________________
૨૪
સ્થવિરાવલી
(હવે આગળ વર્તમાન અનુવાદકનો અનુવાદ)
કાલિકાચાર્ય અવંતિનગરનો સંપ્રતિ રાજા પુત્ર વગરનો હતો. તેના સ્વર્ગગમન પછી (વીર સંવંત ૨૯૩માં) અશોક રાજાના પુત્ર તિસ્યગુમના બે પુત્રો જેઓ જિનધર્મના આરાધક હતા-તેઓ બલમિત્ર-ભાનુમિત્ર નામના વીર ભગવાનના નિર્વાણથી ર૯૪માં વર્ષે રાજ્ય પર આવ્યા. તે બન્ને ભાઈઓ જિનધર્મ આરાધક હતા અને વીરપ્રભુના નિર્વાણથી ૩૫૪ વર્ષે સ્વર્ગમાં ગયા. ત્યાર બાદ બલમિત્રનો પુત્ર નભોવાહન (નરવાહન) અવંતિના રાજ્ય પર આવ્યો. તે પણ જિનધર્માનુયાયી હતો અને વીર પ્રભુના નિર્વાણથી ૩૯૪મા વર્ષે સ્વર્ગમાં ગયો. ત્યાર બાદ તેનો પુત્ર (વીર સંવંત ૩૯૪માં) ગર્દભિલ્લ અવંતિનગરનો રાજા બન્યો. આ બાજુ ધારાવાસ નગરીમાં વેરસીહ નામના રાજાનો કાલિગ નામનો કુમાર ગુણાકર નામના નિર્રન્થનો ઉપદેશ સાંભળી જિનધર્મ પામ્યો ને દીક્ષા લઈ અણગાર થયો. અને અનુક્રમે કાલિકાચાર્ય બન્યો. તે તેમની સરસ્વતી નામની બેન પણ દીક્ષા લઈ સાધ્વી બની. ત્યાર બાદ વિહાર કરતાં નિર્ગુન્થ-નિર્ઝબ્ધિઓના ગણની સાથે તે બન્ને ભાઈભગિની અવંતિનગરીના ઉદ્યાનમાં પધાર્યા. ત્યાં અશ્વ ખેલાવતો ગર્દભિલ્લ રાજા આવ્યો. ત્યાં તે સરસ્વતી નામની સાધ્વીને અતીવ રૂપવાન જોઈને મદનના બાણથી આક્રાંત થયો અને તેણે બળાત્કારપૂર્વક સાધ્વીજીને ગ્રહણ કરી અને પોતાના અંતઃપુરમાં દાખલ કરી. કાલિક આર્યો અને સાધ્વીને છોડી મૂકવા માટે ખૂબ પ્રાર્થના કરી પણ તે દુર્ભાગી રાજાએ તેણીને મુક્ત ન કરી. ક્રોધાક્રાંત બનેલા કાલિકાચાર્ય ત્યાંથી વિહાર કરી સિંધુ જનપદમાં આવ્યા. ત્યાં સામત નામનો શકરાજા રાજ્ય કરતો હતો. આચાર્ય તે રાજાને સુંદર-શ્રેષ-રથ-ઘોડાહાથી-વગેરે પ્રચંડ સેના સહિત અવંતિ નગરીની નજિકમાં લાવે છે. ગર્દભિલ્લ રાજા પણ પોતાની સેના સહિત નગરીની બહાર આવ્યો. ત્યાં ભીષણયુદ્ધ થયું. ગઈભિલ્લ રાજા હણાયો, મરીને નારકીનો મહેમાન બન્યો. કાલિકાચાર્યે પણ પોતાની બહેન સરસ્વતીને આલોચનાપૂર્વક ફરીથી દીક્ષા આપી, પછીથી વિહાર કરી ક્રમથી ભરૂચ નગર પધાર્યા. ત્યાર બાદ ગર્દભિલ્લ રાજાનો પુત્ર
Jain Education International
For Private & Personal Use Only
www.jainelibrary.org
