद्धकूरो घत-सासवकूरको ॥ १३६ ॥ गुलकूरको त्ति वा बूया अधवा पत्तकूरको । कुलत्थकूरको व त्ति मुंग्ग-मासोदणो त्ति वा ॥ १३७ ॥ अतिकूर तेल्लकूरो त्ति भूतकूरो त्ति वा वदे । जस्स धण्णस्स जो मिस्सो तण्णामो कूर एव सो॥ १३८॥ जे वऽण्णे एवमादीया कूरा पुरुसणामगा। तेसिं संकित्तणासहा पुण्णामसमका भवे ॥१३९॥ अण्णजोणीसु पेयाले इच्छेते परिकित्तिता । पुण्णामाणि पवक्खामि एत्तो अच्छादणाणि तु॥१४॥
पडसाडगं ति वा बूया तधा खोमदुगल्लगं । चीणंसुगं चीणपट्टो पावारो वा पडो त्ति वा ॥ १४१ ॥ साडको सेदसाडो त्ति तधा कोसेयपारओ। णाणाविधा कंबलका जे पुण्णामा भवंतिह ॥ १४२॥ . उत्तरिजंतरिजं ति उस्सीसं "वेधणं ति वा । कप्पासो कंचुको व ति वारवाणं ति वा पुणो ॥ १४३ ॥ विताणकं ति वा बूया पच्छतो व त्ति जो वदे । सँण्णाहपट्टको व त्ति अधवा मल्लसाडगो ॥ १४४ ॥ अच्छादणे पंचविधे यं जं पुण्णामकं भवे । तं [तं] सहोदाहरणं पुण्णामसममादिसे ॥ १४५॥ पच्छादणजोणीय एव पेयालमाहितं । पुण्णामाणि पवक्खामि भूसणाणमतो परं ॥ १४६ ॥
तिरीडं मउडो चेव तधा सीहस्स भंडकं । अलकस्स परिक्खेवो अधवा मत्थककंटकं ॥ १४७॥ तधा गरुलको व त्ति वदे मगरको त्ति वा । तधा उसभको व त्ति अधवा सीउको भवे ॥ १४८॥ अधवा हत्थिको व त्ति तधा चक्ककमिहुणगं । तघेव झंकको व त्ति कडगं खडुगं ति वा ॥ १४९॥ णिडालमासको व त्ति तिलको मुँहफलकं ति वा । विसेसको त्ति वा बूया अवंगो त्ति व जो वदे ॥ १५० ॥ कुंडलं वा बको वत्ति मत्थगो तलपत्तकं । दक्खाणकं कुरबको अधवा कण्णकोवगो॥१५१॥
20
30
१ उराणं चुंभलं हं. त•। उरुणाभं तलं सि० ॥ २ रुक्खारुगं हं० त०॥ ३ वालुंकं सि० ॥ ४°कं पुसेल्लाबुकं हं. त• विना ॥ ५ एतचिह्नमध्यवयं श्लोकः हं० त० नास्ति ॥ ६ 'अत प्परं' अतः परमित्यर्थः ॥ ७ गुम्ममासो है० त०॥ ८°करं खल्लकरोत्ति चूत हं० त० ॥ ९ खेडसाडो सि० विना ॥ १० ओसीसं हं० त०॥ ११ चेवणं ह० त० विना ॥ १२ कंसुको हं. त०॥ १३ ससोह' है. त. विना॥ १४ सीधस्स है. त• विना ॥ १५ सीउदको सं ३ पु०॥ १६ महुफलक सं ३ पु०॥ १७ वाद्धको सं३ पु० । वाव्वको ६० त० । वाडको सि०॥
Jain Education Intemational
For Private & Personal Use Only
www.jainelibrary.org
